13Mark 13

1Kwathi ephuma ethempelini, omunye wabafundi bakhe wathi kuye: Mfundisi, khangela, amatshe anjani lezakhiwo ezinjani!Select Mark 13:1

2UJesu wasephendula wathi kuye: Uyabona lezizakhiwo ezinkulu yini? Akusoze kutshiywe ilitshe phezu kwelitshe, elingasoze lidilizelwe phansi.Select Mark 13:2

3Esehlezi entabeni yeMihlwathi maqondana lethempeli, uPetro loJakobe loJohane loAndreya bambuza bebodwa,Select Mark 13:3

4bathi: Sitshele, lezizinto zizakuba nini? Lesibonakaliso siyini lapho sezizapheleliswa lezizinto zonke?Select Mark 13:4

5UJesu ebaphendula waseqala ukuthi: Qaphelani kungabi khona oliduhisayo.Select Mark 13:5

6Ngoba abanengi bazakuza ngebizo lami, besithi: Mina nginguye; futhi baduhise abanengi.Select Mark 13:6

7Kodwa nxa lisizwa ngezimpi lamahungahunga ezimpi, lingethuki; ngoba kufanele kwenzeke; kodwa ukuphela kakukabi khona.Select Mark 13:7

8Ngoba isizwe sizavukela isizwe, lombuso uvukele umbuso; njalo kuzakuba khona ukuzamazama komhlaba indawo ngendawo, njalo kuzakuba khona indlala lezinhlupheko; lezizinto ziyikuqala kwemihelo.Select Mark 13:8

9Kodwa ziqapheleni lina; ngoba bazalinikela emiphakathini, lemasinagogeni lizatshaywa, lizalethwa laphambi kwababusi lamakhosi ngenxa yami, kube yibufakazi kubo.Select Mark 13:9

10Kodwa ivangeli limele ukutshunyayelwa kuqala kuzo zonke izizwe.Select Mark 13:10

11Kodwa nxa belidonsa belinikela, lingakhathaleli ngaphambili elizakukhuluma, linganakani; kodwa loba yini elizayinikwa ngalelohola, ikhulumeni; ngoba kakusini elikhulumayo, kodwa uMoya oyiNgcwele.Select Mark 13:11

12Futhi umfowabo uzanikela umfowabo ekufeni, loyise umntwana; labantwana bazavukela abazali, besebebabulala;Select Mark 13:12

13njalo lizazondwa yibo bonke ngenxa yebizo lami; kodwa ophikelelayo kuze kube sekupheleni, nguye ozasindiswa.Select Mark 13:13

14Kodwa nxa libona amanyala encithakalo, akhulunywa nguDaniyeli umprofethi, emi lapho angafanele khona (ofundayo kaqedisise), khona labo abaseJudiya kababalekele ezintabeni;Select Mark 13:14

15lophezu kophahla lwendlu angehleli endlini, angangeni ukuthatha ulutho endlini yakhe;Select Mark 13:15

16losemasimini angabuyeli emuva, ukuyathatha isembatho sakhe.Select Mark 13:16

17Kodwa maye kwabakhulelweyo labamunyisayo ngalezonsuku!Select Mark 13:17

18Kodwa khulekani ukuthi ukubaleka kwenu kungabi sebusika.Select Mark 13:18

19Ngoba ngalezonsuku kuzakuba khona ukuhlupheka, okungazanga kube khona kusukela ekuqaleni kokudaliweyo uNkulunkulu akudalayo kuze kube khathesi, lokungasoze kwaba khona.Select Mark 13:19

20Njalo uba iNkosi ibingazifinyezanga lezonsuku, bekungesindiswe nyama; kodwa ngenxa yabakhethiweyo, ebakhethileyo, izifinyezile insuku.Select Mark 13:20

21Langalesosikhathi nxa umuntu esithi kini: Khangelani, nangu uKristu; kumbe: Khangelani, ulaphayana; lingakholwa;Select Mark 13:21

22ngoba kuzavuka okristu bamanga labaprofethi bamanga, besebesenza izibonakaliso lezimangaliso, ukuduhisa, nxa kungenzeka, labakhethiweyo.Select Mark 13:22

23Kodwa qaphelani lina; khangelani, sengilitshelile konke ngaphambili.Select Mark 13:23

24Kodwa ngalezonsuku, emva kwalokhokuhlupheka, ilanga lizafiphazwa, lenyanga kayiyikupha ukukhanya kwayo,Select Mark 13:24

25lenkanyezi zezulu zizabe zisiwa, lamandla asemazulwini azazanyazanyiswa.Select Mark 13:25

26Khona-ke bezabona iNdodana yomuntu isiza emayezini ilamandla amakhulu lenkazimulo,Select Mark 13:26

27khona-ke izathuma ingilosi zayo, ibisiqoqa abakhethiweyo bayo emimoyeni yomine, kusukela emkhawulweni womhlaba kuze kube semkhawulweni wezulu.Select Mark 13:27

28Fundani-ke umfanekiso emkhiweni; nxa ugatsha lwawo selusiba buthakathaka, luhlume amahlamvu, liyazi ukuthi ihlobo seliseduze;Select Mark 13:28

29ngokunjalo lani, nxa libona lezizinto zisenzeka, yazini ukuthi kuseduze kuseminyango.Select Mark 13:29

30Ngiqinisile ngithi kini: Lesisizukulwana asisoze sidlule, zize zenzeke izinto zonke lezi.Select Mark 13:30

31Kuzadlula izulu lomhlaba; kodwa amazwi ami awasoze adlule.Select Mark 13:31

32Kodwa lolosuku lalelohola kakho owaziyo ngakho, ngitsho lengilosi ezisezulwini, ngitsho leNdodana, ngaphandle kukaBaba.Select Mark 13:32

33Qaphelani, lilinde likhuleke; ngoba kalazi ukuthi isikhathi sinini.Select Mark 13:33

34Njengomuntu owasuka elizweni lakibo watshiya indlu yakhe, wanika inceku zakhe amandla, kuleyo laleyo umsebenzi wayo, walaya umlindisango ukuthi alinde.Select Mark 13:34

35Ngakho lindani; ngoba kalazi ukuthi inkosi yendlu izafika nini, kusihlwa, loba phakathi kobusuku, loba ekukhaleni kweqhude, loba emadabukakusa;Select Mark 13:35

36hlezi ifike ilijume, ilifice lilele.Select Mark 13:36

37Lalokhu engikutsho kini ngikutsho kubo bonke: Lindani.Select Mark 13:37