11Matthew 11

1Kwasekusithi uJesu eseqedile ukulaya abafundi bakhe abalitshumi lambili, wasuka lapho ukuyafundisa lokutshumayela emizini yabo.Select Matthew 11:1

2Kwathi uJohane esentolongweni esezwile imisebenzi kaKristu, wathuma ababili babafundi bakhe,Select Matthew 11:2

3wathi kuye: Wena unguye ozayo yini, kumbe silindele omunye?Select Matthew 11:3

4UJesu wasephendula wathi kubo: Hambani limtshele uJohane izinto elizizwayo lelizibonayo:Select Matthew 11:4

5Iziphofu zibuye zibone, leziqhuli ziyahamba, abalobulephero bayahlanjululwa, lezacuthe ziyezwa, abafileyo bayavuswa, labayanga bayatshunyayezwa ivangeli;Select Matthew 11:5

6njalo ubusisiwe loba ngubani ongakhubekiyo ngami.Select Matthew 11:6

7Kwathi labo sebesuka uJesu waqala ukukhuluma emaxukwini ngoJohane wathi: Laphuma laya enkangala ukuyabonani? Umhlanga onyikinywa ngumoya yini?Select Matthew 11:7

8Kanti laphumela ukuyabonani? Umuntu owembethe izembatho ezibuthakathaka yini? Khangelani, abembethe ezibuthakathaka basezindlini zamakhosi.Select Matthew 11:8

9Pho laphumela ukuyabonani? Umprofethi yini? Yebo, ngithi kini: Loba owedlula umprofethi;Select Matthew 11:9

10ngoba lo nguye okulotshwe ngaye ukuthi: Khangela, mina ngiyathuma isithunywa sami phambi kobuso bakho, esizalungisa indlela yakho phambi kwakho.Select Matthew 11:10

11Ngiqinisile ngithi kini: Kakuvelanga phakathi kwabazelwe ngabesifazana omkhulu kuloJohane uMbhabhathizi. Kodwa omncinyane embusweni wamazulu mkhulu kulaye.Select Matthew 11:11

12Njalo kusukela ensukwini zikaJohane uMbhabhathizi kuze kube khathesi umbuso wamazulu uphathwa ngodlakela, labalodlakela bawuthatha ngamandla.Select Matthew 11:12

13Ngoba abaprofethi bonke lomlayo baprofetha kwaze kwaba nguJohane;Select Matthew 11:13

14njalo uba livuma ukukwemukela, lo unguElija obezakuza.Select Matthew 11:14

15Olendlebe zokuzwa, akezwe.Select Matthew 11:15

16Kodwa ngizasifananisa lani lesisizukulwana? Sifanana labantwana abahlezi emamakethe, bememeza kubangane babo,Select Matthew 11:16

17besithi: Salitshayela umhlanga, kodwa kalisinanga; salililela, kodwa kalikhalanga.Select Matthew 11:17

18Ngoba uJohane wafika engadli enganathi, basebesithi: Uledimoni.Select Matthew 11:18

19INdodana yomuntu yafika isidla inatha, basebesithi: Khangelani, umuntu oligovu lesinathi sewayini, umngane wabathelisi lezoni. Kodwa inhlakanipho ithiwa ilungile ngabantwana bayo.Select Matthew 11:19

20Waseqala ukusola imizi okwakwenziwe phakathi kwayo ubunengi bemisebenzi yakhe yamandla, ngoba ingaphendukanga, wathi:Select Matthew 11:20

21Maye kuwe, Korazini! Maye kuwe, Bhethisayida! Ngoba uba kwakwenziwe eTire leSidoni imisebenzi yamandla eyenziwe kini, ngabe kade baphenduka emasakeni lemlotheni.Select Matthew 11:21

22Kodwa ngithi kini: Kuzakuba ngcono eTire leSidoni ngosuku lwesigwebo kulakini.Select Matthew 11:22

23Lawe, Kapenawume, ophakanyiselwe ezulwini, uzaphoselwa phansi esihogweni; ngoba uba yayenziwe eSodoma imisebenzi yamandla eyenziwe kuwe, ngabe basekhona kuze kube lamuhla.Select Matthew 11:23

24Kodwa ngithi kini: Kuzakuba ngcono kulizwe leSodoma ngosuku lwesigwebo, kulakuwe.Select Matthew 11:24

25Ngalesosikhathi uJesu waphendula wathi: Ngiyakubonga, Baba, Nkosi yezulu lomhlaba, ngoba uzifihlile lezizinto kwabahlakaniphileyo labaqedisisayo, kodwa wazembulela izingane;Select Matthew 11:25

26yebo Baba, ngoba ngokunjalo kwaba kuhle phambi kwakho.Select Matthew 11:26

27Konke kwanikelwa kimi nguBaba; njalo kakho oyaziyo iNdodana, ngaphandle kukaYise; kakho futhi omaziyo uYise ngaphandle kweNdodana, njalo loba ngubani iNdodana ethanda ukumembulela.Select Matthew 11:27

28Wozani kimi lonke elikhatheleyo lelisindiweyo, njalo mina ngizaliphumuza.Select Matthew 11:28

29Thathani ijogwe lami lilibeke phezu kwenu lifunde kimi, ngoba ngimnene ngithobekile enhliziyweni; njalo lizathola ukuphumula emiphefumulweni yenu;Select Matthew 11:29

30ngoba ijogwe lami libutshelezi, lomthwalo wami ulula.Select Matthew 11:30