1Ephesians 1

1UPawuli, umphostoli kaJesu Kristu ngentando kaNkulunkulu, kubo abangcwele abaseEfesu, labathembekileyo kuKristu Jesu:Select Ephesians 1:1

2Umusa kawube kini lokuthula okuvela kuNkulunkulu uBaba wethu laseNkosini uJesu Kristu.Select Ephesians 1:2

3Ubusisiwe uNkulunkulu loYise weNkosi yethu uJesu Kristu, osibusisileyo ngaso sonke isibusiso somoya ezintweni zezulwini kuKristu;Select Ephesians 1:3

4njengoba wasikhetha kuye ngaphambi kokusekelwa komhlaba, ukuthi sibe ngcwele, njalo singasoleki phambi kwakhe ethandweni,Select Ephesians 1:4

5esesimisele ngaphambili ukuma kwabantwana kuye ngoJesu Kristu, njengokufisa okuhle kwentando yakhe,Select Ephesians 1:5

6kube ludumo lobukhosi bomusa wakhe, asiphe wona ngesihle ngaye oThandiweyo;Select Ephesians 1:6

7esilohlengo kuye ngegazi lakhe, uthethelelo lweziphambeko, njengokwenotho yomusa wakhe,Select Ephesians 1:7

8awengezelele kithi kuyo yonke inhlakanipho lokuqonda,Select Ephesians 1:8

9esesazisile imfihlo yentando yakhe, njengokufisa kwakhe okuhle, akumisa kuye ngokwakhe,Select Ephesians 1:9

10ukuze, ekuphatheni kokugcwaliseka kwezikhathi, ahlanganise ndawonye izinto zonke kuKristu, zombili ezisemazulwini lezisemhlabeni;Select Ephesians 1:10

11ngitsho kuye, lathi esabelwa ilifa kuye, esamiselwa ngaphambili njengokwesimiso sakhe owenzayo izinto zonke njengokwecebo lentando yakhe,Select Ephesians 1:11

12ukuze sibe ngabodumo lobukhosi bakhe, esathemba kuKristu kuqala;Select Ephesians 1:12

13eselithemba kuye lani, selizwile ilizwi leqiniso, ivangeli losindiso lwenu; kuye selikholiwe lani laphawulwa nguMoya oNgcwele wesithembiso,Select Ephesians 1:13

14oyisibambiso selifa lethu, kube yikuhlengwa okuzuziweyo, kudumo lobukhosi bakhe.Select Ephesians 1:14

15Ngenxa yalokho lami sengizwile ngokholo lwenu eNkosini uJesu lothando kubo bonke abangcwele,Select Ephesians 1:15

16kangiyekeli ukulibongela, ngiliphatha emikhulekweni yami;Select Ephesians 1:16

17ukuze uNkulunkulu weNkosi yethu uJesu Kristu, uYise wodumo, alinike umoya wenhlakanipho lowesambulo elwazini lwakhe;Select Ephesians 1:17

18amehlo engqondo yenu akhanyiswe, ukuze lazi ukuthi liyini ithemba lobizo lwakhe, lokuthi iyini inotho yodumo lwelifa lakhe kwabangcwele,Select Ephesians 1:18

19lokuthi buyini ubukhulu bamandla akhe obudlula amalawulo kithi esikholwa njengokusebenza kobuninimandla bamandla akhe,Select Ephesians 1:19

20awasebenzisa kuKristu, emvusa kwabafileyo, njalo emhlalisa ngakwesokunene sakhe endaweni zezulu,Select Ephesians 1:20

21phezulu kakhulu kwakho konke ukubusa lobukhulu lamandla lobukhosi, lebizo lonke elibizwayo, kungeyisikho kulesisikhathi kuphela, kodwa lakwesizayo;Select Ephesians 1:21

22wasebeka konke ngaphansi kwenyawo zakhe, wamnikela ukuba yinhloko phezu kwakho konke kulo ibandla,Select Ephesians 1:22

23elingumzimba wakhe, ukugcwala kwalowo ogcwalisa konke kukho konke.Select Ephesians 1:23