14Deuteronomy 14

1Lingabantwana beNkosi uNkulunkulu wenu. Kaliyikuzisika, lingenzi impabanga phakathi laphakathi kwamehlo enu ngenxa yabafileyo.Select Deuteronomy 14:1

2Ngoba uyisizwe esingcwele eNkosini uNkulunkulu wakho; leNkosi ikukhethile ukuthi ube yisizwe esikhethekileyo kuyo, ngaphezu kwezizwe zonke ezisebusweni bomhlaba.Select Deuteronomy 14:2

3Ungadli loba yikuphi okunengekayo.Select Deuteronomy 14:3

4Yilezi inyamazana elingazidla: Inkabi, imvu, lembuzi,Select Deuteronomy 14:4

5indluzele, lomziki, lomziki olempondo ezilembaxambaxa, lembuzi yeganga, lomtshwayeli, lenkabi yeganga, legogo,Select Deuteronomy 14:5

6layo yonke inyamazana edabula isondo, edabula okudabukileyo kube zinklagu ezimbili, eyetshisayo phakathi kwezinyamazana; leyo lingayidla.Select Deuteronomy 14:6

7Kodwa lezi kaliyikuzidla kuzo ezetshisayo, lakuzo ezidabula isondo elidabukileyo: Ikamela lomvundla lembila, ngoba ziyetshisa kodwa kazidabulanga isondo; zingcolile kini.Select Deuteronomy 14:7

8Lengulube, ngoba idabula isondo kodwa kayetshisi; ingcolile kini. Lingadli okwenyama yazo, lingathinti izidumbu zazo.Select Deuteronomy 14:8

9Lezi lingazidla kuzo zonke ezisemanzini: Zonke ezilempiko lamaxolo lingazidla.Select Deuteronomy 14:9

10Kodwa loba yikuphi okungelampiko lamaxolo lingakudli; kungcolile kini.Select Deuteronomy 14:10

11Zonke inyoni ezihlambulukileyo lingazidla.Select Deuteronomy 14:11

12Kodwa yilezi elingayikudla kuzo: Ukhozi lelinqe lengqungqulu edla inhlanzi,Select Deuteronomy 14:12

13lomzwazwa, lohelwane, lelinqe ngohlobo lwalo,Select Deuteronomy 14:13

14lalo lonke iwabayi ngohlobo lwalo,Select Deuteronomy 14:14

15lesikhova, lomandukulo, lenkanku, lokhozi ngohlobo lwalo,Select Deuteronomy 14:15

16isikhova esincinyane, lesikhova esikhulu, lesikhova esimhlophe,Select Deuteronomy 14:16

17lewunkwe, lelinqe elikhulu, letshayamanzi,Select Deuteronomy 14:17

18lengabuzane, lehemu ngohlobo lwalo, lemvenduna, lolulwane.Select Deuteronomy 14:18

19Lazo zonke izibungu ezilempiko zingcolile kini; kazingadliwa.Select Deuteronomy 14:19

20Zonke izinyoni ezihlambulukileyo lingazidla.Select Deuteronomy 14:20

21Lingabokudla langcuba; ungayinika owemzini ophakathi kwamasango akho ukuthi ayidle, loba uyithengise kowezizwe; ngoba uyisizwe esingcwele eNkosini uNkulunkulu wakho. Ungapheki izinyane lembuzi ngochago lukanina.Select Deuteronomy 14:21

22Uzanikela ngoqotho okwetshumi kwesithelo sonke senhlanyelo yakho, insimu ekuthelayo iminyaka ngeminyaka.Select Deuteronomy 14:22

23Njalo uzakudla phambi kweNkosi uNkulunkulu wakho, endaweni ezayikhetha ukuthi ibeke ibizo layo khona, okwetshumi kwamabele akho, okwewayini lakho elitsha, lokwamafutha akho, lamazibulo enkomo zakho lawezimvu zakho, ukuze ufunde ukuyesaba iNkosi uNkulunkulu wakho insuku zonke.Select Deuteronomy 14:23

24Uba-ke indlela inde kakhulu kuwe, uze wehluleke ukukuthwala, ngoba ikhatshana kakhulu lawe indawo iNkosi uNkulunkulu wakho ezayikhetha ukuthi ibeke ibizo layo khona, lapho iNkosi uNkulunkulu wakho ikubusisile,Select Deuteronomy 14:24

25uzakuguqula-ke kube yimali, ubophele imali esandleni sakho, uye endaweni iNkosi uNkulunkulu wakho ezayikhetha,Select Deuteronomy 14:25

26uthenge ngaleyomali loba kuyini umphefumulo wakho okufisayo, izinkabi loba izimvu loba iwayini loba okunathwayo okulamandla, loba kuyini umphefumulo wakho okufisayo; udle khona phambi kweNkosi uNkulunkulu wakho, uthabe wena lendlu yakho.Select Deuteronomy 14:26

27LomLevi ophakathi kwamasango akho, ungamdeli, ngoba kalasabelo lelifa kanye lawe.Select Deuteronomy 14:27

28Ekupheleni kweminyaka emithathu uzakhupha konke okwetshumi kwezithelo zakho ngalowomnyaka, ukugcine phakathi kwamasango akho.Select Deuteronomy 14:28

29LomLevi, lokhu engelasabelo lelifa kanye lawe, lowemzini, lentandane, lomfelokazi, abaphakathi kwamasango akho, bazakuza, badle, basuthe, ukuze iNkosi uNkulunkulu wakho ikubusise emsebenzini wonke wesandla sakho owenzayo.Select Deuteronomy 14:29