15Matthew 15

1Kwasekufika kuJesu ababhali labaFarisi ababevela eJerusalema, bathi:Select Matthew 15:1

2Kungani abafundi bakho besephula isiko labadala? Ngoba kabagezi izandla zabo, nxa besidla isinkwa.Select Matthew 15:2

3Kodwa waphendula wathi kubo: Lani-ke kungani lisephula umlayo kaNkulunkulu ngenxa yesiko lenu?Select Matthew 15:3

4Ngoba uNkulunkulu walaya, wathi: Hlonipha uyihlo lonyoko; lokuthi: Othuka uyise kumbe unina kumele afe lokufa;Select Matthew 15:4

5kodwa lina lithi: Loba ngubani othi kuyise kumbe kunina: Kungumnikelo, loba yini evela kimi ingakusiza,Select Matthew 15:5

6njalo engasoze amhloniphe uyise kumbe unina; ngalokho lenza umlayo kaNkulunkulu ube yize ngenxa yesiko lenu.Select Matthew 15:6

7Bazenzisi, uIsaya waprofetha kuhle ngani, esithi:Select Matthew 15:7

8Lababantu basondela kimi ngomlomo wabo, langendebe bangidumise; kodwa inhliziyo yabo ikhatshana lami.Select Matthew 15:8

9Kodwa bangikhonza ngeze, befundisa izimfundiso eziyimilayo yabantu.Select Matthew 15:9

10Esebizele kuye ixuku, wathi kilo: Lalelani futhi liqedisise.Select Matthew 15:10

11Kakusikho okungena emlonyeni okungcolisa umuntu; kodwa okuphuma emlonyeni, yikho okungcolisa umuntu.Select Matthew 15:11

12Abafundi bakhe basebesondela bathi kuye: Uyazi yini ukuthi abaFarisi bathe ukulizwa lelilizwi bakhubeka?Select Matthew 15:12

13Kodwa waphendula wathi: Sonke isihlahlakazana, uBaba osezulwini angasihlanyelanga, sizasitshunwa.Select Matthew 15:13

14Bayekeleni; bangabakhokheli beziphofu abayiziphofu; njalo nxa isiphofu sikhokhela isiphofu, zizawela emgodini zombili.Select Matthew 15:14

15UPetro wasephendula wathi kuye: Sichasisele lumfanekiso.Select Matthew 15:15

16UJesu wasesithi: Kanti lani lisengabangelakuqedisisa?Select Matthew 15:16

17Lilokhe lingaqedisisi yini, ukuthi konke okungena emlonyeni kuya esiswini, futhi kuyelahlelwa ngaphandle?Select Matthew 15:17

18Kodwa izinto eziphuma emlonyeni zivela enhliziyweni; lezi ziyamngcolisa umuntu.Select Matthew 15:18

19Ngoba enhliziyweni kuvela imicabango emibi, ukubulala, ubufebe, ukuphinga, ukweba, ukufakaza amanga, ukuhlambaza;Select Matthew 15:19

20yizo lezozinto ezimngcolisayo umuntu; kodwa ukudla ngezandla ezingagezwanga kakumngcolisi umuntu.Select Matthew 15:20

21UJesu wasesuka lapho, waya kungxenye zeTire lezeSidoni.Select Matthew 15:21

22Njalo khangela, owesifazana ongumKhanani ovela kuleyomikhawulo, wakhala kuye esithi: Nkosi, Ndodana kaDavida, akungihawukele! Indodakazi yami ihlaselwe kubi lidimoni.Select Matthew 15:22

23Kodwa kamphendulanga ngalizwi. Basebesondela kuye abafundi bakhe bamncenga, bathi: Mxotshe, ngoba uyakhala ngemva kwethu.Select Matthew 15:23

24Kodwa waphendula wathi: Kangithunywanga, ngaphandle kuzo izimvu ezilahlekileyo zendlu yakoIsrayeli.Select Matthew 15:24

25Kodwa weza wamkhonza wathi: Nkosi, ngisize.Select Matthew 15:25

26Kodwa waphendula wathi: Kakukuhle ukuthatha isinkwa sabantwana, lokusiphosela izinjana.Select Matthew 15:26

27Kodwa yena wathi: Yebo, Nkosi, kodwa lezinjana ziyadla okwemvuthuluka eziwa etafuleni labaninizo.Select Matthew 15:27

28UJesu wasephendula wathi kuye: O mama, lukhulu ukholo lwakho! Kakube kuwe njengokuthanda kwakho. Indodakazi yakhe yasisila kusukela kulelohola.Select Matthew 15:28

29UJesu wasesuka lapho weza eduzane kolwandle lweGalili; wenyukela entabeni wahlala phansi khona.Select Matthew 15:29

30Kwasekusiza kuye amaxuku amakhulu, beleziqhuli, iziphofu, izimungulu, izingini, labanye abanengi, basebebaphosela enyaweni zikaJesu, wasebasilisa;Select Matthew 15:30

31aze amangala amaxuku, ebona izimungulu zikhuluma, izingini ziphilile, iziqhuli zihamba, leziphofu zibona; basebemdumisa uNkulunkulu kaIsrayeli.Select Matthew 15:31

32UJesu wasebizela kuye abafundi bakhe wathi: Ngilesihelo ngexuku, ngoba sebelami insuku ezintathu, bengelalutho lokudla; njalo kangithandi ukuthi ngibayekele bahambe bengadlanga, hlezi bayathe endleleni.Select Matthew 15:32

33Abafundi bakhe basebesithi kuye: Sizazuza ngaphi enkangala izinkwa ezinengi kangaka, ukuthi zisuthise ixuku elikhulu kangaka?Select Matthew 15:33

34UJesu wasesithi kubo: Lilezinkwa ezingaki? Basebesithi: Eziyisikhombisa, lenhlanzana ezinlutshwana.Select Matthew 15:34

35Waselaya amaxuku ukuthi ahlale phansi emhlabathini.Select Matthew 15:35

36Wasethatha izinkwa eziyisikhombisa lenhlanzi, esebongile wazihlephula, wazinika abafundi bakhe, labafundi ixuku.Select Matthew 15:36

37Basebesidla bonke basutha; basebedobha imvuthu ezazisele, izitsha eziyisikhombisa zigcwele.Select Matthew 15:37

38Lalabo abadlayo babengamadoda azinkulungwane ezine, ngaphandle kwabesifazana labantwana.Select Matthew 15:38

39Eseyekele amaxuku ahamba wangena emkhunjini, weza emikhawulweni yeMagadala.Select Matthew 15:39