22Luke 22

1Kwasekusondela umkhosi wesinkwa esingelamvubelo, othiwa liphasika.Select Luke 22:1

2Abapristi abakhulu lababhali basebedinga ukuthi bangambulala njani; ngoba babesesaba abantu.Select Luke 22:2

3USathane wasengena kuJudasi othiwa nguIskariyothi, owayengowenani labalitshumi lambili.Select Luke 22:3

4Wasesuka wayakhuluma labapristi abakhulu lezinduna ngokuthi angamnikela njani kubo.Select Luke 22:4

5Basebethokoza, basebevumelana ukumnika imali.Select Luke 22:5

6Wasevuma, njalo wadinga ithuba elihle lokumnikela kubo lingekho ixuku.Select Luke 22:6

7Lwaselufika usuku lwesinkwa esingelamvubelo, okwakumele kuhlatshwe ngalo iphasika.Select Luke 22:7

8Wasethuma uPetro loJohane, esithi: Hambani liyesilungisela iphasika, ukuze sidle.Select Luke 22:8

9Basebesithi kuye: Uthanda ukuthi silungise ngaphi?Select Luke 22:9

10Wasesithi kubo: Khangelani, kuzakuthi selingenile emzini, umuntu uzahlangana lani ethwele imbiza yamanzi; limlandele endlini azangena kuyo.Select Luke 22:10

11Beselisithi kumninindlu: Uthi uMfundisi kuwe: Ingaphi indlu yezihambi, lapho engingadlela khona iphasika labafundi bami?Select Luke 22:11

12Yena-ke uzalitshengisa indlu enkulu ephezulu eyendlelweyo; lilungise khona.Select Luke 22:12

13Bahamba-ke bafica njengokutsho kwakhe kubo; basebelungisa iphasika.Select Luke 22:13

14Kwathi selifikile ihola, wahlala phansi, labaphostoli abalitshumi lambili belaye.Select Luke 22:14

15Wasesithi kubo: Ngokunxwanela nginxwanele ukudla lani leliphasika ngingakahlupheki;Select Luke 22:15

16ngoba ngithi kini: Kangisoze ngidle futhi kulo, lize ligcwaliseke embusweni kaNkulunkulu.Select Luke 22:16

17Wasethatha inkezo, esebongile wathi: Thathani lokhu, beselisabelana;Select Luke 22:17

18ngoba ngithi kini: Kangisoze nginathe okwesithelo sevini, kuze kufike umbuso kaNkulunkulu.Select Luke 22:18

19Wasethatha isinkwa, esebongile wasihlephuna, wabanika, esithi: Lokhu kungumzimba wami, owanikelelwa lina; lokhu kwenzeni ukungikhumbula.Select Luke 22:19

20Ngokunjalo lenkezo emva kokudla, esithi: Inkezo le iyisivumelwano esitsha egazini lami, elichithelwa lina.Select Luke 22:20

21Kodwa khangelani, isandla songinikelayo silami etafuleni.Select Luke 22:21

22Ngoba isibili iNdodana yomuntu ihamba njengokumisiweyo; kodwa maye kulowomuntu enikelwa nguye!Select Luke 22:22

23Bona basebeqala ukubuzana ukuthi kambe ngubani kubo ozakwenza lokho.Select Luke 22:23

24Kwavela lokuphikisana phakathi kwabo okokuthi nguwuphi kubo ongathiwa ngomkhulu.Select Luke 22:24

25Wasesithi kubo: Amakhosi abezizwe azibusa ngobulukhuni, leziphathamandla zazo zithiwa ngabasizi.Select Luke 22:25

26Kodwa lina kakungabi njalo; kodwa omkhulu phakathi kwenu kabe njengomncinyane, longumkhokheli njengosebenzayo.Select Luke 22:26

27Ngoba nguwuphi omkhulu, lowo ohleziyo ekudleni kumbe lowo osebenzayo? Kayisilowo yini ohlezi ekudleni? Kodwa mina ngiphakathi kwenu njengaye osebenzayo.Select Luke 22:27

28Lina-ke liyibo ababehlezi lami ezilingweni zami;Select Luke 22:28

29njalo mina ngilimisele umbuso, njengoba uBaba engimisele,Select Luke 22:29

30ukuthi lidle linathe etafuleni lami embusweni wami, lihlale ezihlalweni zobukhosi, lisehlulela izizwe ezilitshumi lambili zakoIsrayeli.Select Luke 22:30

31INkosi yasisithi: Simoni, Simoni, khangela, uSathane ulifunisisile, ukuze alihlungule njengamabele;Select Luke 22:31

32kodwa mina ngikukhulekele, ukuze ukholo lwakho lungapheli; wena-ke nxa usuphendukile uqinise abazalwane bakho.Select Luke 22:32

33Kodwa wathi kuye: Nkosi, lentolongweni lekufeni ngilungele ukuya khona lawe.Select Luke 22:33

34Kodwa yena wathi: Ngiyakutshela, Petro, iqhude kaliyikukhala lamuhla, ungakaphiki kathathu ukuthi uyangazi.Select Luke 22:34

35Wasesithi kubo: Mhla ngilithuma lingelamxhaka lesikhwama lamanyathela, laswela yini ulutho? Basebesithi: Kasiswelanga lutho.Select Luke 22:35

36Wasesithi kubo: Kodwa khathesi lowo olomxhaka kawuthathe, ngokunjalo lesikhwama; lalowo ongelakho, athengise isembatho sakhe, athenge inkemba.Select Luke 22:36

37Ngoba ngithi kini, kusamele kugcwaliseke kimi lokhu okulotshiweyo, ukuthi: Wabalwa kanye lezoni; ngoba lalezizinto eziqondane lami zilesiphetho.Select Luke 22:37

38Basebesithi: Nkosi, khangela, nanzi inkemba ezimbili. Wasesithi kubo: Kwanele.Select Luke 22:38

39Wasephuma waya entabeni yeMihlwathi njengokwejwayela; labafundi bakhe bamlandela.Select Luke 22:39

40Esefikile kuleyondawo, wathi kubo: Khulekani ukuthi lingangeni ekulingweni.Select Luke 22:40

41Yena wasemonyuka kubo okungaba libanga lokuphosa ilitshe, waguqa phansi ngamadolo wakhuleka,Select Luke 22:41

42esithi: Baba, uba uthanda, susa linkezo kimi; kodwa-ke kungenziwa intando yami, kodwa eyakho.Select Luke 22:42

43Kwabonakala kuye ingilosi evela ezulwini imqinisa.Select Luke 22:43

44Esesesizini olunzima, wakhuleka kakhulu. Njalo izithukuthuku zakhe zaba njengamathonsi egazi zawela emhlabathini.Select Luke 22:44

45Esesukumile emkhulekweni, weza kubafundi bakhe, wabafica belele ngenxa yokudabuka,Select Luke 22:45

46wasesithi kubo: Lilaleleni? Vukani likhuleke, ukuze lingangeni ekulingweni.Select Luke 22:46

47Kwathi esakhuluma, khangela, ixuku, lalowo okuthiwa nguJudasi, omunye wabalitshumi lambili, ehamba phambi kwabo, wasesondela kuJesu ukumanga.Select Luke 22:47

48Kodwa uJesu wathi kuye: Judasi, uyayinikela yini iNdodana yomuntu ngokuyanga?Select Luke 22:48

49Kwathi labo ababengakuye sebebona okuzakwenzeka bathi kuye: Nkosi, sigadle yini ngenkemba?Select Luke 22:49

50Omunye wabo wasegadla inceku yompristi omkhulu, waquma indlebe yayo yokunene.Select Luke 22:50

51Kodwa uJesu waphendula wathi: Yekelani kuze kube yilokhu. Wasethinta indlebe yayo, wayisilisa.Select Luke 22:51

52UJesu wasesithi kubapristi abakhulu lezinduna zethempeli labadala ababeze kuye: Liphume njengokuyamelana lomphangi yini lilezinkemba lezinduku?Select Luke 22:52

53Nxa bengilani insuku ngensuku ethempelini, kalelulanga izandla ukumelana lami; kodwa leli lihola lenu, lamandla obumnyama.Select Luke 22:53

54Sebembambile bamqhuba, bamusa endlini yompristi omkhulu. UPetro waselandela ekhatshana.Select Luke 22:54

55Sebebasile umlilo phakathi kweguma, sebehlezi phansi ndawonye, uPetro wahlala phakathi kwabo.Select Luke 22:55

56Kodwa incekukazi ethile imbona ehlezi emlilweni, yamjolozela, yathi: Lumuntu laye ube laye.Select Luke 22:56

57Kodwa wamphika, wathi: Mama, kangimazi.Select Luke 22:57

58Emva kwesikhatshana omunye wasembona wathi: Lawe ungomunye wabo. Kodwa uPetro wathi: Ndoda, kangisuye.Select Luke 22:58

59Sekungaba kwedlule ihola elilodwa, omunye waqinisa, esithi: Isibili laye ube laye; ngoba futhi ungumGalili.Select Luke 22:59

60Kodwa uPetro wathi: Ndoda, kangazi ukuthi uthini. Njalo khonokho esakhuluma lakhala iqhude.Select Luke 22:60

61INkosi yasiphenduka yamkhangela uPetro. UPetro waselikhumbula ilizwi leNkosi, ukuthi yakhuluma njani kuye isithi: Iqhude lingakakhali, uzangiphika kathathu.Select Luke 22:61

62UPetro wasephuma phandle wakhala kabuhlungu.Select Luke 22:62

63Lamadoda ayembambile uJesu amklolodela, amtshaya.Select Luke 22:63

64Amembesa, amtshaya ubuso, asembuza, esithi: Profetha! Ngubani okutshayileyo?Select Luke 22:64

65Akhuluma lezinye izinto ezinengi kuye ehlambaza.Select Luke 22:65

66Kwathi sekusile, abadala babantu babuthana, labapristi abakhulu lababhali, basebemusa emphakathini wabo, bathi:Select Luke 22:66

67Uba unguKristu, sitshele. Wasesithi kubo: Uba ngilitshela, kalisoze likholwe;Select Luke 22:67

68njalo uba lami ngilibuza, kalisoze lingiphendule, loba lingikhulule.Select Luke 22:68

69Kusukela khathesi iNdodana yomuntu izahlala ngakwesokunene samandla kaNkulunkulu.Select Luke 22:69

70Basebesithi bonke: Kanti uyiNdodana kaNkulunkulu? Wasesithi kubo: Kutsho lina ukuthi ngiyiyo.Select Luke 22:70

71Basebesithi: Pho sisafunelani ubufakazi? Ngoba sesizizwele uqobo lwethu emlonyeni wakhe.Select Luke 22:71