15Mark 15

1Kwathi khonokho ekuseni kakhulu abapristi abakhulu benza umhlangano kanye labadala lababhali, lomphakathi wonke, bambopha uJesu bamqhuba bamnikela kuPilatu.Select Mark 15:1

2UPilatu wasembuza wathi: Wena uyiNkosi yamaJuda yini? Wasemphendula wathi kuye: Uyatsho wena.Select Mark 15:2

3Abapristi abakhulu basebemmangalela ngezinto ezinengi; kodwa yena kaphendulanga lutho.Select Mark 15:3

4UPilatu wasebuya embuza, wathi: Kawuphenduli lutho yini? Khangela, zingaki izinto abazifakazayo ezimelana lawe.Select Mark 15:4

5Kodwa uJesu kabesaphendula lutho, waze wamangala uPilatu.Select Mark 15:5

6Langomkhosi wayebakhululela isibotshwa esisodwa, loba yisiphi abasicelayo.Select Mark 15:6

7Kwakukhona umuntu othiwa nguBarabasi, owayebotshiwe lalabo ababevukele umbuso laye, ababebulele ekuvukeleni umbuso.Select Mark 15:7

8Ixuku laselimemeza laqala ukucela ukuthi enze njengalokho ayehlezi ekwenza kubo.Select Mark 15:8

9UPilatu wasebaphendula, wathi: Lithanda ukuthi ngilikhululele iNkosi yamaJuda yini?Select Mark 15:9

10Ngoba wayekwazi ukuthi ngomona abapristi abakhulu bamnikele.Select Mark 15:10

11Kodwa abapristi abakhulu bavusa ixuku, ukuthi kungcono alikhululele uBarabasi.Select Mark 15:11

12UPilatu wasephendula wathi futhi kubo: Pho lifuna ngimenzeni lo elithi uyiNkosi yamaJuda?Select Mark 15:12

13Basebememeza futhi bathi: Mbethele!Select Mark 15:13

14Kodwa uPilatu wathi kubo: Ngoba wenze ububi bani? Kodwa bamemeza kakhulu bathi: Mbethele!Select Mark 15:14

15Khona uPilatu ethanda ukukholisa ixuku, wabakhululela uBarabasi; kodwa wamnikela uJesu, esemtshaye ngesiswepu, ukuthi abethelwe.Select Mark 15:15

16Abebutho basebemngenisa phakathi, egumeni, eliyindlu yombusi, basebebizela ibutho lonke ndawonye,Select Mark 15:16

17bamgqokisa okuyibubende, sebeluke umqhele wameva bamethesa,Select Mark 15:17

18baqala ukumbingelela besithi: Bayethe, Nkosi yamaJuda!Select Mark 15:18

19Batshaya ikhanda lakhe ngomhlanga, bamkhafulela amathe, baguqa ngamadolo bamkhonza.Select Mark 15:19

20Sebemklolodele, bamhlubula okuyibubende, bamgqokisa ezakhe izembatho. Basebemusa phandle ukuze bambethele.Select Mark 15:20

21Babamba ngamandla omunye owayesedlula othiwa nguSimoni umKurene, evela emaphandleni, uyise kaAleksandro loRufusi, ukuthi athwale isiphambano sakhe.Select Mark 15:21

22Basebemusa endaweniethiwa yiGolgotha, okuyikuthi ngokuphendulelwa, iNdawo yokhakhayi.Select Mark 15:22

23Basebemnika iwayini lixutshaniswe lenhlaka ukuthi alinathe; kodwa kalemukelanga.Select Mark 15:23

24Sebembethele, babelana izembatho zakhe, benza inkatho yokuphosa ngazo, ukuthi ngamunye uzathathani.Select Mark 15:24

25Kwakulihola lesithathu*, njalo bambethela.Select Mark 15:25

26Futhi kwakulombhalo wecala lakhe elalibhalwe phezulu usithi: INKOSI YAMAJUDA.Select Mark 15:26

27Njalo babethela kanye laye abaphangi ababili, omunye ngakwesokunene lomunye ngakwesokhohlo sakhe.Select Mark 15:27

28Wasugcwaliseka umbhalo othi: Futhi wabalwa kanye lezoni.Select Mark 15:28

29Labedlulayo bamhlambaza, benikina amakhanda abo, besithi: Hiya, wena odiliza ithempeli, ulakhe ngensuku ezintathu,Select Mark 15:29

30zisindise, wehle esiphambanweni.Select Mark 15:30

31Langokunjalo abapristi abakhulu labo bakloloda kanye lababhali bathi omunye komunye: Wasindisa abanye, angezisindise yena.Select Mark 15:31

32UKristu iNkosi yakoIsrayeli kehle khathesi esiphambanweni, ukuze sibone sikholwe. Lababebethelwe kanye laye bamklolodela.Select Mark 15:32

33Kwathi sekufike ihola lesithupha*, kwaba khona ubumnyama phezu komhlaba wonke kwaze kwaba lihola lesificamunwemunye*.Select Mark 15:33

34Ngehola lesificamunwemunye uJesu wamemeza ngelizwi elikhulu, wathi, "Eloyi, Eloyi, lama sabaktani?" Okuyikuthi ngokuphendulelwa: Nkulunkulu wami, Nkulunkulu wami, ungitshiyeleni?Select Mark 15:34

35Labanye kwababemi khona besizwa bathi: Khangelani, ubiza uElija.Select Mark 15:35

36Wasegijima omunye, wagcwalisa uzipho ngeviniga, waluhloma emhlangeni, wamnika ukuthi anathe, esithi: Yekelani, sibone uba uElija uzakuza amethule.Select Mark 15:36

37UJesu wasememeza ngelizwi elikhulu waphefumula okokucina.Select Mark 15:37

38Leveyili lethempeli ladatshulwa laba zincezu ezimbili laqala phezulu lisiya phansi.Select Mark 15:38

39Kwathi induna yekhulu eyayimi maqondana laye ibona ukuthi ukhale njalo, waphefumula okokucina, yathi: Ngeqiniso lumuntu ubeyiNdodana kaNkulunkulu.Select Mark 15:39

40Kwakukhona labesifazana bebukele bekhatshana, okwakukhona phakathi kwabo loMariya Magadalena, loMariya unina kaJakobe omncinyane lokaJose, loSalome,Select Mark 15:40

41(labo abamlandela, eseseGalili, bamsebenzela), labanye abesifazana abanengi abenyukela eJerusalema laye.Select Mark 15:41

42Kwathi sekuhlwile, ngoba kwakungamalungiselelo, okuyikuthi usuku phambi kwesabatha,Select Mark 15:42

43wafika uJosefa owayevela eArimathiya, ilunga elihloniphekayo lomphakathi, owayelindele laye umbuso kaNkulunkulu; wangena ngesibindi kuPilatu, wacela isidumbu sikaJesu.Select Mark 15:43

44UPilatu wasemangala ngokuthi usefile; wabizela kuye induna yekhulu, wayibuza ukuthi kambe sekuyisikhathi efile.Select Mark 15:44

45Esazisiwe yinduna yekhulu, wamnika uJosefa isidumbu.Select Mark 15:45

46Wasethenga ilembu elicolekileyo, wamethula, wamgoqela ngelembu elicolekileyo, wambeka engcwabeni elaligujwe edwaleni; wagiqela ilitshe emnyango wengcwaba.Select Mark 15:46

47Futhi uMariya Magadalena loMariya unina kaJose babona lapho abekwe khona.Select Mark 15:47