8Mark 8

1Ngalezonsuku kwakukhona ixuku elikhulu kakhulu, njalo lalingelakho okokudla, uJesu wabizela kuye abafundi bakhe wathi kubo:Select Mark 8:1

2Ngilesihelo ngexuku; ngoba sebehlezi lami insuku ezintathu, bengelalutho lokudla;Select Mark 8:2

3njalo uba ngibayekela baye emakhaya abo bengadlanga, bazayatha endleleni; ngoba abanye babo bavela khatshana.Select Mark 8:3

4Abafundi bakhe basebemphendula bathi: Zingavela ngaphi izinkwa umuntu angasuthisa ngazo laba lapha enkangala?Select Mark 8:4

5Wasebabuza wathi: Lilezinkwa ezingaki? Basebesithi: Eziyisikhombisa.Select Mark 8:5

6Waselaya ixuku ukuthi lihlale phansi emhlabathini; wasethatha izinkwa eziyisikhombisa, esebongile wazihlephula wazinika abafundi bakhe, ukuthi babeke phambi kwabo; basebebeka phambi kwexuku.Select Mark 8:6

7Njalo babelenhlanzana ezinlutshwana; esebusisile wathi bazibeke lazo phambi kwabo.Select Mark 8:7

8Basebesidla, basutha; basebedobha imvuthu ezazisele, izitsha eziyisikhombisa.Select Mark 8:8

9Lababedlile babengaba zinkulungwane ezine; wasebayekela bahamba.Select Mark 8:9

10Njalo wahle wangena emkhunjini labafundi bakhe, weza kungxenye zeDalmanutha.Select Mark 8:10

11AbaFarisi basebephuma, baqala ukuphikisana laye, befunisisa kuye isibonakaliso esivela ezulwini, bemlinga.Select Mark 8:11

12Wasebubula kakhulu emoyeni wakhe wathi: Lesisizukulwana sidingelani isibonakaliso? Ngiqinisile ngithi kini: Kakulasibonakaliso esizanikwa kulesisizukulwana.Select Mark 8:12

13Wasebatshiya, wangena emkhunjini futhi, wasuka waya ngaphetsheya.Select Mark 8:13

14Kodwa abafundi babekhohliwe ukuthatha izinkwa, njalo bengelalutho emkhunjini ngaphandle kwesinkwa esisodwa.Select Mark 8:14

15Wasebalaya, wathi: Nanzelelani, liqaphele imvubelo yabaFarisi lemvubelo kaHerodi.Select Mark 8:15

16Basebekhulumisana, besithi: Ngoba kasilazinkwa.Select Mark 8:16

17UJesu esekwazi wathi kubo: Kungani likhulumisana ngokuthi kalilazinkwa? Kalikaboni, njalo kaliqedisisi yini? Lokhe lilenhliziyo ezilukhuni yini?Select Mark 8:17

18Lilamehlo kaliboni yini? Futhi lilendlebe kalizwa yini? Njalo kalikhumbuli yini?Select Mark 8:18

19Mhla ngahlephulela abazinkulungwane ezinhlanu izinkwa ezinhlanu, ladobha izitsha ezingaki ezigcwele imvuthu? Bathi kuye: Ezilitshumi lambili.Select Mark 8:19

20Njalo mhla ziyisikhombisa kwabazinkulungwane ezine, ladobha izitsha ezingaki ezigcwele imvuthu? Basebesithi: Eziyisikhombisa.Select Mark 8:20

21Wasesithi kubo: Yinindaba lingaqedisisi?Select Mark 8:21

22Wasefika eBhethisayida. Basebeletha kuye isiphofu, bamncenga ukuthi asithinte.Select Mark 8:22

23Wasebamba isandla sesiphofu, wasikhuphela ngaphandle komzana; esekhafulele emehlweni aso, wabeka izandla zakhe phezu kwaso, wasibuza ukuthi ngabe sibona ulutho.Select Mark 8:23

24Sasesikhangela phezulu sathi: Ngibona abantu behambahamba kungathi yizihlahla.Select Mark 8:24

25Emva kwalokhu wabuya wabeka izandla zakhe phezu kwamehlo aso, wasenza sakhangela phezulu; sasesisiliswa, sabona bonke ngokucacileyo.Select Mark 8:25

26Wasesithuma endlini yaso, wathi: Ungangeni emzaneni, njalo ungatsheli muntu loyedwa emzaneni.Select Mark 8:26

27UJesu wasephuma labafundi bakhe baya emizaneni yeKesariya yeFiliphu; besendleleni wababuza abafundi bakhe, wathi kubo: Abantu bathi ngingubani?Select Mark 8:27

28Basebephendula bathi: UJohane uMbhabhathizi; labanye: UElija; labanye: Omunye wabaprofethi.Select Mark 8:28

29Yena wasesithi kubo: Lina-ke lithi ngingubani? UPetro wasephendula wathi kuye: Wena unguKristu.Select Mark 8:29

30Wasebalayisisa ukuthi bangatsheli muntu ngaye.Select Mark 8:30

31Waseqala ukubafundisa, ukuthi iNdodana yomuntu imele ukuhlupheka izinto ezinengi, ilahlwe ngabadala labapristi abakhulu lababhali, ibulawe, ibuye ivuke emva kwensuku ezintathu.Select Mark 8:31

32Waselikhuluma lelilizwi obala. UPetro wasemthatha waqala ukumkhuza.Select Mark 8:32

33Kodwa etshibilika, wabona abafundi bakhe, wamkhuza uPetro, wathi: Suka ngemva kwami, Sathane; ngoba kawucabangi ngezinto zikaNkulunkulu, kodwa ngezabantu.Select Mark 8:33

34Kwathi esebizele kuye ixuku kanye labafundi bakhe, wathi kubo: Uba umuntu ethanda ukuza ngemva kwami, kazidele, athathe isiphambano sakhe, angilandele.Select Mark 8:34

35Ngoba loba ngubani othanda ukusindisa impilo yakhe, izamlahlekela; kodwa loba ngubani olahlekelwa yimpilo yakhe ngenxa yami levangeli, yena uzayisindisa.Select Mark 8:35

36Ngoba kuzamsizani umuntu, nxa ezuza umhlaba wonke, kodwa alahlekelwe ngumphefumulo wakhe?Select Mark 8:36

37Kumbe umuntu uzanikani kube lihlawulo lomphefumulo wakhe?Select Mark 8:37

38Ngoba loba ngubani olenhloni ngami langamazwi ami kulesisizukulwana esifebayo lesonakeleyo, iNdodana yomuntu layo izakuba lenhloni ngaye, nxa isiza enkazimulweni kaYise kanye lengilosi ezingcwele.Select Mark 8:38