14Luke 14

1Kwasekusithi ekungeneni kwakhe ngesabatha endlini yomunye wabakhulu kubaFarisi ukuthi adle isinkwa, bona basebemqaphela.Select Luke 14:1

2Njalo khangela, kwakukhona umuntu othile phambi kwakhe owayelombizankulu.Select Luke 14:2

3UJesu wasephendula wakhuluma lezazumthetho labaFarisi, wathi: Kuvunyelwe yini ukusilisa ngesabatha?Select Luke 14:3

4Kodwa bathula. Wasembamba wamsilisa wamyekela ukuthi ahambe.Select Luke 14:4

5Wasebaphendula esithi: Nguwuphi kini ongathi elobabhemi kumbe inkabi yakhe ewele emgodini, futhi angahle ayikhuphe ngosuku lwesabatha?Select Luke 14:5

6Abasazange babuyisele impendulo kuye ngalezizinto.Select Luke 14:6

7Wasekhuluma umfanekiso kubo abanxusiweyo, ebona ukuthi bakhetha njani izihlalo zabahloniphekayo, wathi kubo:Select Luke 14:7

8Nxa unxusiwe ngumuntu emtshadweni, ungahlali esihlalweni sabahloniphekayo; hlezi kukhona omkhulu kulawe onxusiweyo nguye,Select Luke 14:8

9futhi okunxusileyo wena laye eze athi kuwe: Mxekele lo; khona uzaqala ukuhlala endaweni esekucineni usulenhloni.Select Luke 14:9

10Kodwa nxa unxusiwe, hamba uhlale endaweni esekucineni; ukuze, nxa efika okunxusileyo, athi kuwe: Mngane, yenyukela ngaphezulu; khona kuzakuba ludumo kuwe phambi kwabo abahlezi ekudleni lawe.Select Luke 14:10

11Ngoba wonke oziphakamisayo uzathotshiswa, lozithobayo uzaphakanyiswa.Select Luke 14:11

12Wasesithi lakulowo owayemnxusile: Nxa usenza ukudla kwemini loba ukudla kwantambama, unganxusi abangane bakho, loba abafowenu, loba izihlobo zakho, loba omakhelwane abanothileyo; hlezi labo babuye bakunxuse, futhi ukwenananiswa kwenziwe kuwe.Select Luke 14:12

13Kodwa nxa usenza idili, nxusa abayanga, izilima, iziqhuli, iziphofu;Select Luke 14:13

14njalo uzabusiswa, ngoba abalalutho lokukwenanisa; ngoba uzakwenaniselwa ekuvukeni kwabalungileyo.Select Luke 14:14

15Kwathi omunye kwababehlezi laye ekudleni esezwile lezizinto wathi kuye: Ubusisiwe lowo ozakudla isinkwa embusweni kaNkulunkulu.Select Luke 14:15

16Kodwa wathi kuye: Umuntu othile wenza ukudla kwantambama okukhulu, wanxusa abanengi.Select Luke 14:16

17Ngesikhathi sokudla kwantambama wasethuma inceku yakhe ukuthi ithi kwabanxusiweyo: Wozani, ngoba sekulungisiwe konke.Select Luke 14:17

18Kodwa bonke baqala omunye lomunye ukuzixolisela. Owokuqala wathi kuye: Ngithenge insimu, ngimele ukuhamba ngiyeyibona; ngiyakuncenga, akungixolisele.Select Luke 14:18

19Lomunye wathi: Sengithenge izipane ezinhlanu zenkabi, ngiya ukuzilinga; ngiyakuncenga, akungixolisele.Select Luke 14:19

20Lomunye wathi: Sengithethe umfazi, ngakho ngingeze ngeza.Select Luke 14:20

21Isibuyile leyonceku yayibikela lezizinto inkosi yayo. Wasethukuthela umninindlu wathi encekwini yakhe: Phuma ngokuphangisa uye emigwaqweni lendleleni zomuzi, ulethe abayanga lezilima leziqhuli leziphofu ubangenise lapha.Select Luke 14:21

22Inceku yasisithi: Nkosi, sekwenziwe njengokulaya kwakho, njalo indawo isesekhona.Select Luke 14:22

23Yasisithi inkosi encekwini: Phuma uye ezindleleni lezintangweni ubacindezele bangene, ukuze igcwaliswe indlu yami.Select Luke 14:23

24Ngoba ngithi kini: Kakho kulamadoda ayenxusiwe ozakuzwa ukudla kwami kwantambama.Select Luke 14:24

25Kwakuhamba laye amaxuku amanengi; wasetshibilika wathi kuwo:Select Luke 14:25

26Uba umuntu esiza kimi, futhi engazondi uyise, lonina, lomkakhe, labantwana, labafowabo, labodadewabo, yebo ngitsho leyakhe impilo, angebe ngumfundi wami.Select Luke 14:26

27Njalo loba ngubani ongathwali isiphambano sakhe angilandele, angebe ngumfundi wami.Select Luke 14:27

28Ngoba nguwuphi kini, othi efuna ukwakha umphotshongo, ongaqali ahlale phansi, abale indleko, ukuthi ulakho yini okokuqedisa?Select Luke 14:28

29Ukuze hlezi, kuthi esebekile isisekelo kodwa angabi lamandla okuqeda, bonke abakubonayo baqale ukumhleka,Select Luke 14:29

30besithi: Lumuntu waqala ukwakha, kodwa kabanga lamandla okuqeda.Select Luke 14:30

31Loba yiyiphi inkosi ezakuya empini imelene lenye inkosi engaqali ihlale phansi inakane ngokuthi ilamandla yini ngenkulungwane ezilitshumi okuhlangabezana laleyo eza ilenkulungwane ezingamatshumi amabili ukumelana layo?Select Luke 14:31

32Kodwa uba kungenjalo, ingathi isekhatshana leyo, ithume amanxusa icele okokuthula.Select Luke 14:32

33Ngakho kunjalo wonke kini ongadeli konke alakho, angeke aba ngumfundi wami.Select Luke 14:33

34Itshwayi lihle; kodwa uba itshwayi seliduma, lizavuselelwa ngani?Select Luke 14:34

35Kalifanele lamhlabathi ledundulu lomquba; kodwa liyalahlwa ngaphandle. Olendlebe zokuzwa, akezwe.Select Luke 14:35