Song of Songs Chapter 4 Ndebele Bible

Poetry & wisdom · Song of Songs · Ndebele Bible · 16 verses

Verse layout

Overview of this chapter About Song of Songs

📝 Overview of this chapter Flow, key verses and people

아가 4장은 신랑이 신부의 눈·머리털·입술·목 등을 자연과 향품에 빗대어 칭송하고, 신부를 잠근 동산과 봉한 샘에 견주는 사랑의 노래다. 마지막 절에서 신부가 사랑하는 이를 자기 동산으로 부른다.

Jump to verse

4Song of Songs · Ndebele Bible

¹Khangela, umuhle, mthandwa wami, khangela, umuhle. Amehlo akho angawamajuba ngaphakathi kweveyili lakho; inwele zakho zinjengomhlambi wembuzi zisehla entabeni iGileyadi.

²Amazinyo akho anjengomhlambi wezimvukazi ezigundiweyo, ezikhuphuka ekugezisweni, okuthi zonke zazo zizele amaphahla, njalo kungekho efelwayo phakathi kwazo.

³Indebe zakho zinjengentambo ebomvu, lenkulumo yakho yinhle. Inhlafuno zakho phakathi kweveyili lakho zinjengocezu lwepomegranati*.

⁴Intamo yakho injengomphotshongo kaDavida owakhiwe waba yindlu yezikhali, okulenga kuwo amahawu ayinkulungwane, wonke ayizihlangu zamaqhawe.

⁵Amabele akho womabili anjengabantwana ababili bomziki, abangamaphahla empala, abadla phakathi kwemiduze.

⁶Kuze kube semadabukakusa, lamathunzi abaleke, mina ngizakuya entabeni yemure*, leqaqeni lwempepha.

⁷Wena wonke umuhle, mthandwa wami, kakukho sici kuwe.

⁸Woza lami sisuke eLebhanoni, makoti wami, lami sisuke eLebhanoni. Khangela usengqongeni yeAmana, engqongeni yeSeniri leyeHermoni, ezimbalwini zezilwane, entabeni zezingwe.

⁹Uyithumbile inhliziyo yami, dadewethu, makoti, uyithumbile inhliziyo yami ngelinye lamehlo akho, ngesigqizo esisodwa sentamo yakho.

¹⁰Luhle kangakanani uthando lwakho, dadewethu, makoti! Lungcono kangakanani uthando lwakho kulewayini, lephunga lamagcobo akho kulamakha wonke.

¹¹Indebe zakho, makoti, zithonta njengohlanga loluju; uluju lochago kungaphansi kolimi lwakho, lephunga lezembatho zakho linjengephunga leLebhanoni.

¹²Uyisivande esikhiyiweyo, dadewethu, makoti, umthombo okhiyiweyo, isiphethu esinanyekwe ngophawu.

¹³Amahlumela akho ayisivande samapomegranati*, lezithelo ezimnandi, ihena* lenadi*,

¹⁴inadi* lesafroni*, ikhalamu* lekinamoni*, lezihlahla zonke zempepha, imure lenhlaba, lamakha wonke aqakathekileyo;

¹⁵umthombo wezivande, umgodi wamanzi aphilayo, lezifula ezivela eLebhanoni.

¹⁶Vuka, moya wenyakatho, uze lawe, moya weningizimu, uphephethe esivandeni sami ukuze amakha aso ageleze aphume. Kasize isithandwa sami esivandeni saso, sidle izithelo zaso ezimnandi.

Ndebele Bible
Tap a verse to copy, share, highlight or add a note. Dotted words link to encyclopedia articles.

16 verses in this chapter

4 / 8 chapters

The text is Ndebele Bible(은데벨레어) — From getbible.net (CrossWire SWORD module) · license: GFDL Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Song of Songs Chapter 4 Ndebele Bible

Articles mentioning this chapter

More