3Mark 3

1Wasebuya engena esinagogeni, njalo kwakukhona lapho umuntu olesandla esitshwabheneyo.Select Mark 3:1

2Basebemqaphela ukuthi uzamsilisa ngesabatha, ukuze bambeke icala.Select Mark 3:2

3Wasesithi kumuntu olesandla esitshwabheneyo: Sukuma uye phakathi.Select Mark 3:3

4Wathi kubo: Kuvunyelwe yini ngamasabatha ukwenza okulungileyo, kumbe ukwenza okubi? Ukusindisa impilo, kumbe ukubulala? Kodwa bathula.Select Mark 3:4

5Wasebathalaza ngokuthukuthela, edabukile ngobulukhuni benhliziyo yabo, wathi kumuntu: Yelula isandla sakho. Waselula, isandla sakhe sasesisiliswa saphila njengesinye.Select Mark 3:5

6Basebephuma abaFarisi bahle bacebisana labakaHerodi bemelane laye, ukuthi bangambulala njani.Select Mark 3:6

7Kodwa uJesu wasuka wahamba labafundi bakhe ngaselwandle; ixuku elikhulu laselimlandela livela eGalili, leJudiya;Select Mark 3:7

8leJerusalema, leIdumiya, langaphetsheya kweJordani, labemimangweni yeTire leSidoni, ixuku elikhulu, selizwile izinto ezinkulu abezenza, leza kuye.Select Mark 3:8

9Wasetshela abafundi bakhe ukuthi umkolo umlindele ngenxa yexuku, ukuze lingamcindezeli.Select Mark 3:9

10Ngoba wayesilisa abanengi, baze bawela phezu kwakhe bonke abalezifo, ukuze bamthinte.Select Mark 3:10

11Njalo omoya abangcolileyo, lapho bembona, babesiwa phansi phambi kwakhe, bakhale besithi: Wena uyiNdodana kaNkulunkulu.Select Mark 3:11

12Wasebalayisisa kakhulu ukuthi bangamvezi.Select Mark 3:12

13Wasesenyukela entabeni, wabizela kuye labo ayebafuna yena; basebesiza kuye.Select Mark 3:13

14Wasemisa abalitshumi lambili, ukuze babe laye, lokuze abathume ukuyatshumayela,Select Mark 3:14

15futhi babe lamandla okwelapha imikhuhlane, lawokukhupha amadimoni.Select Mark 3:15

16LoSimoni wamutha ibizo lokuthi nguPetro;Select Mark 3:16

17loJakobe okaZebediya, loJohane umfowabo kaJakobe; wabatha amabizo wathi ngoBowanegesi, okuyikuthi: Amadodana omdumo;Select Mark 3:17

18loAndreya, loFiliphu, loBartolomewu, loMathewu, loTomasi, loJakobe okaAlfewu, loTadewu, loSimoni umKhanani,Select Mark 3:18

19loJudasi uIskariyothi, laye owamnikelayo. Basebengena endlini.Select Mark 3:19

20Ixuku laselibuthana futhi, kwaze kwathi bona abasazange benelise lokudla isinkwa.Select Mark 3:20

21Kwathi abakibo sebezwile lokhu baphuma ukuyambamba; ngoba bathi: Uyahlanya.Select Mark 3:21

22Lababhali abavela eJerusalema bathi: UloBhelezebhule, lokuthi: Ukhupha amadimoni ngenkosi yamadimoni.Select Mark 3:22

23Wasebabizela kuye, wathi kubo ngemifanekiso: USathane angakhupha njani uSathane?Select Mark 3:23

24Futhi uba umbuso wehlukene umelene lawo ngokwawo, lowombuso ungeme.Select Mark 3:24

25Lendlu uba yehlukene imelana layo ngokwayo, leyondlu ingeme.Select Mark 3:25

26LoSathane uba ezivukela yena, ahlukane, angeme, kodwa uyaphela.Select Mark 3:26

27Kakho ongangena endlini yesiqhwaga, aphange impahla yaso, uba engasibophi isiqhwaga kuqala, abesephanga indlu yaso.Select Mark 3:27

28Ngiqinisile ngithi kini: Zonke izono zizathethelelwa kubantwana babantu, lezinhlamba loba ziphi abahlambaza ngazo;Select Mark 3:28

29kodwa loba ngubani ohlambaza emelene loMoya oyiNgcwele, kalakuthethelelwa lanini, kodwa ulecala lokulahlwa okulaphakade;Select Mark 3:29

30ngoba bathi: Ulomoya ongcolileyo.Select Mark 3:30

31Kwasekufika abafowabo lonina, bema ngaphandle bathumela kuye, bembiza.Select Mark 3:31

32Njalo ixuku lalihlezi limphahlile; basebesithi kuye: Khangela, unyoko labafowenu baphandle bayakudinga.Select Mark 3:32

33Wasebaphendula wathi: Ngubani umama kumbe abafowethu?Select Mark 3:33

34Wasethalaza labo ababehlezi bemphahlile, wathi: Khangelani umama labafowethu.Select Mark 3:34

35Ngoba loba ngubani owenza intando kaNkulunkulu, nguye ongumfowethu lodadewethu lomama.Select Mark 3:35