26Matthew 26

1Kwasekusithi uJesu eseqedile wonke lamazwi, wathi kubafundi bakhe:Select Matthew 26:1

2Liyazi ukuthi emva kwensuku ezimbili kuzakuba liphasika, leNdodana yomuntu izanikelwa ukuze ibethelwe.Select Matthew 26:2

3Kwasekubuthana abapristi abakhulu lababhali labadala babantu egumeni lompristi omkhulu othiwa nguKayafasi,Select Matthew 26:3

4basebecebisana ukuthi bambambe uJesu ngobuqili bambulale.Select Matthew 26:4

5Kodwa bathi: Kungabi ngomkhosi, ukuthi kungabi khona isiphithiphithi ebantwini.Select Matthew 26:5

6Kwathi uJesu eseBethani endlini kaSimoni umlephero,Select Matthew 26:6

7kwafika kuye owesifazana ephethe umfuma we-alibasta* ulamagcobo aligugu elikhulu, wasewuthululela ekhanda lakhe ehlezi ekudleni.Select Matthew 26:7

8Kodwa abafundi bebona lokhu bathukuthela, bathi: Ngokwani ukumotsha lokhu?Select Matthew 26:8

9Ngoba la amagcobo angathengiswa ngokunengi, besekunikwa abayanga.Select Matthew 26:9

10Kodwa uJesu ekwazi wathi kubo: Limhluphelani owesifazana? Ngoba wenzile umsebenzi omuhle kimi;Select Matthew 26:10

11ngoba abayanga lihlala lilabo, kodwa mina kalihlali lilami.Select Matthew 26:11

12Ngoba ngokuthululela la amagcobo emzimbeni wami, ukwenzele umngcwabo wami.Select Matthew 26:12

13Ngiqinisile ngithi kini: Loba ngaphi emhlabeni wonke lapho okuzatshunyayelwa khona lelivangeli, lalokho akwenzileyo kuzakhulunywa ngakho, kube yisikhumbuzo ngaye.Select Matthew 26:13

14Omunye wabalitshumi lambili, othiwa nguJudasi Iskariyothi, wasesiya kubapristi abakhulu,Select Matthew 26:14

15wathi: Livuma ukunginikani, mina-ke ngizamnikela kini? Basebevumelana laye ngenhlamvu zesiliva ezingamatshumi amathathu.Select Matthew 26:15

16Njalo kusukela lapho wadinga ithuba elihle lokumnikela.Select Matthew 26:16

17Kwathi ngolokuqala lwesinkwa esingelamvubelo abafundi beza kuJesu, besithi kuye: Uthanda ukuthi sikulungisele ngaphi ukuthi udle iphasika?Select Matthew 26:17

18Wasesithi: Hambani liye emzini kumuntu othile, lithi kuye: UMfundisi uthi: Isikhathi sami sesiseduze; ngizakwenza iphasika kwakho kanye labafundi bami.Select Matthew 26:18

19Benza-ke abafundi njengoba uJesu ebalayile, basebelungisa iphasika.Select Matthew 26:19

20Kwathi sekuhlwile wayehlezi labalitshumi lambili.Select Matthew 26:20

21Bathi besidla wathi: Ngiqinisile ngithi kini: Omunye wenu uzanginikela.Select Matthew 26:21

22Basebedabuka kakhulu baqala ukuthi kuye ngamunye wabo: Nkosi, ayisimi, akunjalo yini?Select Matthew 26:22

23Wasephendula wathi: Ofaka isandla sakhe kanye lami emganwini, nguye ozanginikela.Select Matthew 26:23

24Sibili iNdodana yomuntu ihamba, njengokulotshiweyo ngayo; kodwa maye kulowomuntu iNdodana yomuntu enikelwa nguye! Bekungakuhle kuye aluba lowomuntu wayengazalwanga.Select Matthew 26:24

25Wasephendula uJudasi owamnikelayo wathi: Rabi*, ayisimi, akunjalo yini? Wathi kuye: Utshilo wena.Select Matthew 26:25

26Kwathi besidla, uJesu wathatha isinkwa, wasesibusisa, wasihlephula wabanika abafundi, wathi: Thathani, lidle; lokhu kungumzimba wami.Select Matthew 26:26

27Wasethatha inkezo, wabonga, wabanika, esithi: Nathani lonke kuyo;Select Matthew 26:27

28ngoba lokhu kuligazi lami, elesivumelwano esitsha, elichithelwa abanengi kukho ukuthethelelwa kwezono.Select Matthew 26:28

29Kodwa ngithi kini: Kusukela khathesi kangiyikunatha okwalesisithelo sevini, kuze kufike lolosuku lapho ngizasinatha lani sisitsha embusweni kaBaba.Select Matthew 26:29

30Kwathi sebehlabele ingoma yokudumisa baphuma baya entabeni yeMihlwathi.Select Matthew 26:30

31UJesu wasesithi kubo: Lina lonke lizakhubeka ngami ngalobubusuku; ngoba kulotshiwe ukuthi: Ngizatshaya umelusi, izimvu zomhlambi besezihlakazeka.Select Matthew 26:31

32Kodwa emva kokuvuswa kwami, ngizalandulela ukuya eGalili.Select Matthew 26:32

33Kodwa uPetro waphendula wathi kuye: Lanxa bonke bezakhubeka ngawe, mina angisoze ngikhubeke.Select Matthew 26:33

34UJesu wathi kuye: Ngiqinisile ngithi kuwe: Ngalobubusuku, lingakakhali iqhude, uzangiphika kathathu.Select Matthew 26:34

35UPetro wathi kuye: Loba kudingeka ngife lawe, angisoze ngikuphike. Basebesitsho njalo bonke abafundi.Select Matthew 26:35

36UJesu wasefika labo endaweni ethiwa yiGetsemane, wasesithi kubafundi: Hlalani phansi lapha, ngisayakhuleka laphaya.Select Matthew 26:36

37Wasethatha kanye laye uPetro lamadodana amabili kaZebediya, waqala ukudabuka lokukhathazeka kakhulu.Select Matthew 26:37

38Wasesithi kubo: Umphefumulo wami udabukile kakhulu kuze kube sekufeni; hlalani lapha lilinde lami.Select Matthew 26:38

39Waseqhubeka ibangana, wawa ngobuso bakhe wakhuleka wathi: Baba, uba kungenzeka, kakudlule kimi linkezo; kodwa kungabi njengoba ngithanda mina, kodwa njengoba uthanda wena.Select Matthew 26:39

40Wasesiza kubafundi, wabafica belele, wathi kuPetro: Kanti belingelinde lami ihola ibenye?Select Matthew 26:40

41Lindani likhuleke, ukuze lingangeni ekulingweni; umoya isibili uyavuma, kodwa inyama ibuthakathaka.Select Matthew 26:41

42Wabuya wasuka ngokwesibili wakhuleka, wathi: Baba, uba inkezo le ingedlule kimi, ngaphandle kokuthi ngiyinathe, kayenziwe intando yakho.Select Matthew 26:42

43Wasebuya wabafica futhi belele, ngoba amehlo abo ayenzima.Select Matthew 26:43

44Wasebatshiya wahamba futhi wakhuleka ngokwesithathu, esitsho wona lawomazwi.Select Matthew 26:44

45Wasesiza kubafundi bakhe, wathi kubo: Qhubekani lilele, liphumule; khangelani, isikhathi sesisondele, futhi iNdodana yomuntu iyanikelwa ezandleni zezoni.Select Matthew 26:45

46Sukumani, sihambe; khangelani, onginikelayo useduze.Select Matthew 26:46

47Kwathi esakhuluma, khangela, kwafika uJudasi, omunye wabalitshumi lambili, lexuku elikhulu lilaye elilezinkemba lezinduku, livela kubapristi abakhulu labadala babantu.Select Matthew 26:47

48Laye omnikelayo wayebanike isiboniso, esithi: Lowo engizamanga, nguye; limbambe.Select Matthew 26:48

49Njalo wahle wasondela kuJesu wathi: Mpilo enhle, Rabi! Wasemanga.Select Matthew 26:49

50UJesu wasesithi kuye: Mngane, ulandeni? Basebesondela bamdumela uJesu ngezandla, bambamba.Select Matthew 26:50

51Futhi khangela, omunye walabo ababeloJesu welula isandla, wakhokha inkemba yakhe, wagadla inceku yompristi omkhulu waquma indlebe yayo.Select Matthew 26:51

52UJesu wasesithi kuye: Buyisela inkemba yakho endaweni yayo; ngoba bonke abaphatha inkemba bazabhubha ngenkemba.Select Matthew 26:52

53Kumbe ucabanga ukuthi ngingemcele uBaba yini khathesi, futhi anginike amabutho amakhulu ezingilosi edlula itshumi lambili?Select Matthew 26:53

54Pho ingagcwaliseka njani imibhalo, ukuthi kumele ukuthi kube njalo?Select Matthew 26:54

55Ngalelohola uJesu wathi emaxukwini: Liphume njengokuyamelana lomphangi yini lilezinkemba lezinduku ukuzangibamba? Bengihlezi insuku ngensuku ethempelini ngifundisa, kodwa kalingibambanga.Select Matthew 26:55

56Kodwa konke lokhu kwenzakele, ukuze kugcwaliseke imibhalo yabaprofethi. Basebemtshiya bonke abafundi babaleka.Select Matthew 26:56

57Lababembambile uJesu bamqhuba bamusa kuKayafasi umpristi omkhulu, lapho ababebuthene khona ababhali labadala.Select Matthew 26:57

58Kodwa uPetro wamlandela ekhatshana, kwaze kwaba segumeni lompristi omkhulu, njalo wangena phakathi wahlala phansi lezinceku, ukuze abone isicino.Select Matthew 26:58

59Njalo abapristi abakhulu labadala lomphakathi wonke badinga ubufakazi bamanga obumelana loJesu, ukuze bambulale,Select Matthew 26:59

60kodwa kababutholanga; lanxa kwavela abafakazi abanengi bamanga, ababutholanga. Kwathi emva kwalokho kwavela ababili abafakazi bamanga,Select Matthew 26:60

61bathi: Lo wathi: Ngilakho ukudiliza ithempeli likaNkulunkulu, njalo ngilakhe ngensuku ezintathu.Select Matthew 26:61

62Kwasekusukuma umpristi omkhulu wathi kuye: Kawuphenduli lutho yini? Bafakazani laba okumelana lawe?Select Matthew 26:62

63Kodwa uJesu wathula. Umpristi omkhulu wasephendula wathi kuye: Ngikufungisa ngoNkulunkulu ophilayo, ukuthi usitshele ukuthi unguKristu, iNdodana kaNkulunkulu.Select Matthew 26:63

64UJesu wathi kuye: Utshilo wena. Kodwa ngithi kini: Kusukela khathesi lizabona iNdodana yomuntu ihlezi ngakwesokunene samandla isiza phezu kwamayezi ezulu.Select Matthew 26:64

65Umpristi omkhulu wasedabula izembatho zakhe, wathi: Usehlambazile; sisadingelani abafakazi? Khangelani, khathesi seliyizwile inhlamba yakhe;Select Matthew 26:65

66licabangani? Basebephendula besithi: Ulecala lokufa.Select Matthew 26:66

67Basebemkhafulela amathe ebusweni bamdutshuza; labanye bamwakala,Select Matthew 26:67

68bathi: Profetha kithi, Kristu, ngubani okutshayileyo?Select Matthew 26:68

69UPetro wayesehlezi ngaphandle egumeni; kwasekusiza kuye incekukazi ethile, yathi: Lawe ubuloJesu weGalili.Select Matthew 26:69

70Kodwa waphika phambi kwabo bonke, wathi: Kangikwazi lokho okutshoyo.Select Matthew 26:70

71Kwathi esephuma esiya esangweni, enye incekukazi yambona, yathi kwababekhona: Laye lo ubeloJesu weNazaretha.Select Matthew 26:71

72Waphika njalo ngesifungo esithi: Kangimazi lumuntu.Select Matthew 26:72

73Kwathi emva kwesikhatshana labo ababemi khona basondela bathi kuPetro: Ngeqiniso lawe ungowabo; ngoba lokukhuluma kwakho kuyakuveza.Select Matthew 26:73

74Waseqala ukuqalekisa lokufunga esithi: Kangimazi lumuntu. Njalo lahle lakhala iqhude.Select Matthew 26:74

75UPetro wasekhumbula ilizwi likaJesu esithi kuye: Lingakakhali iqhude, uzangiphika kathathu. Wasephumela ngaphandle wakhala kabuhlungu.Select Matthew 26:75