18Luke 18

1Wasebatshela lomfanekiso esenzela ukuthi bafanele ukukhuleka isikhathi sonke, njalo bengadinwa,Select Luke 18:1

2wathi: Kwakukhona emzini othile umahluleli othile, owayengesabi uNkulunkulu, njalo engahloniphi muntu;Select Luke 18:2

3kwakukhona futhi kulowomuzi umfelokazi othile, njalo wayefika kuye, esithi: Ngiphindiselele esitheni sami.Select Luke 18:3

4Kodwa kavumanga okwesikhathi; kodwa emva kwalezizinto wathi ngaphakathi kwakhe: Lanxa ngingamesabi uNkulunkulu, ngingahloniphi muntu,Select Luke 18:4

5kodwa ngoba lumfelokazi engikhathaza, ngizamphindiselela, hlezi angaze ekucineni angidinise.Select Luke 18:5

6INkosi yasisithi: Zwanini umahluleli ongalunganga akutshoyo.Select Luke 18:6

7Kanti uNkulunkulu kayikwenza impindiselo yabakhethiweyo bakhe abakhalayo kuye emini lebusuku, lanxa ebekezela ngabo?Select Luke 18:7

8Ngiyalitshela ukuthi uzahle enze impindiselo yabo. Kodwa-ke nxa iNdodana yomuntu ifika, izathola ukholo yini emhlabeni?Select Luke 18:8

9Wasekhuluma lumfanekiso lakwabathile ababezithemba ukuthi balungile, futhi bedelela abanye, wathi:Select Luke 18:9

10Abantu ababili benyukela ethempelini ukuyakhuleka; omunye engumFarisi, lomunye engumthelisi.Select Luke 18:10

11UmFarisi wema wazikhulekela kanje wathi: Nkulunkulu, ngiyakubonga ukuthi kanginjengabanye abantu, abaphangi, abangalunganga, izifebe, loba lanjengalumthelisi.Select Luke 18:11

12Ngizila ukudla kabili ngeviki, nginikela okwetshumi kwakho konke engikuzuzayo.Select Luke 18:12

13Kodwa umthelisi emi khatshana wayengathandi lokuphakamisela amehlo ezulwini, kodwa watshaya isifuba sakhe, esithi: Nkulunkulu, ngihawukele mina soni.Select Luke 18:13

14Ngithi kini: Lo wehlela endlini yakhe elungisisiwe kulalowayana; ngoba wonke oziphakamisayo uzathotshiswa, kodwa ozithobayo uzaphakanyiswa.Select Luke 18:14

15Basebeletha kuye lensane, ukuze azibambe; kodwa abafundi bekubona babakhuza.Select Luke 18:15

16Kodwa uJesu wazibizela kuye wathi: Vumelani abantwana abancane beze kimi, lingabenqabeli, ngoba umbuso kaNkulunkulu ungowabanje.Select Luke 18:16

17Ngiqinisile ngithi kini: Loba ngubani ongemukeli umbuso kaNkulunkulu njengomntwana omncane, kasoze angene kuwo.Select Luke 18:17

18Umbusi othile wasembuza, esithi: Mfundisi olungileyo, ngenzeni ukuze ngidle ilifa lempilo elaphakade?Select Luke 18:18

19Kodwa uJesu wathi kuye: Ungibizelani ngokuthi olungileyo? Kakho olungileyo, ngaphandle koyedwa, uNkulunkulu.Select Luke 18:19

20Uyayazi imilayo ethi: Ungafebi, ungabulali, ungebi, ungafakazi amanga, hlonipha uyihlo lonyoko.Select Luke 18:20

21Yena wasesithi: Konke lokhu ngikugcinile kusukela ebutsheni bami.Select Luke 18:21

22Kodwa uJesu esizwa lezizinto wathi kuye: Usaswele ulutho olulodwa; thengisa konke olakho, wabele abayanga, njalo uzakuba lempahla eligugu ezulwini; njalo uze lapha ungilandele.Select Luke 18:22

23Kodwa yena esizwa lezizinto wadana kakhulu; ngoba wayenothile kakhulu.Select Luke 18:23

24Kwathi uJesu ebona ukuthi usedane kakhulu wathi: Abalenotho bazangena ngokulukhuni kangakanani embusweni kaNkulunkulu.Select Luke 18:24

25Ngoba kulula ukuthi ikamela lingene ngentunja yenalithi, kulokuthi umuntu onothileyo angene embusweni kaNkulunkulu.Select Luke 18:25

26Abakuzwayo basebesithi: Pho kungasindiswa bani?Select Luke 18:26

27Kodwa yena wathi: Izinto ezingenzekiyo ebantwini ziyenzeka kuNkulunkulu.Select Luke 18:27

28UPetro wasesithi: Khangela, thina sitshiye konke, sakulandela.Select Luke 18:28

29Wasesithi kubo: Ngiqinisile ngithi kini: Kakho umuntu otshiye indlu, kumbe abazali, kumbe abafowabo, kumbe umkakhe, kumbe abantwana, ngenxa yombuso kaNkulunkulu,Select Luke 18:29

30ongayikwemukela okuphindwe kanengi kulesisikhathi, lesikhathini esizayo impilo elaphakade.Select Luke 18:30

31Wasezithathela abalitshumi lambili, wathi kubo: Khangelani, senyukela eJerusalema, futhi konke okulotshiweyo ngabaprofethi ngeNdodana yomuntu kuzagcwaliseka.Select Luke 18:31

32Ngoba izanikelwa kwabezizwe, iyangiswe, ithukwe, ikhafulelwe ngamathe,Select Luke 18:32

33bayitshaye ngesiswepu bayibulale; njalo ngosuku lwesithathu izabuya ivuke.Select Luke 18:33

34Kodwa bona kabaqedisisanga lutho ngalezizinto, lalinkulumo yayifihlakele kubo, njalo kabaziqedisisanga izinto ezazitshiwo.Select Luke 18:34

35Kwasekusithi esesondela eJeriko, isiphofu esithile sasihlezi eceleni kwendlela siphanza;Select Luke 18:35

36sathi sisizwa ixuku lisedlula, sabuza ukuthi kuyini lokho.Select Luke 18:36

37Basebesitshela bathi: UJesu weNazaretha uyedlula.Select Luke 18:37

38Sasesimemeza, sisithi: Jesu, Ndodana kaDavida, ngihawukela!Select Luke 18:38

39Ababehamba phambili basebesikhuza ukuthi sithule; kodwa samemeza kakhulukazi, sisithi: Ndodana kaDavida, ngihawukele!Select Luke 18:39

40UJesu wema-ke walaya ukuthi silethwe kuye; sathi sesisondele wasibuza,Select Luke 18:40

41esithi: Ufuna ukuthi ngikwenzeleni? Sasesisithi: Nkosi, ukuthi ngibuye ngibone.Select Luke 18:41

42UJesu wasesithi kuso: Buya ubone! Ukholo lwakho lukusindisile.Select Luke 18:42

43Njalo sahle sabuya sabona, samlandela, sidumisa uNkulunkulu; labantu bonke bekubona badumisa uNkulunkulu.Select Luke 18:43