9Matthew 9

1Wasengena emkhunjini wachapha wafika emzini wakibo.Select Matthew 9:1

2Futhi khangela, baletha kuye umuntu owome umhlubulo elele ehlakeni; uJesu ebona-ke ukholo lwabo wathi koyisigoga: Mana isibindi, ndodana; uthethelelwe izono zakho.Select Matthew 9:2

3Njalo khangela, abanye bababhali bakhulumela ngaphakathi bathi: Lo uyahlambaza.Select Matthew 9:3

4Njalo uJesu ebona imicabango yabo wathi: Lina linakanelani okubi enhliziyweni zenu?Select Matthew 9:4

5Ngoba yikuphi okulula, ukuthi: Uthethelelwe izono zakho; kumbe ukuthi: Sukuma uhambe?Select Matthew 9:5

6Kodwa ukuze lazi ukuthi iNdodana yomuntu ilamandla emhlabeni okuthethelela izono (wasesithi kowome umhlubulo): Sukuma uthathe uhlaka lwakho, uye endlini yakho.Select Matthew 9:6

7Wasesukuma waya endlini yakhe.Select Matthew 9:7

8Kwathi amaxuku esebonile, amangala, adumisa uNkulunkulu, onike abantu amandla anje.Select Matthew 9:8

9Esedlula lapho uJesu wabona umuntu, othiwa nguMathewu, ehlezi endlini yokuthelisela, wathi kuye: Ngilandela. Wasesukuma wamlandela.Select Matthew 9:9

10Kwasekusithi ehlezi ekudleni endlini, khangela-ke, abathelisi abanengi lezoni beza bahlala ekudleni loJesu labafundi bakhe.Select Matthew 9:10

11AbaFarisi sebebonile bathi kubafundi bakhe: Kungani umfundisi wenu esidla labathelisi lezoni?Select Matthew 9:11

12Kwathi uJesu esizwa wathi kubo: Abaphilileyo kabadingi melaphi, kodwa abagulayo.Select Matthew 9:12

13Kodwa hambani lifunde ukuthi kutshoniukuthi: Ngifuna isihawu, njalo hatshi umhlatshelo; ngoba angizanga ukubiza abalungileyo, kodwa izoni zize ekuphendukeni.Select Matthew 9:13

14Khona kwafika kuye abafundi bakaJohane, besithi: Kungani thina labaFarisi sizila ukudla kanengi, kodwa abafundi bakho bengazili ukudla?Select Matthew 9:14

15UJesu wasesithi kubo: Abantwana bendlu yomthimba bangalila yini, selokhu umyeni elabo? Kodwa zizafika insuku lapho umyeni ezasuswa kubo; khona-ke bezazila ukudla.Select Matthew 9:15

16Futhi kakho obekela isichibi selembu elingakafinyeli esembathweni esidala; ngoba lokho okubekelwe kuso kuzadabuka esembathweni, besesiqhela isikhala.Select Matthew 9:16

17Njalo kabatheli iwayini elitsha emigodleni emidala; uba-ke kungenjalo imigodla iyadabuka, lewayini lichitheke, lemigodla yonakale; kodwa iwayini elitsha balifaka emigodleni emitsha, besekulondolozeka kokubili.Select Matthew 9:17

18Kwathi esakhuluma lezizinto kubo, khangela, kwafika umphathi othile waguqa phambi kwakhe, wathi: Indodakazi yami isanda ukufa; kodwa woza ubeke isandla sakho phezu kwayo, njalo izaphila.Select Matthew 9:18

19Wasesukuma uJesu wamlandela, labafundi bakhe.Select Matthew 9:19

20Njalo khangela, owesifazana owayelomopho okweminyaka elitshumi lambili, weza ngemuva kwakhe, wathinta umphetho wesembatho sakhe.Select Matthew 9:20

21Ngoba wathi ngaphakathi kwakhe: Aluba ngithinta nje isembatho sakhe, ngizasindiswa.Select Matthew 9:21

22Kodwa uJesu etshibilika embona, wathi: Mana isibindi, ndodakazi; ukholo lwakho lukusindisile. Owesifazana wasesila kusukela ngalelohola.Select Matthew 9:22

23UJesu wasefika endlini yomphathi, wabona abakhalisa imihlanga lexuku liphithizela,Select Matthew 9:23

24wathi kubo: Dedani; ngoba intombazana kayifanga, kodwa ilele. Basebemhleka usulu.Select Matthew 9:24

25Kodwa ixuku selikhutshiwe, wangena wabamba isandla sayo, intombazana yasivuka.Select Matthew 9:25

26Indumela yalokho yasiphumela kulelolizwe lonke.Select Matthew 9:26

27Kwathi uJesu esedlula lapho, iziphofu ezimbili zamlandela, zimemeza zisithi: Sihawukele, Ndodana kaDavida!Select Matthew 9:27

28Esengenile endlini, iziphofu zeza kuye; uJesu wasesithi kuzo: Liyakholwa yini ukuthi ngingakwenza lokhu? Zathi kuye: Yebo, Nkosi.Select Matthew 9:28

29Wasethinta amehlo azo, wathi: Akwenzeke kini njengokholo lwenu.Select Matthew 9:29

30Asevulwa amehlo azo; uJesu wasezilayisisa kakhulu wathi: Qaphelani, kakungabi lamuntu okwaziyo.Select Matthew 9:30

31Kodwa zaphuma zafakaza ngaye kulo lonke lelolizwe.Select Matthew 9:31

32Kwathi ekuphumeni kwazo, khangela, baletha kuye umuntu oyisimungulu owayengenwe lidimoni;Select Matthew 9:32

33kwathi idimoni selikhutshiwe, isimungulu sakhuluma; amaxuku asemangala, athi: Kakuzanga kubonwe okunje koIsrayeli.Select Matthew 9:33

34Kodwa abaFarisi bathi: Ukhupha amadimoni ngenkosi yamadimoni.Select Matthew 9:34

35UJesu wasebhoda emizini yonke lemizaneni, efundisa emasinagogeni abo, etshumayela ivangeli lombuso, eselapha sonke isifo lobuthakathaka bonke ebantwini.Select Matthew 9:35

36Kwathi ebona amaxuku, waba lesihelo ngawo, ngoba ayekhathele ehlakazekile njengezimvu ezingelamelusi.Select Matthew 9:36

37Wasesithi kubafundi bakhe: Isibili isivuno sikhulu, kodwa izisebenzi zinlutshwana;Select Matthew 9:37

38ngakho ncengani iNkosi yesivuno, ukuze ithume izisebenzi esivunweni sayo.Select Matthew 9:38