Psalms Psalm 89 Ndebele Bible

Poetry & wisdom · Psalms · Ndebele Bible · 52 verses

Verse layout

📝 Overview of this psalm Flow, key verses and people

시편 89편은 다윗과 맺으신 언약의 영원함을 찬양하다가, 왕조가 무너진 현실 앞에서 그 약속이 어디 있느냐고 탄식하는 52절의 시이다. 마지막 절은 시편 제3권을 마무리하는 송영이다.

Jump to verse

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52

89Psalms · Ndebele Bible

¹Ngizahlabela ngezisa zeNkosi, kuze kube nininini; ngomlomo wami ngizakwazisa ukuthembeka kwakho kusizukulwana lesizukulwana.

²Ngoba ngithe: Umusa uzakwakhiwa kuze kube phakade; emazulwini ngokwawo uzaqinisa uthembeko lwakho.

³Ngenze isivumelwano lomkhethwa wami, ngifungile kuDavida inceku yami.

⁴Ngizaqinisa inzalo yakho kuze kube nininini, ngakhe isihlalo sakho sobukhosi esizukulwaneni lesizukulwana. Sela*.

⁵Lamazulu azadumisa izimangaliso zakho, Nkosi, lalo uthembeko lwakho ebandleni labangcwele.

⁶Ngoba ngubani esibhakabhakeni ongafananiswa leNkosi? Ngubani ofanana leNkosi phakathi kwamadodana abalamandla?

⁷UNkulunkulu uyesabeka kakhulu emhlanganweni wabangcwele, njalo umele ukuhlonitshwa phezu kwabo bonke abamhanqileyo.

⁸Nkosi Nkulunkulu wamabandla, ngubani olamandla njengawe, Nkosi? Lothembeko lwakho lukuhanqile.

⁹Wena uyabusa ukukhukhumala kolwandle; lapho amagagasi alo ephakama wena uyawathulisa.

¹⁰Wena wamchoboza uRahabi njengobuleweyo, wazihlakaza izitha zakho ngengalo yamandla akho.

¹¹Amazulu ngawakho, lomhlaba ngowakho; ilizwe lokugcwala kwalo, wena wakusekela.

¹²Inyakatho leningizimu wakudala wena; iThabhori leHermoni kuzajabula ngebizo lakho.

¹³Ulengalo elamandla, isandla sakho siqinile, isandla sakho sokunene siphakeme.

¹⁴Ukulunga lesahlulelo kuyisisekelo sesihlalo sakho sobukhosi; umusa leqiniso kuhamba phambi kobuso bakho.

¹⁵Babusisiwe abantu abawaziyo umsindo wentokozo; bazahamba ekukhanyeni kobuso bakho, Nkosi.

¹⁶Ebizweni lakho bazathokoza usuku lonke, langokulunga kwakho bazaphakanyiswa.

¹⁷Ngoba wena uludumo lwamandla abo; langomusa wakho uphondo lwethu luzaphakanyiswa.

¹⁸Ngoba isihlangu sethu singeseNkosi, lenkosi yethu ingeyoNgcwele kaIsrayeli.

¹⁹Khona wakhuluma ngombono kongcwele wakho, wathi: Ngibekile usizo phezu kweqhawe, ngimphakamisile okhethiweyo phakathi kwabantu.

²⁰Ngithole uDavida inceku yami, ngamafutha ami angcwele ngimgcobile,

²¹osandla sami sizakuba laye siqinile, ingalo yami layo izamqinisa.

²²Isitha kasiyikumcindezela, lendodana yenkohlakalo kayiyikumhlupha.

²³Ngizazichoboza izitha zakhe phambi kobuso bakhe, ngihluphe abamzondayo.

²⁴Kodwa uthembeko lwami lomusa wami kuzakuba laye, lebizweni lami luzaphakanyiswa uphondo lwakhe.

²⁵Njalo ngizabeka isandla sakhe olwandle, lesandla sakhe sokunene emifuleni.

²⁶Yena uzangibiza ngokuthi: Wena ungubaba wami, uNkulunkulu wami, ledwala losindiso lwami.

²⁷Njalo mina ngizammisa abe lizibulo, aphakame kakhulu kulamakhosi omhlaba.

²⁸Ngizaligcinela umusa wami kuze kube nininini, lesivumelwano sami sizaqina kuye.

²⁹Njalo ngizamisa inzalo yakhe kuze kube nininini, lesihlalo sakhe sobukhosi njengensuku zamazulu.

³⁰Uba abantwana bakhe betshiya umlayo wami, bangahambi ngezahlulelo zami,

³¹uba besephula izimiso zami, bengagcini imithetho yami,

³²ngizaphindisela iziphambeko zabo ngenduku, lesono sabo ngenswazi.

³³Kodwa kangiyikulususa du uthandolomusa wami kuye, ngingakhohlisi ngothembeko lwami.

³⁴Kangiyikwephula isivumelwano sami, lalokho okuphuma endebeni zami kangiyikukuguqula.

³⁵Ngafunga kwaba kanye ngobungcwele bami: Kangiyikuqamba amanga kuDavida.

³⁶Inzalo yakhe izakuba khona kuze kube nininini, lesihlalo sakhe sobukhosi njengelanga phambi kwami.

³⁷Sizaqiniswa njengenyanga kuze kube nininini, lobufakazi emayezini bumi buqinile. Sela*.

³⁸Kodwa wena usulahlile wala, wamthukuthelela ogcotshiweyo wakho.

³⁹Usenze ize isivumelwano senceku yakho; wangcolisa umqhele wakhe emhlabathini.

⁴⁰Uyibhobozile yonke imithangala yakhe, wazenza inqaba zakhe amanxiwa.

⁴¹Bonke abadlula ngendlela bayamphanga; ulihlazo kubomakhelwane bakhe.

⁴²Usiphakamisile isandla sokunene sabamelene laye; wazithokozisa zonke izitha zakhe.

⁴³Futhi ubuyisele emuva ubukhali benkemba yakhe; kawumenzanga ame empini.

⁴⁴Uyiqedile inkazimulo yakhe, lesihlalo sakhe sobukhosi wasiphosela emhlabathini.

⁴⁵Ufinyezile insuku zobutsha bakhe, wamembesa ihlazo. Sela*.

⁴⁶Koze kube nini, Nkosi, ucatsha kuze kube phakade? Ulaka lwakho luvutha njengomlilo yini?

⁴⁷Khumbula ukuthi isikhathi sempilo yami singakanani; kungani wadalela ize bonke abantwana babantu?

⁴⁸Ngubani umuntu ophilayo ongaboni ukufa? Akhulule umphefumulo wakhe esandleni sengcwaba na? Sela*.

⁴⁹Zingaphi izisa zakho zakuqala, Nkosi, owazifunga kuDavida ngothembeko lwakho?

⁵⁰Khumbula, Nkosi, ihlazo lezinceku zakho, engilithwele esifubeni sami, elazo zonke izizwe ezinengi,

⁵¹izitha zakho ezithuke ngalo, Nkosi, ezithuke ngalo izinyathelo zogcotshiweyo wakho.

⁵²Kayibongwe iNkosi kuze kube nininini. Ameni, loAmeni.

Ndebele Bible
Tap a verse to copy, share, highlight or add a note. Dotted words link to encyclopedia articles.

52 verses in this psalm

89 / 150 psalms

The text is Ndebele Bible(은데벨레어) — From getbible.net (CrossWire SWORD module) · license: GFDL Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Psalms Psalm 89 Ndebele Bible

Articles mentioning this psalm

More