2Luke 2

1Kwasekusithi ngalezonsuku, isimiso saphuma kuKesari uAgastasi, sokuthi kubhalwe umhlaba wonke.Select Luke 2:1

2Lokhukubhalwa kwakungokokuqala ukwenziwa lapho uKwiriniya engumbusi weSiriya.Select Luke 2:2

3Bonke basebesiya ukuze bayebhalwa, ngulowo lalowo emzini wakibo.Select Luke 2:3

4LoJosefa laye wenyuka esuka eGalili, emzini iNazaretha, waya eJudiya, emzini kaDavida, othiwa yiBhethelehema, ngoba wayengowendlu lowosendo lukaDavida,Select Luke 2:4

5ukuyabhalwa kanye loMariya umkakhe ayemganile, owayezithwele.Select Luke 2:5

6Kwasekusithi belapho, zaseziphelela insuku zokubeletha kwakhe.Select Luke 2:6

7Wasebeletha indodana yakhe eyingqabutho, wayigoqela ngamalembu, wayilalisa emkolweni, ngoba kwakungelandawo yabo endlini yezihambi.Select Luke 2:7

8Njalo kwakukhona kulelolizwe abelusi ababehlala egangeni futhi belinde umhlambi wabo ebusuku.Select Luke 2:8

9Njalo khangela, ingilosi yeNkosi yema eduze kwabo, lenkazimulo yeNkosi yakhanya ibazingelezele; njalo besaba ngokwesaba okukhulu.Select Luke 2:9

10Ingilosi yasisithi kubo: Lingesabi; ngoba khangelani, ngitshumayela indaba ezinhle kini ezentokozo enkulu, ezakuba kubantu bonke;Select Luke 2:10

11ngoba lizalelwe lamuhla uMsindisi, onguKristu iNkosi, emzini kaDavida.Select Luke 2:11

12Njalo lokhu kuzakuba yisibonakaliso kini: Lizathola usane lugoqelwe ngamalembu, lulele emkolweni.Select Luke 2:12

13Njalo kwahle kwaba khona kanye lengilosi ixuku lebutho lasezulwini, lidumisa uNkulunkulu, lisithi:Select Luke 2:13

14Udumo kalube kuNkulunkulu kweliphezulu, lokuthula emhlabeni; isifiso esihle ebantwini.Select Luke 2:14

15Kwasekusithi, ingilosi sezisukile kubo zisiya ezulwini, abantu, abangabelusi, bakhulumisana besithi: Ake siye eBhethelehema, sibone leyonto eyenzakeleyo, iNkosi esazise yona.Select Luke 2:15

16Basebesiza ngokuphangisa, bathola oMariya loJosefa, losane lulele emkolweni.Select Luke 2:16

17Sebebonile basebesazisa indawo ezizingelezeleyo ngelizwi ababelitshelwe mayelana lalo umntwana omncane.Select Luke 2:17

18Labo bonke abakuzwayo bamangala ngezinto ezazikhulunywe ngabelusi kubo.Select Luke 2:18

19Kodwa uMariya walondoloza wonke la amazwi, enakana ngawo enhliziyweni yakhe.Select Luke 2:19

20Basebebuyela abelusi, bemdumisa bembonga uNkulunkulu ngazo zonke izinto ababezizwile lababezibonile, njengalokho okwakukhulunywe kubo.Select Luke 2:20

21Kwathi seziphelile insuku eziyisificaminwembili zokuthi umntwana omncane asokwe, ibizo lakhe laselithiwa nguJesu, elalibizwe yingilosi engakomulwa esiswini.Select Luke 2:21

22Kwathi seziphelele insuku zokuhlanjululwa kwakhe ngokomlayo kaMozisi, bamletha eJerusalema, ukuze bammise phambi kweNkosiSelect Luke 2:22

23(njengokulotshiweyo emlayweni weNkosi ukuthi konke okwesilisa okuvula isibeletho kuzathiwa kungcwele eNkosini)Select Luke 2:23

24lokuthi banikele umhlatshelo njengokutshiwo emlayweni weNkosi, amajuba amabili kumbe amaphuphu amabili enkwilimba.Select Luke 2:24

25Njalo khangela, kwakukhona eJerusalema umuntu, obizo lakhe linguSimeyoni, njalo lumuntu wayelungile ekhuthele ekukhonzeni, elindele induduzo kaIsrayeli, loMoya oNgcwele wayephezu kwakhe.Select Luke 2:25

26Futhi kwakubonakalisiwe kuye nguMoya oyiNgcwele, ukuthi kayikubona ukufa engakamboni uKristu weNkosi.Select Luke 2:26

27Wasengena ethempelini ngoMoya; kwathi abazali bemletha umntwana omncane uJesu, ukuze benze ngaye ngokomkhuba womlayo,Select Luke 2:27

28yena wasemthatha wamphatha engalweni zakhe, wabonga uNkulunkulu, wathi:Select Luke 2:28

29Nkosi, khathesi iyekele inceku yakho ihambe ngokuthula, njengokwelizwi lakho;Select Luke 2:29

30ngoba amehlo ami alubonile usindiso lwakhoSelect Luke 2:30

31olulungisileyo phambi kobuso babantu bonke;Select Luke 2:31

32ukukhanya kokwembulela abezizwe, lenkazimulo yesizwe sakho uIsrayeli.Select Luke 2:32

33UJosefa lonina basebemangala ngezinto ezatshiwo ngaye.Select Luke 2:33

34USimeyoni wasebabusisa, wathi kuMariya unina: Khangela, lo umiselwe ukuwa lokuvuka kwabanengi kuIsrayeli, lokuba yisibonakaliso esizaphikiswa;Select Luke 2:34

35futhi lawe, inkemba izadabula owakho umphefumulo; ukuze imicabango yenhliziyo ezinengi yembulwe.Select Luke 2:35

36Njalo kwakukhona uAna umprofethikazi, indodakazi kaFanuweli, owesizwe sikaAsheri; wayesekhulile kakhulu, ebehlale lendoda iminyaka eyisikhombisa kusukela ebuntombini bakhe,Select Luke 2:36

37njalo wayengumfelokazi owayengaba leminyaka engamatshumi ayisificaminwembili lane, engasuki ethempelini, ekhonza ngokuzila ukudla langemikhuleko ebusuku lemini.Select Luke 2:37

38Laye efika ngalelohola wadumisa uNkulunkulu, wakhuluma ngaye kubo bonke ababelindele inkululeko eJerusalema.Select Luke 2:38

39Kwathi sebeqedile konke okungokomlayo weNkosi, babuyela eGalili, emzini wakibo iNazaretha.Select Luke 2:39

40Lomntwana omncane wakhula, waqina emoyeni, wagcwala inhlakanipho; lomusa kaNkulunkulu wawuphezu kwakhe.Select Luke 2:40

41Njalo abazali bakhe babesiya eJerusalema iminyaka yonke ngomkhosi wephasika.Select Luke 2:41

42Kwathi eseleminyaka elitshumi lambili, sebenyukele eJerusalema njengomkhuba womkhosi,Select Luke 2:42

43njalo sebeziqedile insuku, ekubuyeleni kwabo, umntwana uJesu wasala eJerusalema; njalo uJosefa lonina bengazi;Select Luke 2:43

44kodwa becabanga ukuthi wayesexukwini endleleni, bahamba uhambo losuku, bamdinga phakathi kwezinini labazana labo;Select Luke 2:44

45kodwa bengamtholi, babuyela eJerusalema, bemdinga.Select Luke 2:45

46Kwasekusithi emva kwensuku ezintathu, bamthola ethempelini, ehlezi phakathi kwabafundisi, njalo ebalalela, futhi ebabuza.Select Luke 2:46

47Njalo bonke ababemuzwa bamangala kakhulu ngolwazi lempendulo zakhe.Select Luke 2:47

48Kwathi bembona bamangala; lonina wathi kuye: Mntanami, wenzeleni okunje kithi? Khangela, uyihlo lami besikudinga sidubekile.Select Luke 2:48

49Wasesithi kubo: Kungani lingidinga? Belingakwazi yini ukuthi kumele ukuthi ngibe sezintweni zikaBaba?Select Luke 2:49

50Kodwa bona kabaliqedisisanga ilizwi alikhuluma kubo.Select Luke 2:50

51Wasesehla labo, weza eNazaretha; wazehlisela ngaphansi kwabo. Unina wasegcina zonke lezizinto enhliziyweni yakhe.Select Luke 2:51

52UJesu waseqhubeka enhlakanipheni lekukhuleni, lekuthandekeni kuNkulunkulu lebantwini.Select Luke 2:52