21Luke 21

1Wathi ephakamisa amehlo wabona abanothileyo bephosela iminikelo yabo esitsheni somnikelo.Select Luke 21:1

2Wabona lomfelokazi othile ongumyanga ephosela khona inhlamvana ezincane ezimbili zemali.Select Luke 21:2

3Wathi: Ngiqinisile ngithi kini: Lumfelokazi ongumyanga uphosele okwedlula okwabo bonke;Select Luke 21:3

4ngoba bonke laba baphosele kokunengi kwabo eminikelweni kaNkulunkulu, kodwa yena ebuyangeni bakhe uphosele konke alakho abephila ngakho.Select Luke 21:4

5Abanye besakhuluma ngethempeli, ukuthi liceciswe ngamatshe amahle langezipho, wathi:Select Luke 21:5

6Lezizinto elizibonayo, kuzafika insuku okungayikutshiywa ngazo ilitshe phezu kwelitshe, elingayikudilizelwa phansi.Select Luke 21:6

7Basebembuza, besithi: Mfundisi, pho lezizinto zizakuba nini? Lesibonakaliso siyini, lapho sekuzakwenzeka lezizinto?Select Luke 21:7

8Wasesithi: Qaphelani ukuthi lingaduhiswa; ngoba abanengi bazakuza ebizweni lami, besithi: Nginguye; futhi: Isikhathi sesisondele. Ngakho lingabalandeli.Select Luke 21:8

9Njalo nxa lisizwa ngezimpi langeziphithiphithi, lingethuki; ngoba lezizinto zimele ukuthi zenzeke kuqala, kodwa ukuphela kakuhle kufike.Select Luke 21:9

10Wasesithi kubo: Isizwe sizavukela isizwe, lombuso uvukele umbuso;Select Luke 21:10

11njalo kuzakuba khona ukuzamazama komhlaba okukhulu indawo ngendawo lezindlala labomatshayabhuqe bezifo; kube khona lezinto ezesabekayo lezibonakaliso ezinkulu ezivela ezulwini.Select Luke 21:11

12Kodwa ngaphambi kwakho konke lokhu bazalibamba ngezandla zabo, balizingele, balinikele emasinagogeni lezintolongweni, balise phambi kwamakhosi lababusi, ngenxa yebizo lami.Select Luke 21:12

13Njalo lokhu kuzaphenduka kini kube yibufakazi.Select Luke 21:13

14Ngakho kubekeni enhliziyweni zenu ukuthi linganakani ngaphambili ngelizakuphendula;Select Luke 21:14

15ngoba mina ngizalinika umlomo lenhlakanipho, abangekuphike, bamelane lakho, bonke abayizitha zenu.Select Luke 21:15

16Njalo lizanikelwa langabazali labafowenu lezihlobo labangane, njalo bazabulala abanye benu.Select Luke 21:16

17Njalo lizazondwa yibo bonke ngenxa yebizo lami.Select Luke 21:17

18Kodwa kakuyikulahleka ngitsho unwele lwekhanda lenu.Select Luke 21:18

19Ekubekezeleni kwenu zuzani imiphefumulo yenu.Select Luke 21:19

20Kodwa nxa libona iJerusalema ihanqwe ngamabutho, yazini-ke ukuthi sekusondele ukuchitheka kwayo.Select Luke 21:20

21Ngalesosikhathi abaseJudiya kababalekele ezintabeni; labaphakathi kwayo baphume; labasemaphandleni bangangeni kuyo.Select Luke 21:21

22Ngoba lezi zinsuku zempindiselo, ukuze kugcwaliseke zonke izinto ezilotshiweyo.Select Luke 21:22

23Kodwa maye kwabakhulelweyo labamunyisayo ngalezonsuku! Ngoba kuzakuba khona ukuhlupheka okukhulu emhlabeni, lolaka kulesisizwe.Select Luke 21:23

24Njalo bazakuwa ngobukhali benkemba, bathunjelwe ezizweni zonke; leJerusalema inyathelelwe phansi ngabezizwe, kuze kugcwaliseke izikhathi zabezizwe.Select Luke 21:24

25Kuzakuba khona izibonakaliso elangeni lenyangeni lezinkanyezini; lemhlabeni usizi lwezizwe ngokudideka; kudume ulwandle lamagagasi,Select Luke 21:25

26abantu baphele amandla ngenxa yokwesaba langokulindela lokho okuzayo emhlabeni; ngoba amandla amazulu azazanyazanyiswa.Select Luke 21:26

27Khona-ke bezayibona iNdodana yomuntu isiza eyezini ilamandla lenkazimulo enkulu.Select Luke 21:27

28Njalo nxa kuqala ukwenzeka lezizinto, manini liqonde njalo liphakamise amakhanda enu; ngoba kusondele ukukhululwa kwenu.Select Luke 21:28

29Wasebatshela umfanekiso: Khangelani umkhiwa lazo zonke izihlahla;Select Luke 21:29

30nxa sezihluma, liyazibonela lani likwazi ukuthi ihlobo selisondele.Select Luke 21:30

31Ngokunjalo lani, nxa libona lezizinto zisenzeka, yazini ukuthi umbuso kaNkulunkulu useduze.Select Luke 21:31

32Ngiqinisile ngithi kini: Lesisizukulwana asisoze sidlule, kuze kwenzeke zonke izinto.Select Luke 21:32

33Kuzadlula izulu lomhlaba, kodwa amazwi ami kawasoze adlule.Select Luke 21:33

34Njalo ziqapheleni, ukuthi inhliziyo zenu zingasindwa ngenxa yokuminza lokudakwa lokuphisekela izinto zalokhukusila, lalolosuku lulifikele lingananzelele;Select Luke 21:34

35ngoba luzafika njengomjibila phezu kwabo bonke abahlezi ebusweni bomhlaba wonke.Select Luke 21:35

36Ngakho lindani ngezikhathi zonke likhulekele ukuthi lifanele ukuphepha zonke lezizinto ezizakwenzeka, lokuma phambi kweNdodana yomuntu.Select Luke 21:36

37Njalo wayefundisa ethempelini emini; kodwa ebusuku wayephuma ayehlala entabeni ethiwa ngeyeMihlwathi.Select Luke 21:37

38Lekuseni kakhulu abantu bonke babesiza kuye ethempelini ukumuzwa.Select Luke 21:38