Psalms Psalm 78 Ndebele Bible

Poetry & wisdom · Psalms · Ndebele Bible · 72 verses

Verse layout

📝 Overview of this psalm Flow, key verses and people

시편 78편은 아삽의 교훈시로, 출애굽부터 다윗의 즉위까지 이스라엘의 역사를 되짚으며 하나님의 신실하심과 백성의 거듭된 불순종을 대비하고, 이 일을 다음 세대에 전하라고 권한다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72

78Psalms · Ndebele Bible

¹Lalelani, bantu bami, umthetho wami, libeke indlebe yenu emazwini omlomo wami.

²Ngizavula umlomo wami ngomfanekiso, ngikhuphe izimfihlakalo zendulo,

³esizizwileyo lesizaziyo, obaba abasitshela zona.

⁴Kasiyikuzifihlela abantwana babo, kusizukulwana esilandelayo, silandisa izindumiso zeNkosi, lamandla ayo, lezimangaliso ezenzileyo.

⁵Ngoba wamisa ubufakazi koJakobe, wabeka umlayo koIsrayeli, awulaya obaba, ukuze bawazise abantwana babo,

⁶ukuze isizukulwana esilandelayo sazi, abantwana abazazalwa, basukume batshele abantwana babo,

⁷ukuze babeke ithemba labo kuNkulunkulu, bangayikhohlwa imisebenzi kaNkulunkulu, kodwa bagcine imithetho yakhe;

⁸njalo bangabi njengaboyise, isizukulwana esilenkani lesivukelayo, isizukulwana esingaqondisanga inhliziyo yaso, lesimoya waso ungathembekanga kuNkulunkulu.

⁹Abantwana bakoEfrayimi, behlomile betshoka ngamadandili, babuyela emuva mhla wempi.

¹⁰Kabasilondolozanga isivumelwano sikaNkulunkulu, bala ukuhamba emlayweni wakhe.

¹¹Bakhohlwa izenzo zakhe lezimangaliso zakhe ayebatshengisa zona.

¹²Phambi kwaboyise wenza isimangaliso elizweni leGibhithe, egangeni leZowani.

¹³Waqhekeza ulwandle, wabachaphisa, wenza amanzi ema njengenqumbi.

¹⁴Wabakhokhela ngeyezi emini, lebusuku bonke ngokukhanya komlilo.

¹⁵Waqhekeza amadwala enkangala, wabanathisa kungathi kuvela ezinzikini ezinkulu.

¹⁶Waseveza izifula edwaleni, wenza amanzi ehla njengemifula.

¹⁷Kodwa baphinda futhi ukona kuye, ngokumvukela oPhezukonke enkangala.

¹⁸Bamlinga uNkulunkulu enhliziyweni yabo ngokucela ukudla kwenkanuko yabo.

¹⁹Basebekhuluma bemelene loNkulunkulu bathi: UNkulunkulu angalungisa itafula enkangala yini?

²⁰Khangela, watshaya idwala, kwampompoza amanzi, lezifula zagabha; anganika lesinkwa yini? angalungisela abantu bakhe inyama na?

²¹Ngakho iNkosi yezwa yathukuthela; umlilo wasubaselwa uJakobe, njalo lolaka lwavukela uIsrayeli,

²²ngoba kabakholwanga kuNkulunkulu, kabathembanga esindisweni lwakhe.

²³Lanxa walaya amayezi ngaphezulu, wavula iminyango yamazulu,

²⁴wabanisela imana ukuthi badle, wabapha amabele amazulu.

²⁵Umuntu wadla isinkwa sabalamandla; wabathumela ukudla ukuze basuthe.

²⁶Wenza umoya wempumalanga wavunguza emazulwini; langamandla akhe waqhuba umoya weningizimu.

²⁷Wasenisela phezu kwabo inyama njengothuli, lenyoni ezilempiko njengetshebetshebe lolwandle;

²⁸wazenza zawela phakathi kwenkamba yabo, zagombolozela indawo zabo zokuhlala.

²⁹Ngakho badla basutha kakhulu, ngoba wabalethela isiloyiso sabo.

³⁰Kabehlukananga lenkanuko yabo; ukudla kusesemlonyeni wabo,

³¹ulaka lukaNkulunkulu lwaselubavukela, wabulala kwabakhulupheleyo babo, watshaya abakhethiweyo bakoIsrayeli.

³²Kulokhu konke bajinga besona, njalo kabakholwanga ngenxa yezimangaliso zakhe.

³³Ngakho waziqeda izinsuku zabo ngeze, leminyaka yabo ovalweni.

³⁴Lapho ebabulala, bamdinga, baphenduka, bamdingisisa uNkulunkulu.

³⁵Bakhumbula ukuthi uNkulunkulu ulidwala labo, loNkulunkulu oPhezukonke ungumhlengi wabo.

³⁶Kodwa bamyenga ngomlomo wabo, baqamba amanga kuye ngolimi lwabo.

³⁷Ngoba inhliziyo yabo yayingaqondanga kuye, njalo bengathembekanga esivumelwaneni sakhe.

³⁸Kodwa yena elesihawu wathethelela ububi babo, kababhubhisanga; yebo, kanengi walunqanda ulaka lwakhe, kakuvusanga konke ukuthukuthela kwakhe.

³⁹Ngoba wakhumbula ukuthi bayinyama, umoya odlulayo, ongabuyiyo.

⁴⁰Kanengi kangakanani bemvukela ehlane, bemdabukisa enkangala.

⁴¹Yebo baphenduka bamlinga uNkulunkulu, bamdabukisa oNgcwele kaIsrayeli.

⁴²Kabasikhumbulanga isandla sakhe, usuku abahlenga ngalo esitheni.

⁴³Ukuthi wamisa njani izibonakaliso zakhe eGibhithe, lezimangaliso zakhe emmangweni weZowani,

⁴⁴lokuthi waphendula imifula yabo yaba ligazi, lezifula zabo, ukuze banganathi.

⁴⁵Wathumela phakathi kwabo umtshitshi wezibawu, ezabadlayo, lamaxoxo ababhubhisayo.

⁴⁶Wasenika imihogoyi isivuno sabo, lomsebenzi wabo isikhonyane.

⁴⁷Wabulala ivini labo ngesiqhotho, lemikhiwa yabo yesikhamore ngongqwaqwane.

⁴⁸Wasenikela izifuyo zabo esiqhothweni, lemihlambi yabo kuyo imibane.

⁴⁹Waphosela phezu kwabo ukuvutha kolaka lwakhe, ukuthukuthela, lokucunuka, lokuhlupheka, ngokuthuma izithunywa zobubi.

⁵⁰Walungisela ulaka lwakhe indlela, kanqandanga umphefumulo wabo ekufeni, kodwa wanikela impilo yabo kumatshayabhuqe wesifo.

⁵¹Wasetshaya wonke amazibulo eGibhithe, okokuqala kwamandla emathenteni kaHamu.

⁵²Wasebakhupha abantu bakhe njengezimvu, wabakhokhela enkangala njengomhlambi.

⁵³Wasebakhokhela bephephile ukuze bangesabi; kodwa ulwandle lwasibekela izitha zabo.

⁵⁴Wasebafikisa emkhawulweni wendawo yakhe engcwele, le intaba, isandla sakhe sokunene esayizuzayo.

⁵⁵Wasebaxotsha abezizwe phambi kwabo; wababela ilifa ngomzila, wahlalisa izizwe zakoIsrayeli emathenteni azo.

⁵⁶Kanti bamlinga, bamvukela uNkulunkulu oPhezukonke, kabazigcinanga izifakazelo zakhe.

⁵⁷Kodwa babuyela emuva, benza ngokungathembeki njengaboyise, baphanjulwa njengedandili elikhohlisayo.

⁵⁸Ngoba bamthukuthelisa ngezindawo zabo eziphakemeyo, bavusa umona wakhe ngezithombe zabo ezibaziweyo.

⁵⁹UNkulunkulu esizwa wathukuthela, wamenyanya kakhulu uIsrayeli.

⁶⁰Ngakho walitshiya ithabhanekele leShilo, ithente alimisa phakathi kwabantu.

⁶¹Wasenikela amandla akhe ekuthunjweni, lenkazimulo yakhe esandleni sesitha.

⁶²Wasenikela abantu bakhe enkembeni, waselithukuthelela ilifa lakhe.

⁶³Umlilo waqeda amajaha abo, lezintombi zabo kazihlatshelelwanga.

⁶⁴Abapristi babo bawa ngenkemba, labafelokazi babo kabalilanga.

⁶⁵Khona iNkosi yavuka njengobelele, njengeqhawe eliklabalala ngenxa yewayini.

⁶⁶Yazitshaya izitha zayo emuva, yazithela ihlazo phakade.

⁶⁷Yasilahla ithente likaJosefa, kayikhethanga isizwe sakoEfrayimi.

⁶⁸Kodwa yakhetha isizwe sakoJuda, intaba yeZiyoni eyithandayo.

⁶⁹Yayakha indlu yayo engcwele njengezingqonga, njengomhlaba ewusekeleyo kuze kube nininini.

⁷⁰Yasikhetha uDavida inceku yayo, yamthatha ezibayeni zezimvu;

⁷¹ekulandeleni izimvukazi ezenyisayo, yamletha ukwelusa uJakobe abantu bayo, loIsrayeli ilifa layo.

⁷²Njalo wabelusa njengobuqotho benhliziyo yakhe, wabakhokhela ngobugabazi bezandla zakhe.

Ndebele Bible
Tap a verse to copy, share, highlight or add a note. Dotted words link to encyclopedia articles.

72 verses in this psalm

78 / 150 psalms

The text is Ndebele Bible(은데벨레어) — From getbible.net (CrossWire SWORD module) · license: GFDL Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 78 Ndebele Bible

Articles mentioning this psalm

More