102Psalms 102

1Nkosi, zwana umkhuleko wami, lokukhala kwami kakuze kuwe.Select Psalms 102:1

2Ungangifihleli ubuso bakho osukwini lohlupho lwami; beka indlebe yakho kimi; mhla ngibiza ungiphendule masinyane.Select Psalms 102:2

3Ngoba insuku zami ziyanyamalala njengentuthu, lamathambo ami ayatsha njengeziko.Select Psalms 102:3

4Inhliziyo yami itshayiwe, yabuna njengotshani, ngaze ngakhohlwa ukudla isinkwa sami.Select Psalms 102:4

5Ngenxa yelizwi lokububula kwami amathambo ami anamathela esikhumbeni sami.Select Psalms 102:5

6Ngifanana lewunkwe yenkangala, senginjengesikhova sezindawo ezidilikileyo.Select Psalms 102:6

7Ngiyalinda, senginjengenyoni ehlezi yodwa ephahleni.Select Psalms 102:7

8Izitha zami ziyangithuka usuku lonke; abangihlanyelayo bafunga ngami.Select Psalms 102:8

9Ngoba ngidle umlotha njengesinkwa, ngixubanise okunathwayo kwami lezinyembezi,Select Psalms 102:9

10ngenxa yentukuthelo yakho lolaka lwakho; ngoba ungiphakamisile, wasungilahla phansi.Select Psalms 102:10

11Insuku zami zinjengesithunzi eselulekayo, njalo mina ngiyabuna njengotshani.Select Psalms 102:11

12Kodwa wena, Nkosi, uzahlala kuze kube nininini, lesikhumbuzo sakho kusizukulwana lesizukulwana.Select Psalms 102:12

13Wena uzavuka uhawukele iZiyoni; ngoba isikhathi sokuyitshengisa umusa, yebo, isikhathi esimisiweyo sesifikile.Select Psalms 102:13

14Ngoba inceku zakho ziyawathanda amatshe ayo, zilesihawu ethulini lwayo.Select Psalms 102:14

15Khona izizwe zizalesaba ibizo leNkosi, lamakhosi wonke omhlaba udumo lwayo.Select Psalms 102:15

16Lapho iNkosi izayakha iZiyoni, izabonakala enkazimulweni yayo.Select Psalms 102:16

17Izaphendukela emkhulekweni wongelalutho, kayiyikudelela umthandazo wabo.Select Psalms 102:17

18Lokhu kuzabhalelwa isizukulwana esilandelayo, labantu abazadalwa bazadumisa iNkosi.Select Psalms 102:18

19Ngoba yakhangela phansi isekuphakameni kwendawo yayo engcwele; iNkosi isemazulwini yakhangela emhlabeni,Select Psalms 102:19

20ukuzwa ukububula kwesibotshwa, ukukhulula abamiselwa ukufa;Select Psalms 102:20

21ukulandisa ibizo leNkosi eZiyoni, lendumiso yayo eJerusalema,Select Psalms 102:21

22lapho izizwe zibuthana ndawonye, lemibuso, ukuyikhonza iNkosi.Select Psalms 102:22

23Yathoba amandla ami endleleni, yafinyeza insuku zami.Select Psalms 102:23

24Ngathi: Nkulunkulu wami, ungangisusi phakathi kwensuku zami, iminyaka yakho isesizukulwaneni lezizukulwana.Select Psalms 102:24

25Endulo wawusekela umhlaba, lamazulu angumsebenzi wezandla zakho.Select Psalms 102:25

26Lokho kuzabhubha, kodwa wena uzakuma. Kuzaguga-ke konke njengesembatho, njengesigqoko uzakuguqula, njalo kuzaguqulwa.Select Psalms 102:26

27Kodwa wena unguwe njalo, leminyaka yakho kayipheli.Select Psalms 102:27

28Abantwana benceku zakho bazahlala, lenzalo yazo izaqiniswa phambi kwakho.Select Psalms 102:28