Psalms Psalm 74 Ndebele Bible

Poetry & wisdom · Psalms · Ndebele Bible · 23 verses

Verse layout

Overview of this psalm About Psalms

📝 Overview of this psalm Flow, key verses and people

시편 74편은 원수가 성소를 불사르고 더럽힌 뒤 공동체가 하나님께 왜 버리셨는지 묻고, 예로부터 구원하신 왕이신 하나님께 언약을 기억하고 일어나 주시기를 구하는 탄식시이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23

74Psalms · Ndebele Bible

¹Nkulunkulu, usilahleleni kokuphela? Ulaka lwakho luvuthelani ngakuzo izimvu zedlelo lakho?

²Khumbula ibandla lakho owalithenga endulo, intonga yelifa lakho owayihlengayo, le intaba yeZiyoni ohlala kuyo.

³Phakamisa inyawo zakho ezincithakalweni eziqhubekayo, konke okubi izitha ezikwenzileyo endaweni engcwele.

⁴Izitha zakho zibhongile phakathi kwezindawo zakho zokubuthanela, zamisa impawu zazo zibe zimpawu.

⁵Umuntu waziwa njengophakamisa amahloka eguswini lezihlahla.

⁶Kodwa khathesi zitshaye okubaziweyo kwayo ndawonye ngamahloka lezando.

⁷Zinikele indlu yakho engcwele emlilweni, zangcolisa indawo yokuhlala yebizo lakho ngokuyiwisela emhlabathini.

⁸Zathi enhliziyweni yazo: Kasibachithe ndawonye. Zatshisa zonke indawo zokubuthanela zikaNkulunkulu elizweni.

⁹Impawu zethu kasiziboni; kakusekho mprofethi; kakho kithi owaziyo ukuthi koze kube nini.

¹⁰Koze kube nini, Nkulunkulu, umcindezeli edelela? Isitha sizahlambaza ibizo lakho kokuphela yini?

¹¹Usifinyezeleni isandla sakho, yebo isandla sakho sokunene? Sikhuphe phakathi kwesifuba sakho.

¹²Kanti uNkulunkulu uyiNkosi yami kusukela endulo, eyenza insindiso phakathi komhlaba.

¹³Nguwe owehlukanisa ulwandle ngamandla akho; wafohloza amakhanda emigobho emanzini.

¹⁴Nguwe owachoboza amakhanda kaLeviyathani*, wamnikela waba yikudla kwabantu enkangala.

¹⁵Nguwe owaqhekeza umthombo lesifula, nguwe owomisa imifula egeleza njalo.

¹⁶Usuku ngolwakho, lobusuku ngobakho; nguwe owamisa ukukhanya lelanga.

¹⁷Nguwe owamisa yonke imikhawulo yomhlaba; nguwe owenza ihlobo lobusika.

¹⁸Khumbula lokhu, isitha siyangisile, Nkosi, labantu abayizithutha bahlambazile ibizo lakho.

¹⁹Ungawunikeli umphefumulo wejuba lakho ezinyamazaneni zendle; ungakhohlwa ixuku lezihlupheki zakho phakade.

²⁰Nanzelela isivumelwano; ngoba indawo ezimnyama zomhlaba zigcwele indawo zokuhlala zesihluku.

²¹Kangabuyeli eyangekile ocindezelweyo; ohluphekayo loswelayo kabalidumise ibizo lakho.

²²Vuka, Nkulunkulu! Ulumele udaba lwakho, ukhumbule ihlazo lakho ngoyisiwula usuku lonke.

²³Ungakhohlwa ilizwi lezitha zakho, ukuxokozela kwabakuvukelayo kwenyuka njalonjalo.

Ndebele Bible
Tap a verse to copy, share, highlight or add a note. Dotted words link to encyclopedia articles.

23 verses in this psalm

74 / 150 psalms

The text is Ndebele Bible(은데벨레어) — From getbible.net (CrossWire SWORD module) · license: GFDL Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 74 Ndebele Bible

Articles mentioning this psalm

More