4Matthew 4

1Khona uJesu wakhokhelelwa nguMoya enkangala, ukuze alingwe ngudiyabhola.Select Matthew 4:1

2Esezile ukudla insuku ezingamatshumi amane lobusuku obungamatshumi amane, ekucineni walamba.Select Matthew 4:2

3Kwasekusiza kuye umlingi wathi: Uba uyiNdodana kaNkulunkulu, tshono ukuthi lamatshe abe yizinkwa.Select Matthew 4:3

4Kodwa yena waphendula wathi: Kulotshiwe ukuthi: Umuntu kayikuphila ngesinkwa sodwa, kodwa ngalo lonke ilizwi eliphuma emlonyeni kaNkulunkulu.Select Matthew 4:4

5Udiyabhola wasemthatha wamusa emzini ongcwele, wasemmisa engqongeni yethempeli,Select Matthew 4:5

6wasesithi kuye: Uba uyiNdodana kaNkulunkulu, ziwisele phansi; ngoba kulotshiwe ukuthi: Uzalaya ingilosi zakhe ngawe, besezikuphatha ngezandla, hlezi loba nini ukhube unyawo lwakho elitsheni.Select Matthew 4:6

7UJesu wathi kuye: Kulotshiwe futhi ukuthi: Ungayilingi iNkosi uNkulunkulu wakho.Select Matthew 4:7

8Udiyabhola wabuya wamusa entabeni ende kakhulu, wamtshengisa imibuso yonke yomhlaba lokukhazimula kwayo,Select Matthew 4:8

9wathi kuye: Zonke lezizinto ngizakunika zona, uba uwela phansi ungikhonza.Select Matthew 4:9

10UJesu wasesithi kuye: Suka, Sathane! Ngoba kulotshiwe ukuthi: Uzakhothamela eNkosini uNkulunkulu wakho, njalo uzakhonza yona yodwa.Select Matthew 4:10

11Udiyabhola wasemyekela; njalo khangela, kwafika ingilosi zasezimsebenzela.Select Matthew 4:11

12Kwathi uJesu esezwile ukuthi uJohane unikelwe entolongweni, wasuka waya eGalili;Select Matthew 4:12

13wasesuka eNazaretha, weza wahlala eKapenawume engaselwandle, emingceleni yakoZebuloni leyakoNafithali;Select Matthew 4:13

14ukuze kugcwaliseke okwakhulunywa ngumprofethi uIsaya, ukuthi:Select Matthew 4:14

15Ilizwe lakoZebuloni lelizwe lakoNafithali, endleleni yaselwandle, ngaphetsheya kweJordani, iGalili labezizwe,Select Matthew 4:15

16abantu ababehlezi emnyameni babonile ukukhanya okukhulu, lababehlezi elizweni lethunzini lokufa ukukhanya kuphumele kubo.Select Matthew 4:16

17Kusukela kulesosikhathi uJesu waqala ukutshumayela lokuthi: Phendukani; ngoba umbuso wamazulu ususondele.Select Matthew 4:17

18Kwathi uJesu ehambahamba elwandle lweGalili wabona izelamani ezimbili, uSimoni othiwa nguPetro, loAndreya umfowabo, bephosela imbule olwandle; ngoba babengabagoli benhlanzi.Select Matthew 4:18

19Wasesithi kubo: Ngilandelani, njalo ngizalenza libe ngabagoli babantu.Select Matthew 4:19

20Bahle-ke batshiya amambule bamlandela.Select Matthew 4:20

21Eseqhubeke esuka lapho, wabona ezinye izelamani ezimbili, uJakobe okaZebediya loJohane umfowabo, besemkhunjini kanye loZebediya uyise, belungisa amambule abo; wasebabiza.Select Matthew 4:21

22Njalo bahle batshiya umkhumbi loyise bamlandela.Select Matthew 4:22

23UJesu wasebhoda iGalili yonke, efundisa emasinagogeni abo, etshumayela ivangeli lombuso, eselapha sonke isifo lobuthakathaka bonke ebantwini.Select Matthew 4:23

24Indumela yakhe yasiphumela kuyo yonke iSiriya; basebeletha kuye bonke abagulayo, ababephethwe yizifo ngezifo lobuhlungu, lababengenwe ngamadimoni, lababelezithuthwane, lababewome umhlubulo; wasebasilisa.Select Matthew 4:24

25Amaxuku amakhulu asemlandela evela eGalili leDikapolisi leJerusalema leJudiya langaphetsheya kweJordani.Select Matthew 4:25