4James 4

1Zivela ngaphi izimpi lokulwa phakathi kwenu? Kakuveli lapha yini, enkanukweni zenu ezilwayo ezithweni zenu?Select James 4:1

2Liyafisa, kodwa kalilalutho; liyabulala njalo lilomhawu, kodwa lingeke lazuza; liyalwa futhi lenza impi, kodwa kalilalutho, ngoba kaliceli;Select James 4:2

3liyacela njalo kalemukeli, ngoba licela kubi, ukuze likuchithele enkanukweni zenu.Select James 4:3

4Zifebe lezifebekazi, kalazi yini ukuthi uthando lomhlaba luyibutha kuNkulunkulu? Ngakho loba ngubani othanda ukuba ngumngane womhlaba, wenziwa isitha sikaNkulunkulu.Select James 4:4

5Kumbe licabanga yini ukuthi umbhalo utsho ize: Umoya ohlala kithi ufisela kumona?Select James 4:5

6Kodwa uyanika umusa omkhulu; ngakho uthi: UNkulunkulu umelana labazigqajayo, kodwa abathobekileyo uyabapha umusa.Select James 4:6

7Ngakho zehliseleni kuNkulunkulu, melanani lodiyabhola, njalo uzalibalekela.Select James 4:7

8Sondelani kuNkulunkulu, laye uzasondela kini; gezani izandla, zoni, njalo lihlanze izinhliziyo, lina banhliziyombili.Select James 4:8

9Danani lilile likhale; ukuhleka kwenu kakuphendulwe ukulila, lentokozo ukudana.Select James 4:9

10Zithobeni phambi kweNkosi, njalo izaliphakamisa.Select James 4:10

11Lingahlebani, bazalwane. Lowo ohleba umzalwane, amehlulele umzalwane wakhe, uhleba umlayo, ehlulele umlayo; kodwa uba usehlulela umlayo, kawusumenzi womlayo, kodwa umahluleli.Select James 4:11

12Munye ummisumlayo, olamandla okusindisa lokubhubhisa; wena ungubani owahlulela omunye?Select James 4:12

13Minani-ke lina elithi: Lamuhla loba kusasa sizakuya emzini othile, sihlale khona umnyaka owodwa sithengiselane sizuze;Select James 4:13

14elingakwaziyo okwakusasa. Ngoba iyini impilo yenu? Ngoba iyinkungu ebonakala okwesikhatshana, emva kwalokho ibisinyamalala;Select James 4:14

15endaweni yalokho ngabe lithi: Uba iNkosi ivuma, njalo sizaphila, sibe sesisenza lokhu kumbe lokhuyana.Select James 4:15

16Kodwa khathesi liyazincoma ekuzigqajeni kwenu; konke ukuzincoma okunje kubi.Select James 4:16

17Ngakho lowo okwaziyo ukwenza okuhle kodwa engakwenzi, kuyisono kuye.Select James 4:17