14Matthew 14

1Ngalesosikhathi uHerodi umtetrarki* wezwa indumela kaJesu,Select Matthew 14:1

2wasesithi ezincekwini zakhe: Lo nguJohane uMbhabhathizi; yena uvukile kwabafileyo, kungakho-ke imisebenzi yamandla isebenza kuye.Select Matthew 14:2

3Ngoba uHerodi wayembambile uJohane wambopha wamfaka entolongweni, ngenxa kaHerodiyasi umkaFiliphu umfowabo;Select Matthew 14:3

4ngoba uJohane wayethe kuye: Kawuvunyelwa ukuba laye.Select Matthew 14:4

5Njalo efuna ukumbulala, wesaba ixuku, ngoba lalimphatha njengomprofethi.Select Matthew 14:5

6Kodwa kwathi kugcinwa usuku lokuzalwa kukaHerodi, indodakazi kaHerodiyasi yagida phakathi kwabo, yamthokozisa uHerodi.Select Matthew 14:6

7Ngakho wathembisa ngesifungo ukuyinika loba yini ezayicela.Select Matthew 14:7

8Kodwa yona, isilayiwe ngunina, yathi: Ngiphe lapha emganwini ikhanda likaJohane uMbhabhathizi.Select Matthew 14:8

9Inkosi yasisiba losizi, kodwa ngenxa yezifungo langalabo ababehlezi layo ekudleni yalaya ukuthi inikwe.Select Matthew 14:9

10Yasithuma yamquma uJohane ikhanda entolongweni.Select Matthew 14:10

11Ikhanda lakhe laselilethwa ngomganu, lanikwa intombi; njalo yona yalisa kunina.Select Matthew 14:11

12Kwasekusiza abafundi bakhe bathatha isidumbu, basingcwaba; basebesuka bambikela uJesu.Select Matthew 14:12

13UJesu esezwile wasuka lapho ngomkhumbi waya endaweni eyinkangala eyedwa; kodwa amaxuku ekuzwa amlandela ngenyawo evela emizini.Select Matthew 14:13

14UJesu esephumile wabona ixuku elikhulu, waba lesihelo ngabo, wasilisa abagulayo babo.Select Matthew 14:14

15Kwathi sekuhlwile abafundi bakhe beza kuye, bathi: Lindawo iyinkangala, lesikhathi sesihambile; liyekele ixuku lihambe, ukuze baye emizaneni bazithengele ukudla.Select Matthew 14:15

16Kodwa uJesu wathi kubo: Kakuswelekanga ukuthi bahambe; banikeni lina ukuthi badle.Select Matthew 14:16

17Kodwa bathi kuye: Kasila lapha ngaphandle kwezinkwa ezinhlanu lenhlanzi ezimbili.Select Matthew 14:17

18Wasesithi: Ziletheni lapha kimi.Select Matthew 14:18

19Waselaya amaxuku ukuthi ahlale phansi etshanini, wathatha izinkwa ezinhlanu lenhlanzi ezimbili, wakhangela phezulu ezulwini, wabusisa, esezihlephule wabanika abafundi izinkwa, labafundi bapha amaxuku.Select Matthew 14:19

20Basebesidla bonke, basutha; badobha imvuthu ezazisele, izitsha ezigcweleyo ezilitshumi lambili.Select Matthew 14:20

21Lalabo abasebedlile babengamadoda angaba zinkulungwane ezinhlanu, ngaphandle kwabesifazana labantwana.Select Matthew 14:21

22Njalo uJesu wahle wacindezela abafundi bakhe ukuthi bangene emkhunjini, njalo bamqalele ukuya ngaphetsheya, esayekela amaxuku ahambe.Select Matthew 14:22

23Kwathi eseyekele amaxuku ahamba, wenyukela entabeni eyedwa ukuze akhuleke; kwathi sekuhlwile, wayeyedwa lapho.Select Matthew 14:23

24Kodwa umkhumbi wawusuphakathi kolwandle, utshukunyiswa ngamagagasi; ngoba umoya wawuphambene labo.Select Matthew 14:24

25Kwathi ngesikhathi somlindo wesine wobusuku uJesu weza kubo, ehamba phezu kolwandle.Select Matthew 14:25

26Kodwa kwathi abafundi bembona ehamba phezu kolwandle bethuka, bathi: Lithonga. Basebekhala ngokwesaba.Select Matthew 14:26

27Kodwa uJesu wahle wakhuluma labo, wathi: Manini isibindi; yimi; lingesabi.Select Matthew 14:27

28UPetro wasemphendula wathi: Nkosi, uba kunguwe, ngilaya ukuthi ngize kuwe phezu kwamanzi.Select Matthew 14:28

29Wasesithi: Woza. UPetro wasesehla emkhunjini wahamba phezu kwamanzi, ukuze aye kuJesu.Select Matthew 14:29

30Kodwa ebona umoya olamandla wesaba; wathi eseqala ukutshona wakhala, wathi: Nkosi, ngisindisa!Select Matthew 14:30

31Njalo uJesu wahle welula isandla, wambamba, wathi kuye: Wena olokukholwa okuncinyane, uthandabuzelani?Select Matthew 14:31

32Sebengenile emkhunjini, umoya wathula.Select Matthew 14:32

33Abasemkhunjini basebesiza bamkhonza bathi: Ngeqiniso wena uyiNdodana kaNkulunkulu.Select Matthew 14:33

34Kwathi sebechaphile bafika elizweni leGenesaretha.Select Matthew 14:34

35Esemazi amadoda akuleyondawo athumela ilizwi kuso sonke lesosigaba esizingelezeleyo, aletha kuye bonke abagulayo.Select Matthew 14:35

36Basebemncenga, ukuthi bathinte nje umphetho wesembatho sakhe; njalo bonke abathintayo basiliswa.Select Matthew 14:36