Psalms Psalm 104 Ndebele Bible

Poetry & wisdom · Psalms · Ndebele Bible · 35 verses

Verse layout

Overview of this psalm About Psalms

📝 Overview of this psalm Flow, key verses and people

시편 104편은 하나님이 하늘과 땅, 물과 생물을 지으시고 때를 따라 먹이시며 돌보시는 일을 노래하는 창조 찬양시이다. 모두 35절이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35

104Psalms · Ndebele Bible

¹Bonga iNkosi, mphefumulo wami. Nkosi Nkulunkulu wami, umkhulu kakhulu; wembethe ubukhosi lodumo.

²Ozembesa ngokukhanya njengesembatho, owendlala amazulu njengekhetheni.

³Owabeka imijabo yamakamelo akhe aphezulu emanzini, owenza amayezi abe yinqola yakhe, ohamba phezu kwempiko zomoya.

⁴Owenza izingilosi zakhe zibe yimimoya, izinceku zakhe zibe ngumlilo olamalangabi.

⁵Wamisa umhlaba phezu kwezisekelo zawo, kawuyikuzanyazanyiswa phakade laphakade.

⁶Wawugubuzela ngokujula njengesembatho; amanzi ema phezu kwezintaba.

⁷Ekukhuzeni kwakho abaleka; elizwini lokuduma kwakho aphangisa asuka;

⁸- zenyuka izintaba, zehla izihotsha - endaweni owawuwamisele wona.

⁹Wamisa umngcele angewudlule, kawayikubuya agubuzele umhlaba.

¹⁰Othumela imithombo ezihotsheni, yahamba phakathi kwezintaba.

¹¹Yanathisa yonke inyamazana yeganga, obabhemi beganga bacitsha ukoma kwabo.

¹²Inyoni zamazulu zakhela emaceleni ayo, zizwakalisa ilizwi ziphakathi kwezingatsha.

¹³Uthelela izintaba esemakamelweni akhe aphezulu; umhlaba usuthiswa ngesithelo semisebenzi yakho.

¹⁴Umilisela izifuyo utshani, lemibhida yokusiza umuntu, ukuveza ukudla emhlabathini,

¹⁵lewayini elithokozisa inhliziyo yomuntu, ukwenza ubuso bukhanye ngamafutha, lesinkwa esiqinisa inhliziyo yomuntu.

¹⁶Ziyasutha izihlahla zeNkosi, imisedari yeLebhanoni eyayihlanyelayo.

¹⁷Lapho inyoni ezakhela khona izidleke; ingabuzane, izihlahla zefiri ziyindlu yalo.

¹⁸Intaba eziphakemeyo zingezamagogo, amadwala ayisiphephelo sezimbila.

¹⁹Inyanga wayenzela izikhathi ezimisiweyo; ilanga liyazi ukutshona kwalo.

²⁰Wenza umnyama, kube sebusuku, phakathi kwabo kuphume yonke inyamazana yehlathi.

²¹Izilwane ezintsha zibhongela impango, lokudinga ukudla kwazo kuNkulunkulu.

²²Ilanga liphuma, zibuthane, zilale ezikhundleni zazo.

²³Umuntu uphuma aye emsebenzini wakhe lemtshikatshikeni wakhe kuze kuhlwe.

²⁴Minengi kangakanani imisebenzi yakho, Nkosi! Yonke uyenze ngenhlakanipho; umhlaba ugcwele inotho yakho.

²⁵Lolulwandle olukhulu lolubanzi ngezinhlangothi, lapho okulezihuquzelayo khona ezingelakubalwa, izinto eziphilayo ezincinyane kanye lezinkulu.

²⁶Kuhamba khona imikhumbi, uLeviyathani* owambumbela ukuthi adlale kulo.

²⁷Zonke lezi zilindele kuwe, ukuthi uzinike ukudla kwazo ngesikhathi sazo.

²⁸Uyazinika, zibuthe; uvula isandla sakho, zisuthe okuhle.

²⁹Ufihla ubuso bakho, zikhathazeke; ususa umoya wazo, zife, zibuyele ethulini lwazo.

³⁰Uthumela umoya wakho, zidalwe; wenze bube butsha ubuso bomhlaba.

³¹Udumo lweNkosi kalume kuze kube nininini; iNkosi kayithokoze ngemisebenzi yayo.

³²Ikhangela umhlaba, uthuthumele; ithinta izintaba, zithunqe.

³³Ngizahlabelela iNkosi ngisaphila; ngizahlabelela indumiso kuNkulunkulu wami nxa ngisekhona.

³⁴Ukuzindla kwami ngaye kuzakuba mnandi; mina ngizathokoza eNkosini.

³⁵Izoni kaziqedwe emhlabeni, kungabe kusaba khona ababi. Bonga iNkosi, mphefumulo wami. Dumisani iNkosi!

Ndebele Bible
Tap a verse to copy, share, highlight or add a note. Dotted words link to encyclopedia articles.

35 verses in this psalm

104 / 150 psalms

The text is Ndebele Bible(은데벨레어) — From getbible.net (CrossWire SWORD module) · license: GFDL Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 104 Ndebele Bible

Articles mentioning this psalm

More