11Acts 11

1Abaphostoli labazalwane ababeseJudiya basebesizwa ukuthi abezizwe labo balemukele ilizwi likaNkulunkulu.Select Acts 11:1

2Kwathi uPetro esenyukele eJerusalema, abokusoka baphikisana laye,Select Acts 11:2

3besithi: Ungene emadodeni angasokanga, wadla lawo.Select Acts 11:3

4Kodwa uPetro eqala wabalandisela ngokulandelana esithi:Select Acts 11:4

5Mina ngangisemzini weJopha ngikhuleka, ngasengibona ekuhlehlisweni kwengqondo umbono, kwehla isitsha esithile, sinjengelembu elikhulu sisehliswa ngamasondo amane sivela ezulwini, sasesifika kimi;Select Acts 11:5

6okwathi sengilikhangelisisile ngaqaphelisa, ngasengibona inyamazana ezilenyawo ezine zomhlaba lezeganga lezihuquzelayo lenyoni zezulu.Select Acts 11:6

7Ngasengisizwa ilizwi lisithi kimi: Sukuma, Petro, hlaba udle.Select Acts 11:7

8Kodwa ngathi: Hatshi bo Nkosi; ngoba loba yini engahlambulukanga kumbe engcolileyo kayizake ingene emlonyeni wami.Select Acts 11:8

9Kodwa ilizwi langiphendula ngokwesibili livela ezulwini lathi: Izinto uNkulunkulu azihlambululileyo, wena ungatsho ukuthi kazihlambulukanga.Select Acts 11:9

10Lokhu-ke kwenzeka kathathu, njalo konke kwabuye kwadonselwa phezulu ezulwini.Select Acts 11:10

11Njalo khangela, ngasona lesosikhathi amadoda amathathu ema phambi kwendlu engangikuyo, ethunyiwe kimi evela eKesariya.Select Acts 11:11

12UMoya wasesithi kimi ngihambe lawo, ngingathandabuzi; lalababazalwane abayisithupha labo bahamba lami, sasesingena endlini yendoda;Select Acts 11:12

13yasisibikela ukuthi yayibone njani ingilosi imi endlini yayo, isithi kuyo: Thumela amadoda eJopha, ubize uSimoni, othiwa nguPetro,Select Acts 11:13

14ozakutshela amazwi, ozasindiswa ngawo wena lendlu yakho yonke.Select Acts 11:14

15Kwathi ngisaqala ukukhuluma, uMoya oyiNgcwele wehlela phezu kwabo, lanjengakithi ekuqaleni.Select Acts 11:15

16Ngakhumbula ilizwi leNkosi, ukuthi yakhuluma njani isithi: Isibili uJohane wabhabhathiza ngamanzi, kodwa lina lizabhabhathizwa ngoMoya oNgcwele.Select Acts 11:16

17Ngakho nxa uNkulunkulu ebanikile isipho esifananayo lanjengakithi, esakholwa eNkosini uJesu Kristu, mina bengingubani ebengingavimbela uNkulunkulu?Select Acts 11:17

18Njalo bathi sebezizwile lezizinto bathula, bamdumisa uNkulunkulu, besithi: Ngakho-ke uNkulunkulu unikile abezizwe labo ukuphendukela empilweni.Select Acts 11:18

19Labo-ke abahlakazeka ngokuhlupheka okwenzeka mayelana loStefane badabula baze bafika eFenekiya leKuprosi leAntiyoki, bengalikhulumi ilizwi lakoyedwa ngaphandle kumaJuda kuphela.Select Acts 11:19

20Kodwa kwakukhona abanye kubo, amadoda amaKuprosi lamaKurene, abathi sebefike eAntiyoki, bakhuluma lamaHelenisiti*, betshumayela indaba ezinhle zeNkosi uJesu.Select Acts 11:20

21Lesandla seNkosi sasilabo; njalo inani elikhulu lakholwa laphendukela eNkosini.Select Acts 11:21

22Zasezizwakala indaba ngabo endlebeni zebandla elaliseJerusalema; basebethuma uBarnabasi ukuthi adabule kuze kube seAntiyoki;Select Acts 11:22

23kwathi esefikile esebona umusa kaNkulunkulu wathokoza, wasebakhuthaza bonke ukuthi babambelele eNkosini ngokuzimisela kwenhliziyo;Select Acts 11:23

24ngoba wayeyindoda elungileyo egcwele uMoya oNgcwele lokholo; kwengezelelwa eNkosini ixuku elikhulu.Select Acts 11:24

25UBarnabasi wasesiya eTarsu ukuze adinge uSawuli,Select Acts 11:25

26kwathi esemtholile wamletha eAntiyoki. Kwasekusithi umnyaka wonke behlangana ebandleni bafundisa ixuku elikhulu; njalo abafundi baqala ukubizwa ngokuthi ngamaKristu eAntiyoki.Select Acts 11:26

27Kwathi ngalezonsuku kwafika eAntiyoki abaprofethi bevela eJerusalema.Select Acts 11:27

28Kwasekusukuma omunye wabo othiwa nguAgabusi, watshengisa ngoMoya ukuthi kuzakuba khona indlala enkulu emhlabeni wonke; eyaba khona futhi ngesikhathi sikaKlawudiyosi Kesari.Select Acts 11:28

29Labafundi bazimisela ukuthi ngulowo lalowo wabo athumele njengamandla alowo lalowo okokusiza abazalwane abahlala eJudiya;Select Acts 11:29

30abakwenzayo-ke, bakuthumela kubadala ngesandla sikaBarnabasi loSawuli.Select Acts 11:30