19Luke 19

1Wathi uJesu engena, wadabula eJeriko.Select Luke 19:1

2Njalo khangela, kwakukhona indoda eyayithiwa nguZakewu ngebizo; owayeyinduna yabathelisi, njalo wayenothile;Select Luke 19:2

3wadinga ukubona uJesu ukuthi ungubani, kodwa kazange enelise ngenxa yexuku, ngoba wayelesithombo esifitshane.Select Luke 19:3

4Wasegijimela phambili wakhwela emkhiweni wesikhamore ukuze ambone; ngoba wayezadlula ngaleyondlela.Select Luke 19:4

5Kwathi uJesu efika kuleyondawo, wakhangela phezulu wambona, wathi kuye: Zakewu, phangisa wehle; ngoba lamuhla ngimele ukuhlala endlini yakho.Select Luke 19:5

6Wasephangisa wehla, wamemukela ethokoza.Select Luke 19:6

7Futhi bonke bekubona basola, besithi: Ungene wethekelela indoda eyisoni.Select Luke 19:7

8Kodwa uZakewu wema wathi eNkosini: Khangela, ingxenye yempahla yami, Nkosi, ngiyipha abayanga; kuthi uba ngimthathele umuntu ulutho ngobuqili, ngilubuyisela luphindwe kane.Select Luke 19:8

9UJesu wasesithi kuye: Lamuhla usindiso lufikile kulindlu, ngoba laye uyindodana kaAbrahama.Select Luke 19:9

10Ngoba iNdodana yomuntu ize ukudinga lokusindisa okulahlekileyo.Select Luke 19:10

11Kwathi besizwa lezizinto, wengezelela watsho umfanekiso, ngoba wayeseduze leJerusalema, langoba babecabanga ukuthi umbuso kaNkulunkulu uzahle ubonakaliswe.Select Luke 19:11

12Wasesithi-ke: Umuntu othile oyisikhulu waya elizweni elikhatshana, ukuzemukelela umbuso, aphinde abuye.Select Luke 19:12

13Wasebiza inceku zakhe ezilitshumi, wazinika impondo ezilitshumi, wathi kuzo: Sebenzani ngemali ngize ngibuye.Select Luke 19:13

14Kodwa izakhamizi zakhe zamzonda, zathuma amanxusa emva kwakhe, zisithi: Kasithandi ukuthi lo asibuse.Select Luke 19:14

15Kwasekusithi esebuyile esewemukele umbuso, wathi azibizelwe kuye lezozinceku, ayezinike imali, ukuze azi ukuthi yileyo laleyo izuzeni ngokuthengiselana.Select Luke 19:15

16Kweza-ke eyokuqala, yathi: Nkosi, impondo yakho izuze impondo ezilitshumi.Select Luke 19:16

17Wasesithi kuyo: Kuhle, nceku elungileyo; lokhu uthembekile kokuncinyanyana, woba lamandla phezu kwemizi elitshumi.Select Luke 19:17

18Kwasekusiza eyesibili, yathi: Nkosi, impondo yakho yenze impondo ezinhlanu.Select Luke 19:18

19Wasesithi lakuyo: Lawe woba phezu kwemizi emihlanu.Select Luke 19:19

20Kwasekusiza enye, isithi: Nkosi, khangela impondo yakho, engayibeka elenjini;Select Luke 19:20

21ngoba bengikwesaba, ngoba ungumuntu olukhuni; uthatha lokho ongakubekanga, futhi uvune lokho ongakuhlanyelanga.Select Luke 19:21

22Wasesithi kuyo: Ngizakugweba ngokuvela emlonyeni wakho, nceku embi. Ubusazi ukuthi mina ngingumuntu olukhuni, othatha lokho engingakubekanga, futhi avune lokho engingakuhlanyelanga;Select Luke 19:22

23ngakho kungani ungafakanga imali yami ebhanga, kuthi-ke mina ekufikeni kwami ngiyithathe kanye lenzuzo?Select Luke 19:23

24Wasesithi kulabo ababemi khona: Memukeni impondo, liyinike lowo olempondo ezilitshumi.Select Luke 19:24

25Kodwa bathi kuye: Nkosi, lowo ulempondo ezilitshumi.Select Luke 19:25

26Ngoba ngithi kini: Wonke olakho uzaphiwa; kodwa lowo ongelakho, uzakwemukwa lalokho alakho.Select Luke 19:26

27Kodwa lezozitha zami, ebezingathandi ukuthi ngizibuse, ziletheni lapha, lizibulale phambi kwami.Select Luke 19:27

28Esetshilo lezizinto, wahamba phambili, esenyukela eJerusalema.Select Luke 19:28

29Kwasekusithi esondela eBetfage leBethani entabeni okuthiwa ngeyeMihlwathi, wathuma ababili kubafundi bakhe,Select Luke 19:29

30esithi: Hambani liye emzaneni okhangelene lani; lizakuthi lingena kuwo lifice ithole likababhemi libotshiwe, okungazanga kuhlale kulo muntu; lilikhulule lililethe.Select Luke 19:30

31Uba umuntu elibuza esithi: Lilikhululelani? Lizakutsho njalo kuye ukuthi: INkosi iyaliswela.Select Luke 19:31

32Ababethunyiwe bahamba-ke bafica kunjengoba ebatshelile.Select Luke 19:32

33Kuthe besalikhulula ithole, abaninilo bathi kubo: Lilikhululelani ithole?Select Luke 19:33

34Bona basebesithi: INkosi iyaliswela.Select Luke 19:34

35Basebeliletha kuJesu; baphosela izembatho zabo phezu kwethole likababhemi, bamkhweza uJesu kulo.Select Luke 19:35

36Kwathi ehamba, bendlala izembatho zabo phansi endleleni.Select Luke 19:36

37Kwathi khathesi esesondela ekwehleni kwentaba yeMihlwathi, ixuku lonke labafundi laqala ukuthokoza lokudumisa uNkulunkulu ngelizwi elikhulu ngayo yonke imisebenzi yamandla eliyibonileyo,Select Luke 19:37

38lisithi: Ibusisiwe inkosi ezayo ebizweni leNkosi; ukuthula ezulwini, lenkazimulo kweliphezulu.Select Luke 19:38

39Labanye babaFarisi ababesexukwini bathi kuye: Mfundisi, khuza abafundi bakho.Select Luke 19:39

40Wasephendula wathi kubo: Ngithi kini, uba bethula laba, amatshe azamemeza.Select Luke 19:40

41Kwathi esondela, ewubona umuzi, wawukhalela,Select Luke 19:41

42esithi: Kungathi ngabe wazile lawe, ngitsho ngalolusuku lwakho, izinto zokuthula kwakho; kodwa-ke khathesi zifihlakele emehlweni akho.Select Luke 19:42

43Ngoba insuku zizakwehlela phezu kwakho, lapho izitha zakho zizakwakhela umthangala zikugombolozele, zikuzingelezele, zikuvimbele inhlangothi zonke,Select Luke 19:43

44zikudilizele phansi wena labantwana bakho abaphakathi kwakho, zingatshiyi ilitshe phezu kwelitshe phakathi kwakho; ngoba ungasazanga isikhathi sokuhanjelwa kwakho.Select Luke 19:44

45Wasengena ethempelini, waqala ukuxotsha abathengisayo kulo, labathengayo,Select Luke 19:45

46esithi kubo: Kulotshiwe ukuthi: Indlu yami yindlu yomkhuleko; kodwa lina liyenze ubhalu lwabaphangi.Select Luke 19:46

47Njalo wayefundisa ethempelini insuku zonke; kodwa abapristi abakhulu lababhali lenduna zabantu badinga ukumbulala;Select Luke 19:47

48kodwa kabatholanga abangakwenza, ngoba abantu bonke banamathela kuye bemlalela.Select Luke 19:48