5Mark 5

1Basebefika ngaphetsheya kolwandle, elizweni lamaGadarene.Select Mark 5:1

2Esephumile emkhunjini, wahle wamhlangabeza umuntu ovela emangcwabeni elomoya ongcolileyo,Select Mark 5:2

3owayehlala emangcwabeni; njalo kwakungelamuntu owayengambopha ngitsho langamaketane,Select Mark 5:3

4ngoba wayebotshiwe kanengi ngezibopho langamaketane, kodwa amaketane ayeqanyulwa nguye, lezibopho zaqanyuqanyulwa; njalo kwakungekho owayengamthambisa;Select Mark 5:4

5langezikhathi zonke, ebusuku lemini, wayesezintabeni lemangcwabeni eklabalala ezisika ngamatshe.Select Mark 5:5

6Kwathi ebona uJesu ekhatshana, wagijima wamkhonza,Select Mark 5:6

7wamemeza ngelizwi elikhulu esithi: Ngilani lawe, Jesu, Ndodana kaNkulunkulu oPhezukonke? Ngikufungisa ngoNkulunkulu, ungangihluphi.Select Mark 5:7

8Ngoba wathi kuye: Phuma emuntwini, moya ongcolileyo.Select Mark 5:8

9Wasembuza wathi: Ibizo lakho ungubani? Wasephendula, wathi: Ibizo lami nginguLegiyoni, ngoba sibanengi.Select Mark 5:9

10Wasemncenga kakhulu, ukuthi angabaxotsheli ngaphandle kwelizwe.Select Mark 5:10

11Kwakukhona lapho ngasezintabeni umhlambi omkhulu wengulube usidla;Select Mark 5:11

12lamadimoni wonke amncenga, athi: Sithume engulubeni, singene kuzo.Select Mark 5:12

13Njalo uJesu wahle wawavumela. Omoya abangcolileyo basebephuma bangena ezingulubeni; umhlambi wasuphaphatheka eliweni usiya olwandle; njalo zazingaba zinkulungwane ezimbili; zaminzwa olwandle.Select Mark 5:13

14Abazelusayo ingulube basebebaleka, bayabika emzini lemaphandleni. Basebephuma ukubona ukuthi kuyini okwenzakeleyo;Select Mark 5:14

15bafika kuJesu, bambona obengenwe ngamadimoni ehlezi egqokile eqondile, yena owayelelegiyoni; basebesesaba.Select Mark 5:15

16Labo ababekubonile babatshela ukuthi kwenzeke njani kowayengenwe ngamadimoni, langengulube.Select Mark 5:16

17Basebeqala ukumncenga ukuthi asuke elizweni lakibo.Select Mark 5:17

18Wathi engena emkhunjini, owayengenwe ngamadimoni wamncenga, ukuthi abe laye.Select Mark 5:18

19Kodwa uJesu kamvumelanga, kodwa wathi kuye: Hamba uye ekhaya kwabakini, ubatshele ukuthi iNkosi ikwenzele okungakanani, ikuhawukele.Select Mark 5:19

20Wasesuka ehamba waqala ukutshumayela eDikapolisi ukuthi uJesu umenzele okungakanani; basebemangala bonke.Select Mark 5:20

21UJesu esebuye wachaphela ngaphetsheya ngomkhumbi, kwabuthana kuye ixuku elikhulu, futhi wayengaselwandle.Select Mark 5:21

22Njalo khangela, kwafika omunye wabaphathi besinagoge, uJayirosi ngebizo; embona, wawa phansi enyaweni zakhe,Select Mark 5:22

23wamncenga kakhulu, esithi: Indodakazi yami encane isiphela; ake uze ubeke izandla phezu kwayo, ukuze isindiswe, njalo izaphila.Select Mark 5:23

24Wasehamba laye; ixuku elikhulu laselimlandela, lamminyezela.Select Mark 5:24

25Njalo owesifazana othile owayelomopho wegazi okweminyaka elitshumi lambili,Select Mark 5:25

26ehluphekile kakhulu kubelaphi abanengi, echithile konke ayelakho, engasizakalanga, kodwa kulokhu kumqinela,Select Mark 5:26

27esezwile ngoJesu, weza exukwini ngemuva, wathinta isembatho sakhe;Select Mark 5:27

28ngoba wathi: Aluba ngithinta izembatho zakhe nje, ngizasindiswa.Select Mark 5:28

29Futhi wahle woma umthombo wegazi lakhe, wasesizwa emzimbeni ukuthi usilile esifweni.Select Mark 5:29

30Njalo uJesu wahle wazi phakathi kwakhe ukuthi amandla aphumile kuye, watshibilika esexukwini, wathi: Ngubani othinte izembatho zami?Select Mark 5:30

31Abafundi bakhe basebesithi kuye: Uyabona ixuku likuminyezela, kodwa uthi: Ngubani ongithintileyo?Select Mark 5:31

32Wasethalaza ukuthi ambone owenze lokhu.Select Mark 5:32

33Kodwa owesifazana esesaba ethuthumela, ekwazi okwenzekileyo kuye, weza wawa phambi kwakhe, wamtshela iqiniso lonke.Select Mark 5:33

34Wasesithi kuye: Ndodakazi, ukholo lwakho lukusindisile; hamba ngokuthula, siliswa esifweni sakho.Select Mark 5:34

35Esakhuluma, kwafika abanye bomphathi wesinagoge, bathi: Indodakazi yakho isifile; usamkhathazelani uMfundisi?Select Mark 5:35

36Kwahle kwathi uJesu esizwa ilizwi elikhulunywayo wathi kumphathi wesinagoge: Ungesabi, kholwa kuphela.Select Mark 5:36

37Futhi kavumelanga muntu ukuthi amlandele, ngaphandle kukaPetro loJakobe loJohane umfowabo kaJakobe.Select Mark 5:37

38Wafika-ke endlini yomphathi wesinagoge, wabona isiphithiphithi, labakhalayo labalilayo kakhulu,Select Mark 5:38

39esengenile wathi kubo: Liphithizelelani, likhala? Umntwana kafanga, kodwa ulele.Select Mark 5:39

40Basebemhleka usulu. Kodwa yena, esebakhuphile bonke, wathatha uyise womntwana omncane lonina lalabo ababelaye, wangena lapho okwakulele khona umntwana omncane.Select Mark 5:40

41Wabamba isandla somntwana omncane, wathi kuye: "Thalitha, kumi"; okuyikuthi ngokuphendulelwa: Wena ntombazana encane, ngithi kuwe, vuka.Select Mark 5:41

42Njalo yahle yavuka intombazana encane, yahamba, ngoba yayileminyaka elitshumi lambili; basebesanganiseka ngokusanganiseka okukhulu.Select Mark 5:42

43Wasebalayisisa kakhulu ukuthi lokhu kungaziwa muntu; wathi kayinikwe ukudla.Select Mark 5:43