151 Corinthians 15

1Ngakho, bazalwane, ngilazisa ivangeli engalitshumayeza lona, lani elalemukelayo, njalo elimi kulo,Select 1 Corinthians 15:1

2njalo elisindiswa ngalo; uba libambelela elizwini levangeli engalitshumayela kini, ngaphandle kokuthi lakholwa ize.Select 1 Corinthians 15:2

3Ngoba ngalinika okokuqala lokho engakwemukelayo lami, ukuthi uKristu wafa ngenxa yezono zethu, njengokwemibhalo;Select 1 Corinthians 15:3

4lokuthi wangcwatshwa; lokuthi wavuswa kwabafileyo ngosuku lwesithathu, njengokwemibhalo;Select 1 Corinthians 15:4

5lokuthi wabonakala kuKefasi, emva kwalokho kwabalitshumi lambili;Select 1 Corinthians 15:5

6emva kwalokho wabonakala ngesikhathi sinye kubazalwane abedlula amakhulu amahlanu, ubunengi babo basekhona kuze kube lamuhla, kodwa labanye sebalala;Select 1 Corinthians 15:6

7emva kwalokho wabonakala kuJakobe, emva kwalokho wabonakala kubaphostoli bonke;Select 1 Corinthians 15:7

8lekucineni kwabo bonke wabonakala lakimi njengozelwe ngesikhathi esingaqondanga.Select 1 Corinthians 15:8

9Ngoba mina ngingomncinyanyana kubaphostoli, engingafanele ukuthiwa ngumphostoli, ngoba ngazingela ibandla likaNkulunkulu.Select 1 Corinthians 15:9

10Kodwa ngomusa kaNkulunkulu ngiyikho lokho engiyikho khona, lomusa wakhe okimi kawubanga yize; kodwa ngitshikatshike okwengezelelwe kulabo bonke, kanti kungesimi, kodwa ngumusa kaNkulunkulu olami.Select 1 Corinthians 15:10

11Ngakho loba kuyimi, loba kuyibo, ngokunjalo siyatshumayela langokunjalo lakholwa.Select 1 Corinthians 15:11

12Kodwa uba uKristu etshunyayelwa ukuthi uvusiwe kwabafileyo, batsho njani abanye phakathi kwenu ukuthi kakukho ukuvuka kwabafileyo?Select 1 Corinthians 15:12

13Kodwa uba kungekho ukuvuka kwabafileyo, kavuswanga laye uKristu;Select 1 Corinthians 15:13

14uba-ke uKristu engavuswanga, ngakho ukutshumayela kwethu kuyize, lokholo lwenu lalo luyize.Select 1 Corinthians 15:14

15Lathi futhi sificwa singabafakazi bamanga bakaNkulunkulu, ngoba safakaza ngoNkulunkulu ukuthi wamvusa uKristu, angamvusanga, uba-ke abafileyo bengavuswa.Select 1 Corinthians 15:15

16Ngoba uba abafileyo bengavuswa, kavuswanga laye uKristu;Select 1 Corinthians 15:16

17njalo uba uKristu engavuswanga, ukholo lwenu luyize; lisesezonweni zenu.Select 1 Corinthians 15:17

18Ngakho lalabo abalele bekuKristu sebabhubha.Select 1 Corinthians 15:18

19Uba singabathembela kuKristu kule impilo kuphela, singabalosizi kulabo bonke abantu.Select 1 Corinthians 15:19

20Kodwa khathesi-ke uKristu uvusiwe kwabafileyo, waba yisithelo sokuqala sabaleleyo.Select 1 Corinthians 15:20

21Ngoba lokhu ngomuntu ukufa kweza, langomuntu ukuvuka kwabafileyo kweza.Select 1 Corinthians 15:21

22Ngoba njengalokhu kuAdamu bonke bayafa, ngokunjalo futhi kuKristu bonke bazakwenziwa baphile.Select 1 Corinthians 15:22

23Kodwa ngulowo lalowo ngesakhe isigaba; isithelo sokuqala uKristu, besekusiba ngabakaKristu ekufikeni kwakhe,Select 1 Corinthians 15:23

24besekusiba yikuphela, lapho esenikela umbuso kuNkulunkulu, uYise, lalapho esenze kwaphela konke ukubusa labo bonke ubukhosi lamandla.Select 1 Corinthians 15:24

25Ngoba umele yena ukubusa, aze abeke zonke izitha ngaphansi kwenyawo zakhe.Select 1 Corinthians 15:25

26Isitha sokucina esizachithwa yikufa.Select 1 Corinthians 15:26

27Ngoba izinto zonke uzehlisele ngaphansi kwenyawo zakhe. Kodwa nxa esithi izinto zonke zehlisiwe, kusobala ukuthi ungaphandle kwazo yena ozehlisileyo izinto zonke ngaphansi kwakhe.Select 1 Corinthians 15:27

28Nxa izinto zonke sezehlisiwe ngaphansi kwakhe, khona layo iNdodana ngokwayo izazehlisa ngaphansi kwalowo owehlisela zonke izinto ngaphansi kwayo, ukuze uNkulunkulu abe yikho konke kukho konke.Select 1 Corinthians 15:28

29Pho, bazakwenzani ababhabhathizelwa abafileyo uba abafileyo bengavuki isibili? Kungani babhabhathizelwa abafileyo na?Select 1 Corinthians 15:29

30Kungani lathi sisengozini ihola ngehola?Select 1 Corinthians 15:30

31Ngiyafa usuku ngosuku, ngiyaqinisa ngokuzincoma ngani engilakho kuKristu Jesu iNkosi yethu.Select 1 Corinthians 15:31

32Uba ngokwabantu ngalwa lezilo eEfesu, nzuzo bani kimi, uba abafileyo bengavuki? Asidle sinathe, ngoba kusasa siyafa.Select 1 Corinthians 15:32

33Lingakhohliswa; ukwejwayelana lababi kuyonakalisa izimilo ezinhle.Select 1 Corinthians 15:33

34Vusani ingqondo ngokulunga njalo lingoni; ngoba abanye balokungamazi uNkulunkulu; ngikhulumela ukuthi libe lenhloni.Select 1 Corinthians 15:34

35Kodwa omunye uzakuthi: Abafileyo bavuswa njani? Njalo beza lomzimba onjani?Select 1 Corinthians 15:35

36Siphukuphuku, lokho okuhlanyelayo wena, kakwenziwa kuphile ngaphandle kokuthi kufe;Select 1 Corinthians 15:36

37lalokho okuhlanyelayo, kawuhlanyeli umzimba ozakuba khona, kodwa uhlamvu oluze, mhlawumbe, olwebele kumbe olokunye nje;Select 1 Corinthians 15:37

38kodwa uNkulunkulu uyinika umzimba njengokuthanda kwakhe, lakuleyo laleyo yenhlanyelo owayo umzimba.Select 1 Corinthians 15:38

39Inyama yonke kayisinyamanye; kodwa enye yinyama yabantu, lenye yinyama yenyamazana, lenye eyenhlanzi, lenye eyezinyoni.Select 1 Corinthians 15:39

40Ikhona lemizimba yezulwini, lemizimba yemhlabeni; kodwa inkazimulo yezulu ingenye, leyemhlabeni ingenye.Select 1 Corinthians 15:40

41Enye yinkazimulo yelanga, lenye yinkazimulo yenyanga, lenye yinkazimulo yezinkanyezi; ngoba inkanyezi yehlukile kwenye inkanyezi enkazimulweni.Select 1 Corinthians 15:41

42Kunjalo-ke ukuvuka kwabafileyo. Kuhlanyelwa ekuboleni, kuyavuswa kungekho ekuboleni;Select 1 Corinthians 15:42

43kuhlanyelwa ekudelweni, kuvuswe enkazimulweni; kuhlanyelwa ebuthakathakeni, kuvuswe emandleni;Select 1 Corinthians 15:43

44kuhlanyelwa umzimba wemvelo, kuvuswe umzimba womoya. Kukhona umzimba wemvelo, njalo kukhona umzimba womoya.Select 1 Corinthians 15:44

45Langokunjalo kulotshiwe ukuthi: Umuntu wokuqala uAdamu waba ngumphefumulo ophilayo; uAdamu wokucina ngumoya ophilisayo.Select 1 Corinthians 15:45

46Kodwa okokuqala kakusikho okomoya, kodwa okwemvelo, besekusiza okomoya.Select 1 Corinthians 15:46

47Umuntu wokuqala wavela emhlabeni, ungowomhlabathi; umuntu wesibili uyiNkosi evela ezulwini.Select 1 Corinthians 15:47

48Njengoba enjalo owomhlabathi, banjalo labo abomhlabathi; lanjengoba enjalo owezulwini, banjalo labo abezulwini;Select 1 Corinthians 15:48

49futhi njengoba sibelesimo sowomhlabathi, lathi sizakuba lesimo sowezulwini.Select 1 Corinthians 15:49

50Kodwa ngitsho lokhu, bazalwane, ukuthi inyama legazi kungelidle ilifa lombuso kaNkulunkulu; lokubola kakulidli ilifa lokungaboli.Select 1 Corinthians 15:50

51Khangelani, ngilitshela imfihlo: Kasiyikulala sonke, kodwa sizaphendulwa sonke,Select 1 Corinthians 15:51

52ngesikhatshana, ngokucwayiza kwelihlo, ekukhaleni kophondo lokucina; ngoba uphondo luzakhala, labafileyo bazavuswa bengelakubola, lathi sizaphendulwa.Select 1 Corinthians 15:52

53Ngoba lokhu okubolayo kumele ukwembatha ukungaboli, lalokho okufayo kwembathe ukungafi.Select 1 Corinthians 15:53

54Nxa-ke lokho okubolayo sekwembethe ukungaboli, lalokho okufayo sekwembethe ukungafi, kuzakwenzeka ngalesosikhathi ilizwi elilotshiweyo lokuthi: Ukufa kuginyiwe ekunqobeni.Select 1 Corinthians 15:54

55Lungaphi, kufa, udonsi lwakho? Kungaphi, ngcwaba, ukunqoba kwakho?Select 1 Corinthians 15:55

56Lodonsi lokufa yisono; lamandla esono ngumlayo.Select 1 Corinthians 15:56

57Kodwa kabongwe uNkulunkulu osinika ukunqoba ngeNkosi yethu uJesu Kristu.Select 1 Corinthians 15:57

58Ngakho, bazalwane bami abathandekayo, manini, linganyikinyeki, lengezelelwe emsebenzini weNkosi kokuphela, lazi ukuthi ukutshikatshika kwenu kakusilo ize eNkosini.Select 1 Corinthians 15:58