6Deuteronomy 6

1Lale yimilayo, izimiso, lezahlulelo iNkosi uNkulunkulu wenu elaya ukulifundisa, ukuthi lizenze elizweni elichaphela kulo ukuthi lidle ilifa lalo,Select Deuteronomy 6:1

2ukuze uyesabe iNkosi uNkulunkulu wakho, ukugcina zonke izimiso zayo lemithetho yayo engikulaya yona, wena lendodana yakho lendodana yendodana yakho, zonke izinsuku zempilo yakho, ukuze insuku zakho zelulwe.Select Deuteronomy 6:2

3Ngakho zwana, Israyeli, unanzelele ukuzenza, ukuze kukulungele, ukuze wande kakhulu, njengokuthembisa kweNkosi uNkulunkulu waboyihlo kuwe, elizweni eligeleza uchago loluju.Select Deuteronomy 6:3

4Zwana, Israyeli, iNkosi uNkulunkulu wethu, yiNkosi yinye.Select Deuteronomy 6:4

5Njalo wothanda iNkosi uNkulunkulu wakho ngenhliziyo yakho yonke langomphefumulo wakho wonke langamandla akho wonke.Select Deuteronomy 6:5

6Njalo amazwi la engikulaya ngawo lamuhla azakuba senhliziyweni yakho;Select Deuteronomy 6:6

7njalo uzawafundisa abantwana bakho ngokukhuthala, uzakhuluma ngawo lapho uhlezi endlini yakho, lalapho uhamba endleleni, lalapho ulala, lalapho uvuka.Select Deuteronomy 6:7

8Uzawabophela esandleni sakho abe luphawu, njalo abe ngamafilakteriyu* phakathi laphakathi kwamehlo akho.Select Deuteronomy 6:8

9Njalo uzawabhala emigubazini yendlu yakho, lemasangweni akho.Select Deuteronomy 6:9

10Kuzakuthi lapho iNkosi uNkulunkulu wakho ikungenisa elizweni eyafunga kuboyihlo, kuAbrahama, kuIsaka lakuJakobe, ukukunika imizi emikhulu lemihle, ongayakhanga,Select Deuteronomy 6:10

11lezindlu ezigcwele zonke izinto ezinhle, ongazigcwalisanga, lemithombo eyagejwayo ongayigebhanga, izivini lezihlahla zemihlwathi ongazihlanyelanga, lapho udlile wasutha,Select Deuteronomy 6:11

12ziqaphele, hlezi uyikhohlwe iNkosi eyakukhupha elizweni leGibhithe, endlini yobugqili.Select Deuteronomy 6:12

13Uzayesaba iNkosi uNkulunkulu wakho, uyikhonze, ufunge ngebizo layo.Select Deuteronomy 6:13

14Lingalandeli abanye onkulunkulu, babonkulunkulu bezizwe ezilizungelezeleyo.Select Deuteronomy 6:14

15Ngoba iNkosi uNkulunkulu wakho inguNkulunkulu olobukhwele phakathi kwakho, hlezi ulaka lweNkosi uNkulunkulu wakho lukuvuthele, ikuchithe usuke ebusweni bomhlaba.Select Deuteronomy 6:15

16Lingayilingi iNkosi uNkulunkulu wenu njengalokhu layilinga eMasa.Select Deuteronomy 6:16

17Ligcine lokugcina imilayo yeNkosi uNkulunkulu wenu, lobufakazi bayo, lezimiso zayo, ekulaye zona.Select Deuteronomy 6:17

18Njalo wenze okuqondileyo lokulungileyo emehlweni eNkosi, ukuze kukulungele, lokuthi ungene udle ilifa lelizwe elihle, iNkosi eyalifungela oyihlo,Select Deuteronomy 6:18

19ukuxotsha zonke izitha zakho phambi kwakho, njengalokhu iNkosi ikhulumile.Select Deuteronomy 6:19

20Lapho indodana yakho ikubuza esikhathini esizayo isithi: Buyini ubufakazi lezimiso lezahlulelo iNkosi uNkulunkulu wethu elilaye zona?Select Deuteronomy 6:20

21Khona uzakuthi endodaneni yakho: Sasiyizigqili zikaFaro eGibhithe, leNkosi yasikhupha eGibhithe ngesandla esilamandla.Select Deuteronomy 6:21

22Njalo iNkosi yenza izibonakaliso lezimangaliso ezinkulu lezimbi eGibhithe, phezu kukaFaro laphezu kwendlu yakhe yonke, phambi kwamehlo ethu.Select Deuteronomy 6:22

23Yasikhupha khona ukuze isingenise, ukusinika ilizwe eyalifungela obaba.Select Deuteronomy 6:23

24INkosi yasisilaya ukwenza zonke lezizimiso, ukwesaba iNkosi uNkulunkulu wethu, ukuze kusilungele insuku zonke, ukusilondoloza siphila njengalamuhla.Select Deuteronomy 6:24

25Kuzakuba yikulunga kithi, uba sinanzelela ukwenza limilayo yonke phambi kweNkosi uNkulunkulu wethu, njengokusilaya kwayo.Select Deuteronomy 6:25