24Luke 24

1Kodwa ngosuku lokuqala lweviki, emadabukakusa, baya engcwabeni, bephethe amakha ababewalungisile, labanye ababelabo.Select Luke 24:1

2Bafica ilitshe ligiqiwe lasuswa engcwabeni.Select Luke 24:2

3Kuthe bengena kabasitholanga isidumbu seNkosi uJesu.Select Luke 24:3

4Kwasekusithi bedidekile kakhulu ngalokhu, futhi khangela, amadoda amabili ema labo embethe izembatho ezicwazimulayo;Select Luke 24:4

5njalo besesaba, bakhothamisa ubuso emhlabathini, athi kubo: Lidingelani ophilayo kwabafileyo?Select Luke 24:5

6Kakho lapha, kodwa uvukile; khumbulani ukuthi wakhuluma njani kini, eseseGalili,Select Luke 24:6

7esithi: INdodana yomuntu imele ukunikelwa ezandleni zabantu abayizoni, ibethelwe, ibuye ivuke ngosuku lwesithathu.Select Luke 24:7

8Basebewakhumbula amazwi akhe.Select Luke 24:8

9Sebebuyile bevela engcwabeni, babika konke lokhu kwabalitshumi lanye lakubo bonke abanye.Select Luke 24:9

10KwakunguMariya Magadalena loJowana loMariya unina kaJakobe, labanye ababekanye labo, abatshela abaphostoli lezizinto.Select Luke 24:10

11Kodwa amazwi abo akhanya kubo njengokukhuluma okuyize, futhi kabaze bawakholwa.Select Luke 24:11

12Kodwa uPetro wasukuma wagijimela engcwabeni, wakhothama walunguza wabona amalembu acolekileyo ebekiwe ewodwa; wasuka, emangele ngaphakathi kwakhe ngokwenzekileyo.Select Luke 24:12

13Futhi khangela, ngalona lolosuku ababili babo babehamba besiya emzaneni, obizo lawo yiEmawusi, ongamastadiyu* angamatshumi ayisithupha kusukela eJerusalema.Select Luke 24:13

14Njalo bona babekhulumisana ngazo zonke lezizinto ezenzekileyo.Select Luke 24:14

15Kwasekusithi bekhulumisana bebuzana, uJesu uqobo wasondela wahamba kanye labo,Select Luke 24:15

16kodwa amehlo abo ayebanjiwe ukuze bangamazi.Select Luke 24:16

17Wasesithi kubo: Ngamazwi bani la elikhulumisana ngawo lihamba, lidanile?Select Luke 24:17

18Omunye, obizo lakhe linguKleyopha, wasephendula wathi kuye: Wena nguwe wedwa isihambi eJerusalema, njalo awazi yini izinto ezenzekileyo phakathi kwayo kulezinsuku?Select Luke 24:18

19Wasesithi kubo: Yizinto bani? Basebesithi kuye: Ezimayelana loJesu weNazaretha, obeyindoda umprofethi olamandla ngesenzo langelizwi phambi kukaNkulunkulu labantu bonke;Select Luke 24:19

20lokuthi abapristi abakhulu lababusi bethu bamnikela njani ekulahlweni kokufa, bambethela.Select Luke 24:20

21Kodwa thina besithemba ukuthi nguye obezakhulula uIsrayeli. Kodwa-ke phezu kwakho konke lokhu lamuhla lusuku lwesithathu selokhu lezizinto zenzakele.Select Luke 24:21

22Kodwa njalo abesifazana abathile abangakithi basimangalisile, ababesengcwabeni ekuseni kakhulu;Select Luke 24:22

23kuthe bengasitholi isidumbu sakhe, babuya besithi babone lombono wezingilosi, ezithe uyaphila.Select Luke 24:23

24Labathile abebelathi baya engcwabeni, bafica kunjalo njengokutsho kwabesifazana labo; kodwa yena kabambonanga.Select Luke 24:24

25Yena wasesithi kubo: O lina elingelakuqedisisa elilenhliziyo ezivilaphela ukukholwa konke lokho abaprofethi abakutshoyo!Select Luke 24:25

26UKristu ubengamele yini ukuthi ahlupheke ngalezizinto, abesengena ebukhosini bakhe?Select Luke 24:26

27Njalo esukela kuMozisi lakubo bonke abaprofethi, wabachasisela emibhalweni yonke izinto eziqondene laye.Select Luke 24:27

28Basebesondela emzaneni ababesiya kuwo; yena wasesenza angathi uyedlula.Select Luke 24:28

29Kodwa bamcindezela, besithi: Hlala lathi, ngoba sekuzakuhlwa, lelanga selitshonile. Wangena-ke ukuze ahlale labo.Select Luke 24:29

30Kwasekusithi ehlezi ekudleni labo, wathatha isinkwa wasibusisa, wasihlephuna wabanika.Select Luke 24:30

31Amehlo abo asevuleka, basebemazi; wasenyamalala esuka emehlweni abo.Select Luke 24:31

32Basebekhulumisana besithi: Kambe inhliziyo zethu bezingavuthi yini phakathi kwethu, lapho ekhuluma lathi endleleni, lalapho esivulela imibhalo?Select Luke 24:32

33Basebesukuma ngalelohola, babuyela eJerusalema, bafica abalitshumi lanye bebuthene ndawonye lalabo ababelabo,Select Luke 24:33

34besithi: Isibili iNkosi ivukile, ibonwe nguSimoni.Select Luke 24:34

35Basebelandisa okwenzekileyo endleleni, lokuthi yaziwa njani yibo ekuhlephuneni isinkwa.Select Luke 24:35

36Besakhuluma lezizinto, uJesu uqobo wema phakathi kwabo, wathi kubo: Ukuthula kakube kini.Select Luke 24:36

37Kodwa batshaywa luvalo besaba becabanga ukuthi babona umoya.Select Luke 24:37

38Wasesithi kubo: Likhathazekelani, njalo kuvukelani imicabango enhliziyweni zenu?Select Luke 24:38

39Khangelani izandla zami lenyawo zami, ukuthi yimi uqobo; ngibambani libone, ngoba umoya kawulanyama lamathambo, njengoba lingibona ngilakho.Select Luke 24:39

40Esekutshilo lokho wabatshengisa izandla lenyawo zakhe.Select Luke 24:40

41Kodwa belokhu bengakholwa ngenxa yentokozo bemangala, wathi kubo: Lilalo ulutho lokudla lapha yini?Select Luke 24:41

42Bamnika iqatha lenhlanzi eyosiweyo, lohlanga lwenyosi.Select Luke 24:42

43Wasekuthatha wakudla phambi kwabo.Select Luke 24:43

44Wasesithi kubo: Yila amazwi, engawakhuluma kini ngiseselani okuthi, kumele ukuthi kugcwaliseke konke okwabhalwa ngami emlayweni kaMozisi labaprofethi leziHlabelelo.Select Luke 24:44

45Wasevula ingqondo yabo, ukuze baqedisise imibhalo;Select Luke 24:45

46wasesithi kubo: Kulotshiwe kanje, njalo uKristu kumele ahlupheke kanje, njalo avuke kwabafileyo ngosuku lwesithathu,Select Luke 24:46

47njalo kutshunyayelwe ebizweni lakhe ukuphenduka lothethelelo lwezono ezizweni zonke, kuqalwa eJerusalema.Select Luke 24:47

48Lina-ke lingabafakazi balezizinto.Select Luke 24:48

49Futhi khangelani, mina ngiyathumela kini isithembiso sikaBaba; kodwa lina hlalani emzini weJerusalema, lize lembathiswe amandla avela phezulu.Select Luke 24:49

50Wasebakhokhela ephuma phandle baze bafika eBethani; ephakamisa izandla zakhe wababusisa.Select Luke 24:50

51Kwasekusithi esababusisa, wehlukana labo, wenyukiselwa ezulwini.Select Luke 24:51

52Basebemkhonza, babuyela eJerusalema belentokozo enkulu;Select Luke 24:52

53baqhubeka besethempelini, bebonga bedumisa uNkulunkulu. Ameni.Select Luke 24:53