1John 1

1Ekuqaleni wayekhona uLizwi, njalo uLizwi wayeloNkulunkulu, njalo uLizwi wayenguNkulunkulu.Select John 1:1

2Yena lo wayeloNkulunkulu ekuqaleni.Select John 1:2

3Zonke izinto zenziwa ngaye, njalo ngaphandle kwakhe kakulalutho lolulodwa olwenziwayo lolo olwenziweyo.Select John 1:3

4Impilo yayikuye, njalo impilo yayiyikukhanya kwabantu,Select John 1:4

5lokukhanya kukhanya emnyameni, kodwa ubumnyama kabukwemukelanga.Select John 1:5

6Kwavela umuntu ethunywe nguNkulunkulu, obizo lakhe linguJohane;Select John 1:6

7yena lo wezela ubufakazi, ukuze afakaze ngokukhanya, ukuze bonke bakholwe ngaye.Select John 1:7

8Yena wayengayisikho ukukhanya, kodwa ukuze afakaze ngokukhanya.Select John 1:8

9Kwakuyikukhanya okuqotho, okukhanyisa wonke umuntu oza emhlabeni.Select John 1:9

10Wayekhona emhlabeni, njalo umhlaba wenziwa ngaye, kodwa umhlaba kawumazanga.Select John 1:10

11Weza kokwakhe, kodwa abakhe kabamemukelanga.Select John 1:11

12Kodwa bonke abamemukelayo, wabapha amandla okuthi babe ngabantwana bakaNkulunkulu, labo abakholwa ebizweni lakhe;Select John 1:12

13abazalwa kungeyisikho ngegazi, langentando yenyama, langentando yendoda, kodwa nguNkulunkulu.Select John 1:13

14ULizwi wasesiba yinyama, wahlala phakathi kwethu, njalo sabona inkazimulo yakhe, inkazimulo injengeyozelwe yedwa kaYise, egcwele umusa leqiniso.Select John 1:14

15UJohane wafakaza ngaye, wamemeza wathi: Nguye lo ebengisitsho ngaye ukuthi: Lowo ozayo emva kwami uphambi kwami; ngoba wayekhona kuqala kulami.Select John 1:15

16Lekugcwaleni kwakhe thina semukele sonke, futhi umusa ngomusa;Select John 1:16

17ngoba umlayo wanikwa ngoMozisi, umusa leqiniso kweza ngoJesu Kristu.Select John 1:17

18Kakho owake wabona uNkulunkulu; iNdodana ezelwe yodwa, esesifubeni sikaYise, yiyo emvezileyo.Select John 1:18

19Njalo lobu yibufakazi bukaJohane, mhla amaJuda ethuma abapristi lamaLevi bevela eJerusalema ukuze bambuze ukuthi: Wena ungubani?Select John 1:19

20Wasevuma, kaphikanga; futhi wavuma wathi: Kangisuye uKristu mina.Select John 1:20

21Bambuza futhi bathi: Kuyini pho? Wena unguElija yini? Wasesithi: Kangisuye. Wena ungulowomProfethi yini? Wasephendula wathi: Hatshi.Select John 1:21

22Basebesithi kuye: Ungubani? Ukuze sibaphe impendulo abasithumileyo; uthini ngawe?Select John 1:22

23Wathi: Mina ngiyilizwi lomemezayo enkangala: Lungisani indlela yeNkosi, njengoba uIsaya umprofethi watsho.Select John 1:23

24Lalabo ababethunyiwe babevela kubaFarisi.Select John 1:24

25Basebembuza, bathi kuye: Ubhabhathizelani pho, uba wena ungeyisuye uKristu, loElija, lalowomProfethi?Select John 1:25

26UJohane wabaphendula, wathi: Mina ngibhabhathiza ngamanzi; kodwa phakathi kwenu kumi, lina elingamaziyo;Select John 1:26

27nguye ozayo emva kwami, ophambi kwami, engingafanele mina ukuthukulula umchilo wenyathela lakhe.Select John 1:27

28Lezizinto zenzeka eBethabara ngaphetsheya kweJordani, lapho uJohane ayebhabhathiza khona.Select John 1:28

29Kusisa uJohane wabona uJesu esiza kuye, wathi: Khangelani iWundlu likaNkulunkulu, elisusa isono somhlaba.Select John 1:29

30Nguye lo mina ebengilitshela ngaye ukuthi: Emva kwami kuza indoda, eyayikhona phambi kwami, ngoba yayikhona kuqala kulami.Select John 1:30

31Lami bengingamazi; kodwa ukuze abonakaliswe kuIsrayeli, ngalokho mina ngizile ngibhabhathiza ngamanzi.Select John 1:31

32UJohane wasefakaza, esithi: Ngibonile uMoya esehla ezulwini njengejuba, wahlala phezu kwakhe.Select John 1:32

33Lami bengingamazi; kodwa owangithumayo ukubhabhathiza ngamanzi, yena wathi kimi: Lowo ozabona uMoya esehlela phezu kwakhe ahlale kuye, nguye obhabhathiza ngoMoya oNgcwele.Select John 1:33

34Mina ngibonile, ngafakaza ukuthi lo uyiNdodana kaNkulunkulu.Select John 1:34

35Kusisa futhi uJohane wayemi, lababili kubafundi bakhe;Select John 1:35

36wasekhangela uJesu ehambahamba, wathi: Khangelani iWundlu likaNkulunkulu.Select John 1:36

37Abafundi ababili bamuzwa ekhuluma, basebemlandela uJesu.Select John 1:37

38Kwathi uJesu enyemukula ebabona belandela, wathi kubo: Lidingani? Basebesithi kuye: Rabi*, (okuyikuthi ngokuphendulelwa, Mfundisi) uhlala ngaphi?Select John 1:38

39Wathi kubo: Wozani libone. Beza babona lapho ayehlala khona; bahlala laye ngalolosuku; kwakungaba lihola letshumi*.Select John 1:39

40UAndreya umfowabo kaSimoni Petro wayengomunye wababili ababekuzwe ngoJohane bamlandela.Select John 1:40

41Yena wathola kuqala umfowabo uqobo uSimoni, wathi kuye: Simtholile uMesiya, okuphendulelwa ngokuthi, uKristu.Select John 1:41

42Wasemletha kuJesu. UJesu esemkhangele wathi: Wena unguSimoni indodana kaJona; uzathiwa nguKefasi, okuphendulelwa ngokuthi uPetro.Select John 1:42

43Kusisa uJesu wayefuna ukusuka aye eGalili, wathola uFiliphu, wathi kuye: Ngilandela.Select John 1:43

44UFiliphu-ke wayengoweBhethisayida, emzini wakibo kaAndreya loPetro.Select John 1:44

45UFiliphu wathola uNathaniyeli, wathi kuye: Simtholile lowo abhala ngaye uMozisi emlayweni labaprofethi, uJesu weNazaretha, indodana kaJosefa.Select John 1:45

46UNathaniyeli wasesithi kuye: Kambe kungavela okuhle eNazaretha? UFiliphu wathi kuye: Woza ubone.Select John 1:46

47UJesu wabona uNathaniyeli esiza kuye, wathi ngaye: Khangelani umIsrayeli uqobo, okungekho nkohliso kuye.Select John 1:47

48UNathaniyeli wathi kuye: Ungazela ngaphi? UJesu waphendula wathi kuye: UFiliphu engakakubizi, ungaphansi komkhiwa, ngakubona.Select John 1:48

49UNathaniyeli waphendula wathi kuye: Rabi, wena uyiNdodana kaNkulunkulu, wena uyiNkosi kaIsrayeli.Select John 1:49

50UJesu waphendula wathi kuye: Uyakholwa ngoba ngithe kuwe, bengikubona ungaphansi komkhiwa. Uzabona izinto ezinkulu kulalezi.Select John 1:50

51Wasesithi kuye: Ngiqinisile, ngiqinisile, ngithi kini: Kusukela khathesi lizabona izulu livulekile, lengilosi zikaNkulunkulu zisenyuka zisehla phezu kweNdodana yomuntu.Select John 1:51