Psalms Psalm 40 Ndebele Bible

Poetry & wisdom · Psalms · Ndebele Bible · 17 verses

Verse layout

Overview of this psalm About Psalms

📝 Overview of this psalm Flow, key verses and people

시편 40편은 다윗의 시로 표제가 붙은 17절의 시다. 수렁에서 건져 주신 하나님께 드리는 감사로 시작해 제사보다 순종을 고백하고, 다시 재앙과 원수 앞에서 도움을 구하는 간구로 끝난다.

Jump to verse

1 2 3 4 5 6 7 8 9 10 11 12 13 14 15 16 17

40Psalms · Ndebele Bible

¹Ngalindela lokuyilindela iNkosi; yangithobela, yezwa ukukhala kwami.

²Yangenyula emgodini ohlokomayo, exhaphozini lodaka, yabeka inyawo zami phezu kwedwala, yaqinisa izinyathelo zami.

³Yafaka ingoma entsha emlonyeni wami, indumiso kuNkulunkulu wethu. Abanengi bazabona besabe, bathembe eNkosini.

⁴Ubusisiwe umuntu oyenzayo iNkosi ibe lithemba lakhe, ongaphendukeli kwabazigqajayo, lalabo abaphendukela emangeni.

⁵Minengi wena oyenzileyo, Nkosi, Nkulunkulu wami, imisebenzi yakho emangalisayo lemicabango yakho kithi; ingelandiswe ngokulandelana kuwe. Ngingayilandisa ngiyitsho, minengi kulokuthi ibalwe.

⁶Umhlatshelo lomnikelo kawukufisi; izindlebe zami uzivulile; umnikelo wokutshiswa lomnikelo wesono kawuwubizi.

⁷Ngasengisithi: Khangela, ngiyeza; emqulwini wogwalo kulotshiwe ngami.

⁸Ngiyathokoza ukwenza intando yakho, Nkulunkulu wami, lomlayo wakho uphakathi kwemibilini yami.

⁹Ngitshumayele ukulunga ebandleni elikhulu; khangela, kangibambanga indebe zami, Nkosi, wena uyakwazi.

¹⁰Ukulunga kwakho kangikufihlanga phakathi kwenhliziyo yami; ngikhulumile ngobuqotho bakho langosindiso lwakho; kangifihlanga uthandolomusa wakho leqiniso lakho ebandleni elikhulu.

¹¹Wena Nkosi, ungangigodleli isihawu sakho; uthandolomusa wakho leqiniso lakho kakungilondoloze njalonjalo.

¹²Ngoba ububi obungebalwe bungihanqile, iziphambeko zami zingibambile, ukuze ngingabi lakho ukubona; zinengi okwedlula inwele zekhanda lami; ngakho inhliziyo yami ingitshiyile.

¹³Thokoza, Nkosi, ukungikhulula. Nkosi, phangisa ukungisiza.

¹⁴Kabayangeke babe lenhloni ndawonye abadinga umphefumulo wami ukuwuchitha; kababuyiselwe emuva bayangiswe abangifisela okubi.

¹⁵Kabachitheke kube ngumvuzo wehlazo labo abathi kimi: Aha, aha!

¹⁶Kabathabe bajabule kuwe bonke abakudingayo; abathanda usindiso lwakho kabatsho njalonjalo bathi: Kayikhuliswe iNkosi!

¹⁷Kodwa ngingumyanga ngiyaswela; iNkosi iyangikhumbula; ungumsizi wami lomkhululi wami; Nkulunkulu wami, ungalibali.

Ndebele Bible
Tap a verse to copy, share, highlight or add a note. Dotted words link to encyclopedia articles.

17 verses in this psalm

40 / 150 psalms

The text is Ndebele Bible(은데벨레어) — From getbible.net (CrossWire SWORD module) · license: GFDL Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 40 Ndebele Bible

Articles mentioning this psalm

More