2 Thessalonians 3
Ndebele Bible
Translation: NDEBELE
Modern translations such as the NIV or ESV are not available yet. They need a license, and we will add them when one is in place. All translations and their sources
1Elokucina, bazalwane, sikhulekeleni, ukuze ilizwi leNkosi ligijime, lidunyiswe, njengalokhu kwaba njalo lakini,Select 2 Thessalonians 3:1
2lokuthi sikhululwe ebantwini abangaqondanga lababi; ngoba ukholo kayisilo lwabo bonke.Select 2 Thessalonians 3:2
3Kodwa iNkosi ithembekile, ezaliqinisa ilivikele komubi.Select 2 Thessalonians 3:3
4Silethemba-ke eNkosini ngani, ukuthi izinto esililaya zona, lani liyazenza njalo lizazenza.Select 2 Thessalonians 3:4
5Kodwa iNkosi sengathi ingaqondisa inhliziyo zenu ethandweni lukaNkulunkulu, lekubekezeleni kukaKristu.Select 2 Thessalonians 3:5
6Siyalilaya-ke, bazalwane, ebizweni leNkosi yethu uJesu Kristu, ukuthi lizehlukanise laye wonke umzalwane ohamba ngokungafanelanga, njalo kungenjengomlayo elawemukela kithi.Select 2 Thessalonians 3:6
7Ngoba liyazi ngokwenu ukuthi lifanele lisilingise njani; ngoba kasihambanga ngokungafanelanga phakathi kwenu,Select 2 Thessalonians 3:7
8njalo kasidlanga kudla komuntu ngesihle, kodwa ekutshikatshikeni lekusebenzeni nzima, ubusuku lemini sisebenza, ukuze singabi ngumthwalo lakomunye wenu;Select 2 Thessalonians 3:8
9kungesikuthi sasingelalungelo, kodwa ukuze sizinikele kini njengesibonelo sokusilingisela.Select 2 Thessalonians 3:9
10Ngoba lalapho silani, salilaya lokhu ukuthi: Uba umuntu engafuni ukusebenza, akumelanga adle.Select 2 Thessalonians 3:10
11Ngoba sizwa ukuthi abanye phakathi kwenu bahambahamba ngokungafanelanga, kabasebenzi lutho, kodwa besenza izinto ezingelamsebenzi.Select 2 Thessalonians 3:11
12Abanjalo-ke siyabalaya sibakhuthaze ngeNkosi yethu uJesu Kristu, ukuze basebenze ngokuthula badle okwabo ukudla.Select 2 Thessalonians 3:12
13Lani, bazalwane, lingadinwa yikwenza okuhle.Select 2 Thessalonians 3:13
14Kodwa uba umuntu engalaleli ilizwi lethu ngencwadi, mqapheliseni lowo, njalo lingahlangani laye, ukuze abe lenhloni;Select 2 Thessalonians 3:14
15njalo lingamphathi njengesitha, kodwa melulekeni njengomzalwane.Select 2 Thessalonians 3:15
16Sengathi-ke iNkosi yokuthula uqobo ingalinika ukuthula ngesikhathi sonke ngendlela zonke. INkosi kayibe lani lonke.Select 2 Thessalonians 3:16
17Isibingelelo ngesami isandla esikaPawuli, okuluphawu kuyo yonke incwadi; ngibhala ngokunjalo.Select 2 Thessalonians 3:17
18Umusa weNkosi yethu uJesu Kristu kawube lani lonke. Ameni.Select 2 Thessalonians 3:18
Ndebele Bible (NDEBELE). Text from the CrossWire Bible Society module. About this translation