20Luke 20

1Kwasekusithi ngolunye lwalezonsuku, efundisa abantu ethempelini etshumayela ivangeli, bamfikela abapristi abakhulu lababhali kanye labadala,Select Luke 20:1

2basebekhuluma laye, besithi: Sitshele, ukuthi izinto lezi uzenza ngaliphi igunya, kumbe ngubani okunike leligunya?Select Luke 20:2

3Wasephendula wathi kubo: Lami ngizalibuza umbuzo ube munye, njalo lingitshele:Select Luke 20:3

4Ubhabhathizo lukaJohane lwavela ezulwini, kumbe ebantwini?Select Luke 20:4

5Basebezindlisana, besithi: Uba sisithi: Ezulwini; uzakuthi: Kungani-ke lingamkholwanga?Select Luke 20:5

6Kodwa uba sisithi: Ebantwini; abantu bonke bazasikhanda ngamatshe; ngoba baleqiniso lokuthi uJohane wayengumprofethi.Select Luke 20:6

7Basebephendula ngokuthi kabazi lapho olwavela khona.Select Luke 20:7

8UJesu wasesithi kubo: Lami kangilitsheli ukuthi ngenza lezizinto ngaliphi igunya.Select Luke 20:8

9Waseqala ukutshela abantu lumfanekiso, esithi: Umuntu othile wahlanyela isivini, wasiqhatshisa kubalimi, waya kwelinye ilizwe okwesikhathi eside;Select Luke 20:9

10kwathi ngesikhathi esifaneleyo wathuma inceku kubalimi, ukuze bayinike okwesithelo sesivini; kodwa abalimi bayitshaya bayithumeza ize.Select Luke 20:10

11Wasethuma njalo enye inceku; layo bayitshaya bayiyangisa, bayithumeza ize.Select Luke 20:11

12Wasephinda ethuma leyesithathu; layo leyo bayilimaza bayiphosela ngaphandle.Select Luke 20:12

13Umninisivini wasesithi: Ngizakwenza njani? Ngizathuma indodana yami ethandekayo; mhlawumbe bebona yona bazayihlonipha.Select Luke 20:13

14Kodwa abalimi beyibona bazindlisana, besithi: Le yindlalifa; wozani, siyibulale, ukuze ilifa libe ngelethu.Select Luke 20:14

15Bayiphosela ngaphandle kwesivini, bayibulala. Kambe uzakwenzani kubo umninisivini?Select Luke 20:15

16Uzakuza, ababhubhise labobalimi, anikele isivini kwabanye. Bekuzwa basebesithi: Akungabinjalo!Select Luke 20:16

17Kodwa wabakhangela wathi: Pho kuyini lokhu okulotshiweyo, okuthi: Ilitshe abakhi abalalayo, yilo eseliyinhloko yengonsi?Select Luke 20:17

18Wonke owela phezu kwalelolitshe, uzaphahlazwa; kodwa loba ngubani eliwela phezu kwakhe, lizamchoboza.Select Luke 20:18

19Abapristi abakhulu lababhali basebedinga ukumbamba ngezandla ngalelohola, kodwa besaba abantu; ngoba baqedisisa ukuthi wayekhuluma lumfanekiso emelane labo.Select Luke 20:19

20Basebemqaphela, bethuma inhloli, ezazitshaya ezilungileyo, ukuze bambambe ekukhulumeni, ukuze bamnikele egunyeni lemandleni ombusi.Select Luke 20:20

21Bambuza-ke, besithi: Mfundisi, siyazi ukuthi wena ukhuluma ufundise ngokuqondileyo, kawemukeli buso, kodwa ufundisa indlela kaNkulunkulu ngeqiniso.Select Luke 20:21

22Sivunyelwe yini ukuthela kuKesari, kumbe hatshi?Select Luke 20:22

23Kodwa wabubona ubuqili babo, wathi kubo: Lingilingelani?Select Luke 20:23

24Ngitshengisani udenariyo*; ulomfanekiso lombhalo kabani? Basebephendula besithi: OkaKesari.Select Luke 20:24

25Wasesithi kubo: Ngakho nikani uKesari okukaKesari, loNkulunkulu okukaNkulunkulu.Select Luke 20:25

26Basebesehluleka ukumbamba ngelizwi lakhe phambi kwabantu; basebemangaliswa yimpendulo yakhe, bathula.Select Luke 20:26

27Kwasekusiza kuye abathile babaSadusi, abaphika besithi kakukho ukuvuka kwabafileyo, bambuza,Select Luke 20:27

28besithi: Mfundisi, uMozisi wasibhalela ukuthi: Uba kusifa umfowabo womuntu elomkakhe, lo abesesifa engelamntwana, umfowabo kamthathe umfazi, abesemvusela inzalo umfowabo.Select Luke 20:28

29Ngakho kwakulezelamani eziyisikhombisa; owokuqala wasethatha umfazi, wafa engelamntwana;Select Luke 20:29

30lowesibili wamthatha umfazi, laye lo wafa engelamntwana;Select Luke 20:30

31lowesithathu wamthatha. Kwaba njalo-ke lakwabayisikhombisa; abatshiyanga abantwana, bafa.Select Luke 20:31

32Ekucineni kwabo bonke kwafa lomfazi.Select Luke 20:32

33Ngakho ekuvukeni kwabafileyo, uzafika abe ngumkabani kubo? Ngoba abayisikhombisa babelaye engumkabo.Select Luke 20:33

34UJesu wasephendula wathi kubo: Abantwana balumhlaba bayathatha, bendiswe;Select Luke 20:34

35kodwa labo okuzathiwa bafanele ukuzuza lowomhlaba lokuvuka kwabafileyo kabathathani, kabendiswa;Select Luke 20:35

36ngoba bengelakuphinda bafe; ngoba banjengezingilosi, njalo bangabantwana bakaNkulunkulu, bengabantwana bokuvuka.Select Luke 20:36

37Kodwa ukuthi abafileyo bayavuswa, loMozisi wakutshengisa esihlahleni, lapho eyibiza iNkosi ngokuthi nguNkulunkulu kaAbrahama loNkulunkulu kaIsaka loNkulunkulu kaJakobe.Select Luke 20:37

38Futhi kayisuye uNkulunkulu wabafileyo, kodwa owabaphilayo; ngoba bonke baphilela yena.Select Luke 20:38

39Abathile bababhali basebephendula bathi: Mfundisi, ukhulume kuhle.Select Luke 20:39

40Njalo kababanga lesibindi sokuphinda bambuze ulutho.Select Luke 20:40

41Wasesithi kubo: Batsho njani ukuthi uKristu uyiNdodana kaDavida?Select Luke 20:41

42Ngoba uDavida uqobo lwakhe uthi encwadini yeziHlabelelo: INkosi yathi eNkosini yami: Hlala ngakwesokunene sami,Select Luke 20:42

43ngize ngenze izitha zakho zibe yisenabelo senyawo zakho.Select Luke 20:43

44Ngakho uDavida umbiza ngokuthi yiNkosi, pho uyindodana yakhe njani?Select Luke 20:44

45Kwathi besalalele abantu bonke, wathi kubafundi bakhe:Select Luke 20:45

46Xwayani ababhali abathanda ukuhamba bembethe izembatho ezinde, njalo bethanda ukubingelelwa emidangeni, lezihlalo eziqakathekileyo emasinagogeni, lezihlalo zabahloniphekayo ezilayelweni;Select Luke 20:46

47abadla izindlu zabafelokazi, bekhuleka isikhathi eside ngokuzenzisa. Laba bazakwemukela ukulahlwa okukhulu.Select Luke 20:47