232 Samuel 23

1La-ke ngamazwi okucina kaDavida. UDavida indodana kaJese wathi, lomuntu ophakanyiselwe phezulu, ogcotshiweyo kaNkulunkulu kaJakobe, lomhlabeleli omnandi wakoIsrayeli, wathi:Select 2 Samuel 23:1

2UMoya weNkosi wakhuluma ngami, lelizwi lakhe lisolimini lwami.Select 2 Samuel 23:2

3UNkulunkulu kaIsrayeli wathi, iDwala likaIsrayeli lakhuluma kimi lathi: Obusa abantu uzakuba ngolungileyo, ebusa ngokumesaba uNkulunkulu.Select 2 Samuel 23:3

4Njalo uzakuba njengokukhanya kwekuseni ekuphumeni kwelanga, ikuseni engelamayezi, njengohlaza emhlabathini ngokukhanya emva kwezulu.Select 2 Samuel 23:4

5Lanxa indlu yami ingenjalo kuNkulunkulu, kube kanti wenzile lami isivumelwano esilaphakade, esimiswe kuhle ezintweni zonke, lesigcinekileyo, ngoba lonke usindiso lwami lesiloyiso sikuso, lanxa engasikhulisi.Select 2 Samuel 23:5

6Kodwa abakaBheliyali bonke banjengameva alahliweyo, ngoba engelakuthathwa ngesandla;Select 2 Samuel 23:6

7kodwa umuntu owathintayo uzazihlomisa ngensimbi langoluthi lomkhonto, azatshiswa lokutshiswa ngomlilo kuleyondawo.Select 2 Samuel 23:7

8La ngamabizo amaqhawe uDavida ayelawo: UJoshebi-Bashebeti umTahekemoni, inhloko yezinduna; nguye uAdino umEzini, ngenxa yabangamakhulu ayisificaminwembili ababulawa ngasikhathi sinye.Select 2 Samuel 23:8

9Lemva kwakhe kwakuloEleyazare indodana kaDodo indodana kaAhohi, owamaqhawe amathathu ayeloDavida, ekudeleleni kwabo amaFilisti ayebuthanele khona impi, lapho amadoda akoIsrayeli esenyukile,Select 2 Samuel 23:9

10yena wasukuma watshaya amaFilisti saze sadinwa isandla sakhe, lesandla sakhe sanamathela enkembeni. INkosi yasisenza usindiso olukhulu ngalolosuku; abantu basebebuya emva kwakhe ukuzaphanga kuphela.Select 2 Samuel 23:10

11Lemva kwakhe kwakuloShama indodana kaAge umHarari. AmaFilisti ayebuthene aba lixuku, lapho okwakukhona isiqinti sensimu sigcwele amalentili; njalo abantu babaleka ebusweni bamaFilisti,Select 2 Samuel 23:11

12kodwa wajama phakathi kwesiqinti, wasivikela, wawatshaya amaFilisti. INkosi yenza-ke usindiso olukhulu.Select 2 Samuel 23:12

13Abathathu ezinhlokweni ezingamatshumi amathathu basebesehla, bafika kuDavida ebhalwini lweAdulamu ngesikhathi sokuvuna; lexuku lamaFilisti lalimise inkamba esihotsheni seRefayimi.Select 2 Samuel 23:13

14Langalesosikhathi uDavida wayesenqabeni, lebutho lenqaba lamaFilisti laliseBhethelehema ngalesosikhathi.Select 2 Samuel 23:14

15UDavida wasenxwanela, wathi: Hawu, kungathi omunye ubenganginathisa amanzi omthombo weBhethelehema ongasesangweni!Select 2 Samuel 23:15

16Lawomaqhawe amathathu asefohla adabula enkambeni yamaFilisti, akha amanzi emthonjeni weBhethelehema owawungasesangweni, awathatha awaletha kuDavida. Kube kanti kathandanga ukuwanatha, kodwa wawathululela iNkosi.Select 2 Samuel 23:16

17Wasesithi: Kakube khatshana lami, Nkosi, ukuthi ngenze lokho; kakusigazi yini labantu abahambe lempilo yabo engozini? Ngalokho kathandanga ukuwanatha. Lezizinto azenza lamaqhawe amathathu.Select 2 Samuel 23:17

18Njalo uAbishayi, umfowabo kaJowabi indodana kaZeruya, wayeyinhloko yabathathu. Yena wasegiyela abangamakhulu amathathu ngomkhonto wakhe, ababuleweyo, wasesiba lebizo phakathi kwabathathu.Select 2 Samuel 23:18

19Kahlonitshwanga kakhulu yini kulabathathu? Ngakho waba yinduna yabo; kodwa kafikanga kwabathathu abokuqala.Select 2 Samuel 23:19

20UBhenaya-ke, indodana kaJehoyada, indodana yeqhawe, omkhulu ngezenzo, weKabhiseyeli. Yena watshaya ababili abanjengezilwane bakoMowabi; futhi wehla watshaya isilwane phakathi komgodi mhla weliqhwa elikhithikileyo.Select 2 Samuel 23:20

21Yena wasetshaya indoda engumGibhithe, umuntu obukekayo; njalo umGibhithe wayelomkhonto esandleni sakhe; kodwa wehlela kuye elenduku, wawuhluthuna umkhonto esandleni somGibhithe, wambulala ngomkhonto wakhe.Select 2 Samuel 23:21

22Lezizinto wazenza uBhenaya indodana kaJehoyada, waba lebizo phakathi kwamaqhawe amathathu.Select 2 Samuel 23:22

23Wayehlonipheka kulabangamatshumi amathathu, kodwa kafikanga kwabathathu. UDavida wasembeka phezu kwabalindi bakhe.Select 2 Samuel 23:23

24UAsaheli umfowabo kaJowabi wayephakathi kwabangamatshumi amathathu, uElihanani indodana kaDodo weBhethelehema,Select 2 Samuel 23:24

25uShama umHarodi, uElika umHarodi,Select 2 Samuel 23:25

26uHelezi umPaliti, uIra indodana kaIkheshi umThekhowa,Select 2 Samuel 23:26

27uAbiyezeri umAnethothi, uMebunayi umHusha,Select 2 Samuel 23:27

28uZalimoni umAhohi, uMaharayi umNetofa,Select 2 Samuel 23:28

29uHelebi indodana kaBahana umNetofa, uIthayi indodana kaRibayi weGibeya wabantwana bakoBhenjamini,Select 2 Samuel 23:29

30uBhenaya umPirathoni, uHidayi wezifuleni zeGahashi,Select 2 Samuel 23:30

31uAbi-Aliboni umAraba, uAzimavethi umBahurimi,Select 2 Samuel 23:31

32uEliyabha umShahaliboni, wamadodana kaJasheni, uJonathani,Select 2 Samuel 23:32

33uShama umHarari, uAhiyamu indodana kaSharari umHarari,Select 2 Samuel 23:33

34uElifeleti indodana kaAhasibayi indodana yomMahaka, uEliyamu indodana kaAhithofeli umGilo,Select 2 Samuel 23:34

35uHezirayi umKharmeli, uPaharayi umArabi,Select 2 Samuel 23:35

36uIgali indodana kaNathani weZoba, uBani umGadi,Select 2 Samuel 23:36

37uZeleki umAmoni, uNaharayi umBherothi, umthwali wezikhali zikaJowabi indodana kaZeruya,Select 2 Samuel 23:37

38uIra umIthiri, uGarebi umIthiri,Select 2 Samuel 23:38

39uUriya umHethi; bebonke babengamatshumi amathathu lesikhombisa.Select 2 Samuel 23:39