5Matthew 5

1Kwathi ebona amaxuku wenyukela entabeni. Esehlezi phansi, abafundi bakhe beza kuye;Select Matthew 5:1

2wasevula umlomo wakhe, wabafundisa, wathi:Select Matthew 5:2

3Babusisiwe abayanga emoyeni; ngoba umbuso wamazulu ungowabo.Select Matthew 5:3

4Babusisiwe abalilayo; ngoba bona bazaduduzwa.Select Matthew 5:4

5Babusisiwe abamnene; ngoba bona bazakudla ilifa lomhlaba.Select Matthew 5:5

6Babusisiwe abalambela labomela ukulunga; ngoba bona bazasuthiswa.Select Matthew 5:6

7Babusisiwe abalesihawu; ngoba bona bazahawukelwa.Select Matthew 5:7

8Babusisiwe abamhlophe enhliziyweni; ngoba bona bazabona uNkulunkulu.Select Matthew 5:8

9Babusisiwe abalamulayo; ngoba bona bazathiwa ngabantwana bakaNkulunkulu.Select Matthew 5:9

10Babusisiwe abazingelwayo ngenxa yokulunga; ngoba umbuso wamazulu ungowabo.Select Matthew 5:10

11Lina libusisiwe, nxa belithuka belizingela, bekhuluma okubi konke bemelana lani beqamba amanga, ngenxa yami;Select Matthew 5:11

12thokozani lithabe kakhulu, ngoba umvuzo wenu mkhulu emazulwini; ngoba ngokunjalo babazingela abaprofethi abalandulelayo.Select Matthew 5:12

13Lina lilitshwayi lomhlaba; kodwa uba itshwayi seliduma lizatshwaywa ngani? Kalisasizi lutho, ngaphandle kokulahlwa phandle beselinyathelwa ngabantu.Select Matthew 5:13

14Lina liyikukhanya komhlaba; umuzi omiswe phezu kwentaba ungesitheke;Select Matthew 5:14

15njalo kabalumathisi isibane basibeke ngaphansi kwesitsha, kodwa phezu kwesiqobane sesibane, besesibakhanyisela bonke abasendlini.Select Matthew 5:15

16Ngokunjalo kakukhanye ukukhanya kwenu phambi kwabantu, ukuze babone imisebenzi yenu emihle, badumise uYihlo osemazulwini.Select Matthew 5:16

17Lingacabangi ukuthi ngize ukuchitha umlayo kumbe abaprofethi; angizanga ukuchitha kodwa ukugcwalisa.Select Matthew 5:17

18Ngoba ngiqinisile ngithi kini: Kuze kudlule izulu lomhlaba, kakusoze kudlule ibadlana libe linye kumbe ichatshana libe linye emlayweni kuze kwenzeke konke.Select Matthew 5:18

19Ngakho owephula owodwa kulimilayo emincinyane, afundise abantu ngokunjalo, uzathiwa ngomncinyane embusweni wamazulu; kodwa oyenzayo ayifundise, lowo uzathiwa mkhulu embusweni wamazulu.Select Matthew 5:19

20Ngoba ngithi kini: Ngaphandle kokuthi ukulunga kwenu kwedlule okwababhali lokwabaFarisi, kalisoze lingene embusweni wamazulu.Select Matthew 5:20

21Lizwile ukuthi kwathiwa kwabasendulo: Ungabulali; laloba ngubani obulalayo, uzakuba lecala lokugwetshwa;Select Matthew 5:21

22kodwa mina ngithi kini: Wonke othukuthelela umfowabo kungelasizatho uzakuba lecala lokugwetshwa; lotshoyo kumfowabo ukuthi: Siphukuphukundini! uzakuba lecala emphakathini; lotshoyo ukuthi: Sithuthandini! uzakuba lecala lokusiwa esihogweni somlilo.Select Matthew 5:22

23Ngakho uba uletha umnikelo wakho elathini, ubusukhumbula ulapho ukuthi umfowenu ulolutho olumelana lawe,Select Matthew 5:23

24tshiya lapho umnikelo wakho phambi kwelathi, uhambe, uqale ubuyisane lomfowenu, ubusuzonikela umnikelo wakho.Select Matthew 5:24

25Phangisa uzwane laye omangalelane lawe usesendleleni laye, hlezi omangalelane lawe akunikele kumahluleli, futhi umahluleli akunikele epholiseni, ubusuphoselwa entolongweni.Select Matthew 5:25

26Ngiqinisile ngithi kuwe: Kawusoze uphume khona, uze ubhadale indibilitshi yokucina.Select Matthew 5:26

27Lizwile ukuthi kwathiwa kwabasendulo: Ungafebi.Select Matthew 5:27

28Kodwa mina ngithi kini: Wonke okhangela owesifazana ukumkhanuka usefebile laye enhliziyweni yakhe.Select Matthew 5:28

29Njalo uba ilihlo lakho lokunene likukhubekisa, likhuphe ulilahlele khatshana lawe; ngoba kungcono kuwe ukuthi kubhubhe sibe sinye sezitho zakho, lokuthi umzimba wakho wonke ungaphoselwa esihogweni.Select Matthew 5:29

30Njalo uba isandla sakho sokunene sikukhubekisa, siqume usilahlele khatshana lawe; ngoba kungcono kuwe ukuthi kubhubhe sibe sinye sezitho zakho, lokuthi umzimba wakho wonke ungaphoselwa esihogweni.Select Matthew 5:30

31Kwathiwa-ke: Loba ngubani owala umkakhe, kumele amnike incwadi yesehlukaniso;Select Matthew 5:31

32kodwa mina ngithi kini: Loba ngubani owala umkakhe, ngaphandle kodaba lokufeba, umenza afebe, njalo loba ngubani omthathayo owaliweyo uyafeba.Select Matthew 5:32

33Lizwile futhi ukuthi kwathiwa kwabasendulo: Ungafungi amanga, kodwa gcwalisa izifungo zakho eNkosini.Select Matthew 5:33

34Kodwa mina ngithi kini: Lingafungi lakanye; loba ngezulu, ngoba liyisihlalo sobukhosi sikaNkulunkulu;Select Matthew 5:34

35loba ngomhlaba, ngoba uyisenabelo senyawo zakhe; loba ngeJerusalema, ngoba ingumuzi weNkosi enkulu;Select Matthew 5:35

36njalo ungafungi ngekhanda lakho, ngoba ungelwenze unwele lalunye lube mhlophe kumbe lube mnyama.Select Matthew 5:36

37Kodwa ilizwi lenu kalibe ngelokuthi: Yebo, yebo; hatshi, hatshi. Okudlula lokhu-ke kuvela komubi.Select Matthew 5:37

38Lizwile ukuthi kwathiwa: Ilihlo ngelihlo, lezinyo ngezinyo;Select Matthew 5:38

39kodwa mina ngithi kini: Lingamelani lobubi; kodwa loba ngubani okuwakala esihlathini sokunene, mphendulele lesinye;Select Matthew 5:39

40lalowo ofuna ukukumangalela lokuthatha isigqoko sakho, mtshiyele lesembatho;Select Matthew 5:40

41laloba ngubani okubamba ngamandla ukuthi uhambe imayili libe linye, hamba laye abe mabili.Select Matthew 5:41

42Mnike ocela kuwe; njalo ungamfulatheli ofisa ukweboleka kuwe.Select Matthew 5:42

43Lizwile ukuthi kwathiwa: Wothanda umakhelwane wakho, njalo uzonde isitha sakho;Select Matthew 5:43

44kodwa mina ngithi kini: Thandani izitha zenu, libabusise abaliqalekisayo, libaphathe kuhle abalizondayo, libakhulekele abaliphatha kubi, labalizingelayo;Select Matthew 5:44

45ukuze libe ngabantwana bakaYihlo osemazulwini, ngoba yena uphumisa ilanga lakhe phezu kwababi labahle, anise izulu phezu kwabalungileyo labangalunganga.Select Matthew 5:45

46Ngoba aluba lithanda labo abalithandayo, lilomvuzo bani? Kabenzi njalo labathelisi yini?Select Matthew 5:46

47Futhi uba libingelela abafowenu bodwa, lenzani okukhulu okwedlula okwabanye? Kabenzi njalo labathelisi yini?Select Matthew 5:47

48Ngakho lina banini ngabapheleleyo, njengoba uYihlo osemazulwini ephelele.Select Matthew 5:48