23Luke 23

1Kwasekusukuma ixuku labo lonke, lamusa kuPilatu.Select Luke 23:1

2Baqala ukummangalela, besithi: Simficile lo eduhisa isizwe, esalela ukuthela kuKesari, esithi nguye onguKristu iNkosi.Select Luke 23:2

3UPilatu wasembuza, wathi: Wena uyiNkosi yamaJuda yini? Wasemphendula wathi: Uyatsho wena.Select Luke 23:3

4Wasesithi uPilatu kubapristi abakhulu lemaxukwini: Kangitholi cala kulumuntu.Select Luke 23:4

5Kodwa baqinisa, besithi: Udunga abantu, efundisa kuyo yonke iJudiya, eqala eGalili kuze kufike lapha.Select Luke 23:5

6Lapho uPilatu esizwa kuthiwa iGalili wabuza ukuthi lumuntu ungumGalili yini.Select Luke 23:6

7Kwathi esezwile ukuthi ungowombuso kaHerodi, wamthumela kuHerodi, owayekhona laye eJerusalema ngalezonsuku.Select Luke 23:7

8Kwathi uHerodi embona uJesu wathokoza kakhulu; ngoba wayekade ethanda ukumbona, ngoba wayezwile okunengi ngaye; wayethemba ukuthi uzabona isibonakaliso esithile sisenziwa nguye.Select Luke 23:8

9Wambuza ngamazwi amanengi; kodwa yena kamphendulanga lutho.Select Luke 23:9

10Abapristi abakhulu lababhali babemi, bemmangalela ngamandla.Select Luke 23:10

11UHerodi lamabutho akhe bamyangisa, bamklolodela, basebemgqokisa isembatho esikhazimulayo, bambuyisela kuPilatu.Select Luke 23:11

12Ngalolosuku uHerodi kanye loPilatu baba ngabangane omunye komunye; ngoba ngaphambi kwalokhu babelobutha phakathi kwabo.Select Luke 23:12

13UPilatu wasebizela ndawonye abapristi abakhulu lababusi labantu,Select Luke 23:13

14wathi kubo: Limlethile kimi lumuntu, ngokungathi ungoduhisa abantu; njalo khangelani, mina ngimhlolile phambi kwenu, kangitholanga cala kulumuntu ngalezozinto elimmangalela ngazo;Select Luke 23:14

15hatshi ngitsho loHerodi; ngoba ngilithumeze kuye, njalo khangelani, kakulalutho olufanele ukufa olwenziwe nguye.Select Luke 23:15

16Ngakho ngizamtshaya ngimkhulule.Select Luke 23:16

17Kwakufanele ukuthi abakhululele abe munye ngomkhosi.Select Luke 23:17

18Bamemeza bonke kanyekanye besithi: Msuse lo, usikhululele uBarabasiSelect Luke 23:18

19(owayephoselwe entolongweni ngenxa yomvukela othile owenzeka phakathi komuzi langenxa yokubulala).Select Luke 23:19

20Ngakho uPilatu wabuya wakhuluma labo, efuna ukumkhulula uJesu.Select Luke 23:20

21Kodwa bamemeza, besithi: Bethela, mbethele!Select Luke 23:21

22Wasesithi kubo ngokwesithathu: Ngoba lo enze bubi bani? Kangitholanga kuye icala afanele ukufa ngalo; ngakho ngizamtshaya ngimkhulule.Select Luke 23:22

23Kodwa baqinisa ngamazwi amakhulu, befuna ukuthi abethelwe; lamazwi abo lawabapristi abakhulu aphumelela.Select Luke 23:23

24UPilatu wasequma ukuthi kwenziwe isicelo sabo.Select Luke 23:24

25Wasebakhululela lowo ababemcelile owayephoselwe entolongweni ngenxa yomvukela lokubulala; kodwa uJesu wamnikela entandweni yabo.Select Luke 23:25

26Kwathi sebemqhuba, babamba uSimoni othile umKurene owayevela emaphandleni, bamethesa isiphambano, ukuthi asithwale ngemva kukaJesu.Select Luke 23:26

27Laselimlandela ixuku elikhulu labantu, labesifazana labo ababekhala bemlilela.Select Luke 23:27

28Kodwa uJesu ephendukela kubo wathi: Madodakazi eJerusalema, lingangikhaleli mina, kodwa zikhaleleni lina labantwana benu,Select Luke 23:28

29ngoba khangelani, ziyeza insuku abazakutsho ngazo ukuthi: Zibusisiwe inyumba, lezizalo ezingazalanga, lamabele angamunyisanga.Select Luke 23:29

30Khona bezaqalisa ukuthi ezintabeni: Welani phezu kwethu; lemaqaqeni: Sisibekeleni.Select Luke 23:30

31Ngoba uba besenza lezizinto esihlahleni esimanzi, kuzakwenzakalani kwesomileyo?Select Luke 23:31

32Kwaqhutshwa labanye abenzi bobubi ababili, ukuthi babulawe kanye laye.Select Luke 23:32

33Sebefikile endaweni ethiwa luKhakhayi, bambethela khona, labenzi bobubi, omunye ngakwesokunene, lomunye ngakwesokhohlo.Select Luke 23:33

34UJesu wasesithi: Baba, bathethelele; ngoba kabakwazi abakwenzayo. Njalo babelana izembatho zakhe, benza inkatho yokuphosa.Select Luke 23:34

35Labantu bema babukela. Lababusi kanye labo bamklolodela, besithi: Wasindisa abanye, kazisindise yena, uba yena enguKristu, okhethiweyo kaNkulunkulu.Select Luke 23:35

36Labebutho bamklolodela, beza kuye bamnika iviniga,Select Luke 23:36

37besithi: Uba wena uyiNkosi yamaJuda, zisindise wena.Select Luke 23:37

38Kwakukhona lombhalo ngaphezu kwakhe kulotshiwe ngamabala esiGriki langesiRoma langesiHebheru othi: LO UYINKOSI YAMAJUDA.Select Luke 23:38

39Lomunye wabenzi bobubi ababelengisiwe wamthuka, esithi: Uba wena unguKristu, zisindise wena lathi.Select Luke 23:39

40Kodwa omunye waphendula emkhuza, esithi: Wena kawumesabi yini uNkulunkulu, lokhu lawe ukulokhukulahlwa?Select Luke 23:40

41Thina kambe kusilungele, ngoba semukela okulingene ukwenza kwethu; kodwa lo kenzanga lutho olungafanelanga.Select Luke 23:41

42Wasesithi kuJesu: Ungikhumbule, Nkosi, lapha ufika embusweni wakho.Select Luke 23:42

43UJesu wasesithi kuye: Ngiqinisile ngithi kuwe: Lamuhla uzakuba lami eParadise.Select Luke 23:43

44Kwakungaba lihola lesithupha*, kwaba khona ubumnyama phezu komhlaba wonke kwaze kwaba lihola lesificamunwemunye*,Select Luke 23:44

45futhi ilanga lalifiphaziwe, leveyili lethempeli ladatshulwa phakathi.Select Luke 23:45

46UJesu wasememeza ngelizwi elikhulu esithi: Baba, ezandleni zakho ngibeka umoya wami; esetshilo lokhu waphefumula okokucina.Select Luke 23:46

47Kwathi induna yekhulu isibonile okwenzekileyo, yamdumisa uNkulunkulu, isithi: Isibili lumuntu ubelungile.Select Luke 23:47

48Lamaxuku wonke ayebuthene ukubukela lokho, sebebonile izinto ezenzekileyo, babuyela betshaya izifuba zabo.Select Luke 23:48

49Bonke abazana laye, labesifazana ababemlandela bevela eGalili, bema khatshana, bebona lezizinto.Select Luke 23:49

50Njalo khangela, indoda ethiwa nguJosefa, ilunga lomphakathi, indoda elungileyo eqotho;Select Luke 23:50

51yena wayengavumelananga lecebo lesenzo sabo; wayevela eArimathiya umuzi wamaJuda, laye ngokwakhe wayelindele umbuso kaNkulunkulu;Select Luke 23:51

52lowo waya kuPilatu wacela isidumbu sikaJesu.Select Luke 23:52

53Wasesethula wasigoqela ngelembu elicolekileyo, wasibeka engcwabeni elaligujwe edwaleni, lapho okwakungazanga kubekwe khona umuntu.Select Luke 23:53

54Kwakulusuku lwamalungiselelo, lesabatha laselisondela.Select Luke 23:54

55Labesifazana, ababeze laye bevela eGalili, balandela, balibona ingcwaba, lokuthi isidumbu sibekwe njani.Select Luke 23:55

56Basebebuyela emuva balungisa amakha lamagcobo. Ngesabatha basebephumula njengokomlayo.Select Luke 23:56