50Psalms 50

1USomandla, uNkulunkulu, iNkosi, ukhulumile, ubiza umhlaba kusukela ekuphumeni kwelanga kuze kube sekutshoneni kwalo.Select Psalms 50:1

2EseZiyoni, ukuphelela kobuhle, uNkulunkulu ukhanyile.Select Psalms 50:2

3UNkulunkulu wethu uzakuza, kayikuthula; umlilo phambi kwakhe uzaqothula, enhlangothini zonke zakhe kuzakuba lesiphepho esikhulu.Select Psalms 50:3

4Uzabiza amazulu ephezulu, lomhlaba, ukwahlulela abantu bakhe.Select Psalms 50:4

5Buthelani kimi abangcwele bami, abenza isivumelwano lami ngomhlatshelo.Select Psalms 50:5

6Lamazulu azatshumayela ukulunga kwakhe, ngoba uNkulunkulu ngokwakhe ungumahluleli. Sela*.Select Psalms 50:6

7Zwanini bantu bami, ngizakhuluma; Israyeli, ngizafakaza ngimelene lawe. NginguNkulunkulu, uNkulunkulu wakho.Select Psalms 50:7

8Kangikusoli ngenxa yemihlatshelo yakho; leminikelo yakho yokutshiswa ihlala iphambi kwami.Select Psalms 50:8

9Kangiyikuthatha ijongosi elivela emzini wakho, lezimpongo ezivela ezibayeni zakho.Select Psalms 50:9

10Ngoba ngeyami yonke inyamazana yehlathi, izinkomo ezisentabeni eziyizinkulungwane.Select Psalms 50:10

11Ngiyazazi izinyoni zonke zezintaba, lezilo zommango zikimi.Select Psalms 50:11

12Uba bengilambile, bengingayikukutshela, ngoba umhlaba ngowami lokugcwala kwawo.Select Psalms 50:12

13Ngizayidla yini inyama yezinkunzi, kumbe nginathe igazi lezimpongo?Select Psalms 50:13

14Nikela kuNkulunkulu umhlatshelo wokubonga, ukhokhe izithembiso zakho koPhezukonke.Select Psalms 50:14

15Ungibize osukwini lokuhlupheka, ngizakukhulula, ubusungidumisa.Select Psalms 50:15

16Kodwa komubi uNkulunkulu uthi: Ulani lokuthi utshumayele izimiso zami, kumbe uthathe isivumelwano sami emlonyeni wakho?Select Psalms 50:16

17Ngoba wena uzonda ukuqondiswa, ulahla amazwi ami emva kwakho.Select Psalms 50:17

18Uba ubona isela, uthokozelana lalo, lesabelo sakho sisezifebeni.Select Psalms 50:18

19Umlomo wakho uyawunikela ebubini, lolimi lwakho luqambe inkohliso.Select Psalms 50:19

20Uhlala ukhulume umelene lomfowenu, uhlebe indodana kanyoko.Select Psalms 50:20

21Lezizinto uzenzile, ngathula; wacabanga ukuthi nginjengawe kanye. Ngizakukhuza, ngikuhlele phambi kwamehlo akho.Select Psalms 50:21

22Kuqapheleni-ke lokhu, lina elikhohlwa uNkulunkulu, hlezi ngilidabule, kungabi khona okukhululayo.Select Psalms 50:22

23Onikela umnikelo wokubonga uyangidumisa; lolungisa indlela yakhe ngizambonisa usindiso lukaNkulunkulu.Select Psalms 50:23