18Leviticus 18

1INkosi yasikhuluma kuMozisi isithi:Select Leviticus 18:1

2Tshono ebantwaneni bakoIsrayeli uthi kubo: NgiyiNkosi uNkulunkulu wenu.Select Leviticus 18:2

3Lingenzi njengokwemisebenzi yelizwe leGibhithe lapho elalihlala khona, lingenzi futhi njengokwemisebenzi yelizwe leKhanani engililetha kulo. Lingahambi ngemithetho yabo.Select Leviticus 18:3

4Lizakwenza izahlulelo zami ligcine izimiso zami, ukuhamba kuzo. NgiyiNkosi uNkulunkulu wenu.Select Leviticus 18:4

5Ngakho lizagcina izimiso zami lezahlulelo zami; okuthi uba umuntu ezenza uzaphila ngazo. NgiyiNkosi.Select Leviticus 18:5

6Kakungasondeli lamuntu lakusiphi isihlobo senyama yakhe ukwembula ubunqunu baso. NgiyiNkosi.Select Leviticus 18:6

7Ungembuli ubunqunu bukayihlo lobunqunu bukanyoko; ungunyoko, ungembuli ubunqunu bakhe.Select Leviticus 18:7

8Ungembuli ubunqunu bomkayihlo, buyibunqunu bukayihlo.Select Leviticus 18:8

9Ubunqunu bukadadewenu, indodakazi kayihlo loba indodakazi kanyoko, ezelwe ekhaya loba ezelwe ngaphandle, ungembuli ubunqunu babo.Select Leviticus 18:9

10Ungembuli ubunqunu bendodakazi yendodana yakho, loba bendodakazi yendodakazi yakho, ngoba bayibunqunu bakho.Select Leviticus 18:10

11Ubunqunu bendodakazi yomkayihlo ezelwe nguyihlo, ingudadewenu, ungembuli ubunqunu bayo.Select Leviticus 18:11

12Ungembuli ubunqunu bukadadewabo kayihlo, ngoba eyisihlobo sikayihlo.Select Leviticus 18:12

13Ungembuli ubunqunu bukadadewabo kanyoko, ngoba eyisihlobo sikanyoko.Select Leviticus 18:13

14Ungembuli ubunqunu bomfowabo kayihlo; ungasondeli kumkakhe, ngoba enguyihlokazi.Select Leviticus 18:14

15Ungembuli ubunqunu bukamalokozana; ungumkandodana yakho, ungembuli ubunqunu bakhe.Select Leviticus 18:15

16Ungembuli ubunqunu bomkamfowenu, buyibunqunu bomfowenu.Select Leviticus 18:16

17Ungembuli ubunqunu bowesifazana lobendodakazi yakhe; ungathathi indodakazi yendodana yakhe loba indodakazi yendodakazi yakhe, ukwembula ubunqunu bayo; bayizihlobo; kuyinkohlakalo.Select Leviticus 18:17

18Ungathathi owesifazana kanye lodadewabo ukumhlupha, ukwembula ubunqunu bakhe kanye laye empilweni yakhe.Select Leviticus 18:18

19Ungasondeli kowesifazana ekwehlukanisweni kokungcola kwakhe ukwembula ubunqunu bakhe.Select Leviticus 18:19

20Ungalali lomkamakhelwane wakho ukungcola ngaye.Select Leviticus 18:20

21Unganiki okwenzalo yakho ukuthi ukudabulisele kuMoleki; ungangcolisi ibizo likaNkulunkulu wakho. NgiyiNkosi.Select Leviticus 18:21

22Ungalali lowesilisa njengokulala lowesifazana; kuyisinengiso.Select Leviticus 18:22

23Ungalali laloba yiyiphi inyamazana ukungcola ngayo; futhi owesifazana angemi phambi kwenyamazana ukulala layo; kuyingxube elihlazo.Select Leviticus 18:23

24Lingazingcolisi langenye yalezizinto, ngoba ngazo zonke lezizinto izizwe ziyangcoliswa engizixotsha phambi kwenu.Select Leviticus 18:24

25Ngalokho ilizwe lingcolile; ngakho ngiphindisela ububi balo phezu kwalo, lelizwe liyabahlanza abahlali balo.Select Leviticus 18:25

26Ngakho lina lizagcina izimiso zami lezahlulelo zami, lingenzi okwazo zonke lezizinengiso; owokuzalwa elizweni loba owemzini ohlala njengowezizwe phakathi kwenu.Select Leviticus 18:26

27Ngoba zonke lezizinengiso bazenza abantu balelolizwe ababekhona ngaphambi kwenu, ngakho ilizwe langcola.Select Leviticus 18:27

28Ukuze ilizwe lingalihlanzi lapho lilingcolisa, njengalokhu lahlanza isizwe esasikhona ngaphambi kwenu.Select Leviticus 18:28

29Ngoba wonke owenza okwalezizinengiso, imiphefumulo ekwenzayo izaqunywa isuke ebantwini bayo.Select Leviticus 18:29

30Ngakho lizagcina umlayo wami, ukuze lingenzi okwalezozimiso eziyisinengiso ezenziwa ngaphambi kwenu, ukuthi lingazingcolisi ngazo. NgiyiNkosi uNkulunkulu wenu.Select Leviticus 18:30