11Leviticus 11

1INkosi yasikhuluma kuMozisi lakuAroni isithi kibo:Select Leviticus 11:1

2Tshonini ebantwaneni bakoIsrayeli lithi: Lezi zinyamazana elingazidla kuzo zonke inyamazana ezisemhlabeni.Select Leviticus 11:2

3Konke okwehlukanisa isondo lokwehlukanisa isondo kabili lokwetshisayo phakathi kwenyamazana, lokhu lizakudla.Select Leviticus 11:3

4Kodwa lezi kaliyikuzidla kulezo ezetshisayo kumbe kulezo ezehlukanisa isondo: Ikamela, ngoba liyetshisa, kodwa kalehlukanisi amasondo; lingcolile kini.Select Leviticus 11:4

5Lembila, ngoba iyetshisa, kodwa kayehlukanisi isondo; ingcolile kini.Select Leviticus 11:5

6Lomvundla, ngoba uyetshisa, kodwa kawehlukanisi isondo; ungcolile kini.Select Leviticus 11:6

7Lengulube, ngoba iyehlukanisa isondo lokwehlukanisa isondo kube kubili kodwa kayetshisi; ingcolile kini.Select Leviticus 11:7

8Lingadli okwenyama yazo, lingathinti isidumbu sazo; zingcolile kini.Select Leviticus 11:8

9Lezi lingazidla kuzo zonke ezisemanzini: Zonke ezilempiko lamaxolo, emanzini, enlwandle lemifuleni, lezo lingazidla.Select Leviticus 11:9

10Kodwa zonke ezingelampiko lamaxolo enlwandle lemifuleni, phakathi kwazo zonke ezibhinqika emanzini laphakathi kwaso sonke isidalwa esiphilayo esisemanzini, ziyisinengiso kini.Select Leviticus 11:10

11Yebo, zizakuba yisinengiso kini; lingadli okwenyama yazo; kodwa lizanengwa yisidumbu sazo.Select Leviticus 11:11

12Konke okungelampiko lamaxolo emanzini, kuyisinengiso kini.Select Leviticus 11:12

13Lezi-ke lizanengwa yizo phakathi kwezinyoni; kaziyikudliwa, ziyisinengiso; ukhozi lelinqe lengqungqulu edla inhlanzi,Select Leviticus 11:13

14lomzwazwa, lohelwane ngohlobo lwalo,Select Leviticus 11:14

15lonke iwabayi ngohlobo lwalo,Select Leviticus 11:15

16lesikhova, lomandukulo, lenkanku, lokhozi ngohlobo lwalo,Select Leviticus 11:16

17lesikhova esincinyane, letshayamanzi, lesikhova esikhulu,Select Leviticus 11:17

18lesikhova esimhlophe, lewunkwe, lelinqe elikhulu,Select Leviticus 11:18

19lengabuzane, ihemu ngohlobo lwalo, lemvenduna, lolulwane.Select Leviticus 11:19

20Zonke izibungu ezilempiko ezihamba ngezine ziyisinengiso kini.Select Leviticus 11:20

21Kodwa lezi lizazidla ezibungwini ezilempiko ezihamba ngezine ezilemilenze ephezu kwenyawo zazo ezeqa ngayo emhlabeni;Select Leviticus 11:21

22lezi lingadla kuzo: Isikhonyane ngohlobo lwaso, lonyelele ngohlobo lwakhe, lediye ngohlobo lwalo, lentethe ngohlobo lwayo.Select Leviticus 11:22

23Kodwa zonke izibungu ezilempiko, ezilenyawo ezine, ziyisinengiso kini.Select Leviticus 11:23

24Langalezi lizangcoliswa; wonke othinta isidumbu sazo uzakuba ngongcolileyo kuze kuhlwe.Select Leviticus 11:24

25Njalo wonke ophakamisa okwesidumbu sazo uzahlamba izembatho zakhe, abe ngongcolileyo kuze kuhlwe.Select Leviticus 11:25

26Yonke inyamazana eyehlukanisa isondo, kodwa ingehlukanisi isondo kabili, njalo ingetshisi, ingcolile kini; wonke oyithintayo uzangcola.Select Leviticus 11:26

27Konke-ke okuhamba ngezidladla zakho, phakathi kwazo zonke inyamazana ezihamba ngezine, zingcolile kini; wonke othinta isidumbu sazo uzangcola kuze kuhlwe.Select Leviticus 11:27

28Lothwala isidumbu sazo uzahlamba izembatho zakhe, abe ngongcolileyo kuze kuhlwe; zingcolile kini.Select Leviticus 11:28

29Futhi lezi zizakuba ngezingcolileyo kini, phakathi kwezihuquzelayo ezihuquzelayo emhlabeni; ubuchakide, legundwane, legwababa ngohlobo lwalo,Select Leviticus 11:29

30lontulo, lembulumakhasana, lombankwa, lesiqhuza, lonwabu.Select Leviticus 11:30

31Lezi zingcolile kini phakathi kwazo zonke ezihuquzelayo; wonke ozithintayo sezifile uzakuba ngongcolileyo kuze kuhlwe.Select Leviticus 11:31

32Konke-ke ewela phezu kwakho enye yazo isifile kuzakuba ngokungcolileyo, lokwasiphi isitsha sesihlahla, loba isembatho, loba isikhumba, loba isaka, lasiphi isitsha okusetshenzwa ngaso; kuzafakwa emanzini, njalo kuzakuba ngokungcolileyo kuze kuhlwe; khona kuzahlambuluka.Select Leviticus 11:32

33Layo yonke imbiza yebumba ewela phakathi kwayo enye yazo, konke okukiyo kuzakuba ngokungcolileyo, njalo lizayibulala.Select Leviticus 11:33

34Ekudleni konke okudliwayo afike kukho amanzi kuzakuba ngokungcolileyo; lakuphi okunathwayo okunganathwa phakathi kwaloba yiyiphi imbiza enjalo kuzakuba ngokungcolileyo.Select Leviticus 11:34

35Konke-ke okuwela kukho okwesidumbu sazo kuzakuba ngokungcolileyo; iziko loba isitofu, kuzaphohlozwa, kungcolile, futhi kuzakuba ngokungcolileyo kini.Select Leviticus 11:35

36Kodwa umthombo loba umgodi aqoqene khona amanzi uzakuba ngohlambulukileyo; kodwa okuthinta izidumbu zazo kuzakuba ngokungcolileyo.Select Leviticus 11:36

37Njalo uba okwesidumbu sazo kuwela phezu kwenhlanyelo ehlanyelwayo ezahlanyelwa, ihlambulukile;Select Leviticus 11:37

38kodwa uba okwamanzi kufakwa enhlanyelweni, lokwesidumbu sazo kuwela phezu kwayo, ingcolile kini.Select Leviticus 11:38

39Uba kusifa-ke enyamazaneni eyikudla kini, othinta isidumbu sayo uzakuba ngongcolileyo kuze kuhlwe.Select Leviticus 11:39

40Lodla okwesidumbu sayo uzahlamba izembatho zakhe, abe ngongcolileyo kuze kuhlwe; lothwala isidumbu sayo uzawatsha izembatho zakhe, abe ngongcolileyo kuze kuhlwe.Select Leviticus 11:40

41Lazo zonke ezihuquzelayo ezihuquzela emhlabeni ziyisinengiso; kaziyikudliwa.Select Leviticus 11:41

42Konke okuhamba ngesisu, lakho konke okuhamba ngezine, kuze kube yikho konke okulenyawo ezinengi, phakathi kwazo zonke ezihuquzelayo ezihuquzela emhlabeni kaliyikukudla, ngoba kuyisinengiso.Select Leviticus 11:42

43Lingazenzi linengeke langakuphi okuhuquzelayo kuhuquzela, lingazingcolisi ngakho ukuthi lingcoliswe yikho.Select Leviticus 11:43

44Ngoba ngiyiNkosi uNkulunkulu wenu. Ngakho zingcweliseni, libe ngcwele, ngoba ngingcwele. Lingazingcolisi langakuphi okuhuquzelayo okuhuquzela emhlabeni.Select Leviticus 11:44

45Ngoba ngiyiNkosi eyalenyusa lisuka elizweni leGibhithe ukuthi ngibe nguNkulunkulu wenu. Ngakho banini ngcwele, ngoba ngingcwele.Select Leviticus 11:45

46Lo ngumlayo wezinyamazana lezinyoni, laso sonke isidalwa esiphilayo esibhinqika emanzini lakuso sonke isidalwa esihuquzela emhlabeni,Select Leviticus 11:46

47ukwehlukanisa phakathi kokungcolileyo lokuhlambulukileyo, laphakathi kokuphilayo okungadliwa lokuphilayo okungadliwayo.Select Leviticus 11:47