17Matthew 17

1Lemva kwensuku eziyisithupha uJesu wathatha uPetro loJakobe loJohane umfowabo, wasekhwela labo entabeni ende bebodwa.Select Matthew 17:1

2Waseguqulwa isimo phambi kwabo, njalo ubuso bakhe bakhanya njengelanga, lezembatho zakhe zaba mhlophe njengokukhanya.Select Matthew 17:2

3Futhi khangela, kwasekubonakala kubo uMozisi loElija, bekhuluma laye.Select Matthew 17:3

4UPetro wasephendula wathi kuJesu: Nkosi, kuhle ukuthi sibe lapha. Uba uthanda, asakhe lapha amadumba amathathu, elinye ngelakho, lelinye ngelikaMozisi, lelinye ngelikaElija.Select Matthew 17:4

5Kwathi esakhuluma, khangela, iyezi elikhanyayo labasibekela; futhi khangela, ilizwi laphuma eyezini, lisithi: Lo uyiNdodana yami ethandekayo, engithokoza ngayo; zwanini yona.Select Matthew 17:5

6Sebezwile abafundi, bawa phansi ngobuso babo, besaba kakhulu.Select Matthew 17:6

7Kodwa uJesu weza wabathinta wathi: Sukumani lingesabi.Select Matthew 17:7

8Sebephakamisile amehlo abo, kababonanga muntu, ngaphandle kukaJesu yedwa.Select Matthew 17:8

9Sebesehla entabeni, uJesu wabalaya, wathi: Lingatsheli muntu lowombono, ize ivuke kwabafileyo iNdodana yomuntu.Select Matthew 17:9

10Abafundi bakhe basebembuza bathi: Pho batsholoni ababhali ukuthi uElija ufanele ukufika kuqala?Select Matthew 17:10

11UJesu wasephendula wathi kubo: UElija uzafika kuqala isibili, uzabuyisela zonke izinto;Select Matthew 17:11

12kodwa ngitsho kini ukuthi uElija sewafika, kodwa kabamazanga, kodwa benza kuye konke ababekuthanda; ngokunjalo leNdodana yomuntu izahlutshwa yibo.Select Matthew 17:12

13Abafundi basebeqedisisa ukuthi wakhuluma labo ngoJohane uMbhabhathizi.Select Matthew 17:13

14Kwathi sebefikile exukwini, kweza kuye umuntu waguqa phambi kwakhe wathi:Select Matthew 17:14

15Nkosi, akuhawukele indodana yami, ngoba ilesithuthwane iyahlupheka kakhulu; ngoba iwele kanengi emlilweni, futhi kanengi emanzini.Select Matthew 17:15

16Njalo ngiyilethe kubafundi bakho, kodwa bebengelakho ukuyisilisa.Select Matthew 17:16

17UJesu wasephendula wathi: O sizukulwana esingelakholo lesonakeleyo, koze kube nini ngilani? Koze kube nini ngilibekezelela? Mletheni kimi lapha.Select Matthew 17:17

18UJesu waselikhuza, idimoni laseliphuma kuyo, umntwana wasesila kusukela kulelohola.Select Matthew 17:18

19Abafundi basebesiza kuJesu bebodwa bathi: Kungani thina sehlulekile ukulikhupha?Select Matthew 17:19

20UJesu wasesithi kubo: Kungenxa yokungakholwa kwenu. Ngoba ngiqinisile ngithi kini: Aluba lilokholo olunjengohlamvu lwemasitedi, lizakuthi kulintaba: Suka lapha uye laphaya; njalo izasuka; futhi kaliyikwehlulwa lutho.Select Matthew 17:20

21Kodwa loluhlobo kaluphumi ngaphandle kwangomkhuleko langokuzila ukudla.Select Matthew 17:21

22Besahlezi eGalili, uJesu wathi kubo: INdodana yomuntu isizanikelwa ezandleni zabantu,Select Matthew 17:22

23njalo bazayibulala, kodwa ngosuku lwesithathu izavuswa. Basebedabuka kakhulu.Select Matthew 17:23

24Kwathi sebefikile eKapenawume, abemukela umthelo beza kuPetro bathi: Umfundisi wenu katheli yini?Select Matthew 17:24

25Wathi: Yebo. Esengenile endlini, uJesu wamandulela wathi: Ucabangani, Simoni? Amakhosi omhlaba emukela kubani imfanelo kumbe imithelo? Kumadodana abo yini, kumbe kwabezizwe?Select Matthew 17:25

26UPetro wathi kuye: Kwabezizwe. UJesu wathi kuye: Ngakho-ke amadodana akhululekile.Select Matthew 17:26

27Kodwa-ke ukuze singabakhubekisi, hamba uye elwandle uphose ingwegwe, uthathe inhlanzi ezaphuma kuqala; kuzakuthi usuvule umlomo wayo uzathola imali; uyithathe ubanike ibe ngeyami leyakho.Select Matthew 17:27