1Mark 1

1Ukuqala kwevangeli likaJesu Kristu, iNdodana kaNkulunkulu;Select Mark 1:1

2njengokulotshiweyo kubaprofethiukuthi: Khangela, mina ngiyathuma isithunywa sami phambi kobuso bakho, esizalungisa indlela yakho phambi kwakho.Select Mark 1:2

3Ilizwi lomemezayo enkangala, lithi: Lungisani indlela yeNkosi; qondisani izindledlana zayo.Select Mark 1:3

4Kweza uJohane ebhabhathiza enkangala, etshumayela ubhabhathizo lokuphenduka kukho ukuthethelelwa kwezono,Select Mark 1:4

5njalo kwaphumela kuye ilizwe lonke leJudiya, labo abeJerusalema, basebebhabhathizwa bonke nguye emfuleni iJordani, bevuma izono zabo.Select Mark 1:5

6Futhi uJohane wayembethe uboya bekamela, elozwezwe lwesikhumba ekhalweni lwakhe, wayesidla intethe loluju lweganga.Select Mark 1:6

7Watshumayela, esithi: Olamandla kulami uyeza emva kwami, engingafanele ukukhothama ngithukulule umchilo wamanyathela akhe.Select Mark 1:7

8Mina isibili ngilibhabhathize ngamanzi; kodwa yena uzalibhabhathiza ngoMoya oNgcwele.Select Mark 1:8

9Kwasekusithi ngalezonsuku kwafika uJesu evela eNazaretha yeGalili, wabhabhathizwa nguJohane eJordani.Select Mark 1:9

10Wenela ukukhuphuka emanzini, wabona amazulu eqhekezeka, loMoya kungathi lijuba esehlela phezu kwakhe;Select Mark 1:10

11kwasekusiza ilizwi livela emazulwini, lathi: Wena uyiNdodana yami ethandekayo, engithokoza ngayo.Select Mark 1:11

12Njalo uMoya wahle wamqhubela enkangala.Select Mark 1:12

13Wayekhona-ke lapho enkangala insuku ezingamatshumi amane elingwa nguSathane, wayelezilo, ingilosi zasezimnceda.Select Mark 1:13

14Kwathi emva kokunikelwa kukaJohane, uJesu wafika eGalili, etshumayela ivangeli lombuso kaNkulunkulu,Select Mark 1:14

15njalo esithi: Isikhathi sigcwalisekile, njalo umbuso kaNkulunkulu ususondele; phendukani, likholwe ivangeli.Select Mark 1:15

16Kwathi ehambahamba elwandle lweGalili wabona uSimoni loAndreya umfowabo, bephosela imbule olwandle; ngoba babengabagoli benhlanzi.Select Mark 1:16

17UJesu wasesithi kubo: Ngilandelani, ngizalenza libe ngabagoli babantu.Select Mark 1:17

18Njalo bahle batshiya amambule abo, bamlandela.Select Mark 1:18

19Eseqhubeke ibangana esuka lapho, wabona uJakobe okaZebediya, loJohane umfowabo, labo babesemkhunjini belungisa amambule abo.Select Mark 1:19

20Njalo wahle wababiza; basebetshiya uyise uZebediya emkhunjini leziqhatshwa, basuka bamlandela.Select Mark 1:20

21Basebengena eKapenawume; kwathi ngesabatha wahle wangena esinagogeni, wafundisa.Select Mark 1:21

22Basebebabaza ngemfundiso yakhe; ngoba wabafundisa njengolamandla, njalo kungenjengababhali.Select Mark 1:22

23Futhi kwakukhona esinagogeni labo umuntu owayelomoya ongcolileyo, wasememeza,Select Mark 1:23

24wathi: Yekela, silani lawe, Jesu weNazaretha? Uze ukusibhubhisa yini? Ngiyakwazi wena ukuthi ungubani: ONgcwele kaNkulunkulu.Select Mark 1:24

25UJesu wasemkhuza, wathi: Thula, uphume kuye.Select Mark 1:25

26Futhi umoya ongcolileyo emhlukuluza ekhala ngelizwi elikhulu, waphuma kuye.Select Mark 1:26

27Basebemangala bonke, baze babuzana, bathi: Kuyini lokhu? Yimfundiso bani entsha le, ukuthi ngamandla uyalaya labomoya abangcolileyo, futhi bamlalele.Select Mark 1:27

28Njalo yahle yaphuma indumela yakhe esigabeni sonke seGalili esizingelezeleyo.Select Mark 1:28

29Njalo bahle baphuma esinagogeni, bangena endlini kaSimoni loAndreya, kanye loJakobe loJohane.Select Mark 1:29

30Futhi uninazala kaSimoni wayelele eloqhuqho, njalo bahle bamtshela ngaye;Select Mark 1:30

31wasesondela, wabamba isandla sakhe wamvusa; futhi uqhuqho lwahle lwamyekela, wabasebenzela.Select Mark 1:31

32Kwathi sekuhlwile, ilanga selitshona, baletha kuye bonke abagulayo lababengenwe ngamadimoni;Select Mark 1:32

33njalo umuzi wonke wawubuthene emnyango.Select Mark 1:33

34Wasesilisa abanengi ababegula izifo ezitshiyeneyo, wakhupha amadimoni amanengi, kodwa kavumelanga amadimoni ukuthi akhulume, ngoba ayemazi.Select Mark 1:34

35Njalo ekuseni kusesemnyama kakhulu wavuka waphuma, waya endaweni eyinkangala, wakhuleka khona.Select Mark 1:35

36USimoni lababelaye basebemdingisisa;Select Mark 1:36

37sebemtholile bathi kuye: Bonke bayakudinga.Select Mark 1:37

38Wasesithi kubo: Asiye emizini eseduze, ukuze ngitshumayele lakhona; ngoba ngiphumele lokhu.Select Mark 1:38

39Wasetshumayela emasinagogeni abo kulo lonke eleGalili, ekhupha amadimoni.Select Mark 1:39

40Kwasekufika kuye umlephero, emncenga eguqa ngamadolo phambi kwakhe, esithi kuye: Aluba uthanda, ungangihlambulula.Select Mark 1:40

41UJesu wasesiba lesihelo, welula isandla, wamthinta, wathi kuye: Ngiyathanda, hlambuluka;Select Mark 1:41

42esekhulumile bahle basuka ubulephero kuye, wahlanjululwa.Select Mark 1:42

43Wasemlayisisa, wahle wamyekela wahamba,Select Mark 1:43

44esithi kuye: Khangela ungatsheli muntu ulutho; kodwa hamba, uziveze kumpristi, unikele ngokuhlanjululwa kwakho lokho uMozisi akulayayo, kube yibufakazi kubo.Select Mark 1:44

45Kodwa yena esephumile waqala ukumemezela kakhulu walwandisa udaba, kwaze kwathi wayengaselakho ukungena emzini obala, kodwa wayengaphandle ezindaweni ezizinkangala; beza kuye bevela enhlangothini zonke.Select Mark 1:45