25Matthew 25

1Ngalesosikhathi umbuso wamazulu uzafananiswa lentombi ezilitshumi ezathatha izibane zazo zaphuma ukuhlangabeza umyeni.Select Matthew 25:1

2Njalo ezinhlanu zazo zazihlakaniphile, lezinhlanu zaziyizithutha.Select Matthew 25:2

3Eziyizithutha zathatha izibane zazo, kazithathanga amafutha kanye lazo;Select Matthew 25:3

4kodwa ezihlakaniphileyo zathatha amafutha ezitsheni kanye lezibane zazo.Select Matthew 25:4

5Kwathi umyeni esephuzile, zawozela zonke zalala ubuthongo.Select Matthew 25:5

6Kodwa phakathi kobusuku kwamenyezwa: Khangelani, umyeni uyeza, phumani liyemhlangabeza!Select Matthew 25:6

7Zasezivuka lezontombi zonke, zalungisa izibane zazo.Select Matthew 25:7

8Eziyizithutha zasezisithi kwezihlakaniphileyo: Sipheni okwamafutha enu, ngoba izibane zethu ziyacitsha.Select Matthew 25:8

9Kodwa ezihlakaniphileyo zaphendula, zathi: Hlezi angaseneli thina lani; kodwa kungcono ukuthi lihambe liye kwabathengisayo lizithengele.Select Matthew 25:9

10Kwathi zisiyathenga, weza umyeni. Ezasezilungile zasezingena laye emtshadweni, kwasekuvalwa umnyango.Select Matthew 25:10

11Kwathi emva kwalokho zafika lalezontombi ezinye, zathi: Nkosi, Nkosi, sivulele!Select Matthew 25:11

12Kodwa yena waphendula wathi: Ngiqinisile ngithi kini: Angilazi lina.Select Matthew 25:12

13Ngakho lindani, ngoba kalilwazi usuku lehola iNdodana yomuntu efika ngalo.Select Matthew 25:13

14Ngoba kunjengomuntu owaya kwelinye ilizwe wabiza inceku zakhe, wazinika impahla zakhe;Select Matthew 25:14

15kwathi enye wayinika amathalenta* amahlanu, lenye amabili, lenye lalinye, kwaba yileyo laleyo njengamandla ayo; njalo wahle wasuka.Select Matthew 25:15

16Leyo eyayemukele amathalenta amahlanu yasihamba yathengiselana ngawo, yenza amanye amathalenta amahlanu.Select Matthew 25:16

17Ngokunjalo laleyo elamabili, layo yazuza amanye amabili.Select Matthew 25:17

18Kodwa leyo eyayemukele elilodwa yasuka yagebha emhlabathini yayifihla imali yenkosi yayo.Select Matthew 25:18

19Kwathi emva kwesikhathi eside inkosi yalezozinceku yafika, yasilandiselana lazo.Select Matthew 25:19

20Kwasekusiza eyayemukele amathalenta amahlanu yaletha amanye amathalenta amahlanu, yathi: Nkosi, wanginika amathalenta amahlanu; khangela, ngizuzile amanye amathalenta amahlanu phezu kwawo.Select Matthew 25:20

21Inkosi yayo yasisithi kiyo: Kuhle, nceku elungileyo lethembekileyo, ubuthembekile ezintweni ezinlutshwana, ngizakubeka phezu kwezinengi; ngena entokozweni yenkosi yakho.Select Matthew 25:21

22Kwasekusiza laleyo eyayemukele amathalenta amabili yathi: Nkosi, wanginika amathalenta amabili; khangela, ngizuzile amanye amathalenta amabili phezu kwawo.Select Matthew 25:22

23Inkosi yayo yathi kiyo: Kuhle, nceku elungileyo lethembekileyo, ubuthembekile ezintweni ezinlutshwana, ngizakubeka phezu kwezinengi; ngena entokozweni yenkosi yakho.Select Matthew 25:23

24Kodwa kweza laleyo eyayemukele ithalenta elilodwa yathi: Nkosi, bengikwazi wena ukuthi ungumuntu olukhuni, uvuna lapho ongahlanyelanga khona, njalo ubutha lapho ongahlakazanga khona;Select Matthew 25:24

25ngasengisesaba, ngasuka ngalifihla ithalenta lakho emhlabathini; khangela, ulokwakho.Select Matthew 25:25

26Kodwa inkosi yayo yaphendula yathi kiyo: Nceku embi lelivila, ubusazi ukuthi ngivuna lapho engingahlanyelanga khona, njalo ngibutha lapho engingahlakazanga khona;Select Matthew 25:26

27ngakho ngabe ubekile imali yami ebhanga, njalo ekufikeni kwami ngabe ngemukele okwami lenzuzo.Select Matthew 25:27

28Ngakho mthatheleni ithalenta, lilinike yena olamathalenta alitshumi.Select Matthew 25:28

29Ngoba wonke olakho uzaphiwa, uzakwengezelelwa; kodwa ongelakho uzathathelwa lalokho alakho.Select Matthew 25:29

30Laleyonceku engasizi lutho iphoseleni emnyameni ongaphandle; kuzakuba khona lapho ukukhala lokugedla amazinyo.Select Matthew 25:30

31Njalo nxa isiza iNdodana yomuntu ngobukhosi bayo, lengilosi ezingcwele zonke laye, khona izahlala esihlalweni sobukhosi sodumo lwayo,Select Matthew 25:31

32kuzabuthelwa phambi kwayo izizwe zonke, njalo izabehlukanisa abanye kwabanye, njengomelusi esehlukanisa izimvu embuzini;Select Matthew 25:32

33ibisibeka izimvu ngakwesokunene sayo, kodwa imbuzi ngakwesokhohlo.Select Matthew 25:33

34Khona-ke iNkosi izakuthi kubo abangakwesokunene sayo: Wozani, lina elibusisiweyo nguBaba, lidle ilifa lombuso eliwulungiselweyo kusukela ekusekelweni komhlaba.Select Matthew 25:34

35Ngoba ngangilambile, langinika ukudla; ngangomile, langinathisa; ngangingowemzini, langemukela;Select Matthew 25:35

36ngangize, langigqokisa; ngangigula, leza ukungibona; ngangisentolongweni, leza kimi.Select Matthew 25:36

37Khona abalungileyo bezayiphendula, besithi: Nkosi, sakubona nini ulambile, njalo sakunika ukudla, kumbe womile, njalo sakunathisa?Select Matthew 25:37

38Njalo sakubona nini ungowemzini, futhi sakwemukela, kumbe uze, futhi sakugqokisa?Select Matthew 25:38

39Njalo sakubona nini ugula, loba usentolongweni, njalo seza kuwe?Select Matthew 25:39

40Futhi iNkosi izaphendula ithi kubo: Ngiqinisile ngithi kini: Njengoba likwenzile komunye walaba abazalwane bami abancinyane, likwenzile kimi.Select Matthew 25:40

41Ngalesosikhathi izakuthi njalo kubo abangakwesokhohlo: Sukani kimi, lina eliqalekisiweyo, liye emlilweni olaphakade, olungiselwe udiyabhola lengilosi zakhe.Select Matthew 25:41

42Ngoba ngangilambile, kodwa kalinginikanga ukudla; ngangomile, kodwa kalinginathisanga;Select Matthew 25:42

43ngangingowemzini, kodwa kalingemukelanga; ngangize, kodwa kalingigqokisanga; ngangigula, ngangisentolongweni, kodwa kalizanga ukungibona.Select Matthew 25:43

44Khona lalaba bezamphendula, besithi: Nkosi, sakubona nini ulambile, loba womile, loba ungowemzini, loba uze, loba ugula, loba usentolongweni, kodwa kasakusiza?Select Matthew 25:44

45Isizabaphendula, ithi: Ngiqinisile ngithi kini: Njengoba lingakwenzanga komunye walaba abancinyane, kalikwenzanga lakimi.Select Matthew 25:45

46Lalaba bazakuya ekujezisweni okulaphakade; kodwa abalungileyo empilweni elaphakade.Select Matthew 25:46