4John 4

1Kwathi-ke iNkosi isisazi ukuthi abaFarisi sebezwile ukuthi uJesu wenza wabhabhathiza abafundi abanengi kuloJohane,Select John 4:1

2lanxa uJesu ngokwakhe wayengabhabhathizi, kodwa abafundi bakhe,Select John 4:2

3wasuka eJudiya, wasuka waya futhi eGalili.Select John 4:3

4Kodwa kwakumele ukuthi adabule eSamariya.Select John 4:4

5Wafika-ke emzini weSamariya okuthiwa yiSikari, eduze lesiqinti uJakobe asinika indodana yakhe uJosefa;Select John 4:5

6lomthombo kaJakobe wawulapho. Ngakho uJesu ekhathele ngohambo wahlala ngokunjalo emthonjeni. Kwakungaba lihola lesithupha*.Select John 4:6

7Kwafika owesifazana evela eSamariya ukuzakukha amanzi; uJesu wathi kuye: Nginathisa.Select John 4:7

8(Ngoba abafundi bakhe babehambile baya emzini, ukuze bathenge ukudla.)Select John 4:8

9Ngakho owesifazana umSamariya wathi kuye: Kungani wena ungumJuda ucela ukunatha kimi, owesifazana ongumSamariya? Ngoba amaJuda awalabudlelwano lamaSamariya.Select John 4:9

10UJesu waphendula wathi kuye: Aluba ubusazi isipho sikaNkulunkulu, lokuthi ungubani othi kuwe: Nginathisa; ubuzacela kuye, njalo ubezakunika amanzi aphilayo.Select John 4:10

11Owesifazana wathi kuye: Nkosi, kawulalutho lokukha, lomgodi uyatshona; uwathethe ngaphi pho amanzi aphilayo?Select John 4:11

12Wena umkhulu yini kulobaba wethu uJakobe, owasinika umgodi, wanatha kuwo yena, labantwana bakhe, lemihlambi yakhe?Select John 4:12

13UJesu waphendula wathi kuye: Wonke onatha lamanzi, uzakoma futhi;Select John 4:13

14kodwa loba ngubani onatha amanzi mina engizamnika wona, kasoze ome kuze kube laphakade; kodwa amanzi engizamnika wona azakuba ngumthombo wamanzi phakathi kwakhe ogobhozela empilweni elaphakade.Select John 4:14

15Owesifazana wathi kuye: Nkosi, ngipha lawomanzi, ukuze ngingomi, ngingabe ngiseza lapha ukukha.Select John 4:15

16UJesu wathi kuye: Hamba, ubize umkakho, uze lapha.Select John 4:16

17Owesifazana waphendula wathi: Kangilandoda. UJesu wathi kuye: Utsho kuhle ukuthi: Kangilandoda;Select John 4:17

18ngoba usuke waba lamadoda amahlanu, le olayo khathesi kayisiyo indoda yakho; lokhu ukutsho uqinisile.Select John 4:18

19Owesifazana wathi kuye: Nkosi, ngiyabona ukuthi wena ungumprofethi.Select John 4:19

20Obaba bethu babekhonza kulintaba; kodwa lina lithi iseJerusalema indawo lapho okufanele umuntu akhonze khona.Select John 4:20

21UJesu wathi kuye: Mama, kholwa kimi, ukuthi ihola liyeza, lapho elizakhonza uBaba kungeyisikho kulintaba, kumbe eJerusalema.Select John 4:21

22Lina likhonza elingakwaziyo; thina sikhonza esikwaziyo; ngoba usindiso luvela kumaJuda.Select John 4:22

23Kodwa ihola liyeza njalo seliyilo, lapho abakhonzi abaqotho bazakhonza uBaba ngomoya langeqiniso; ngoba-ke uBaba udinga abanjalo abamkhonzayo.Select John 4:23

24UNkulunkulu unguMoya; lalabo abamkhonzayo, bafanele ukukhonza ngomoya langeqiniso.Select John 4:24

25Owesifazana wathi kuye: Ngiyazi ukuthi uMesiya uyeza okuthiwa nguKristu; nxa lo esefikile, uzasitshela konke.Select John 4:25

26UJesu wathi kuye: Mina nginguye, okhuluma lawe.Select John 4:26

27Kwathi ngalesosikhathi bafika abafundi bakhe, bamangala ukuthi wayekhuluma lowesifazana; kodwa kakho owathi: Udingani? Kumbe: Ukhulumelani laye?Select John 4:27

28Ngakho owesifazana wasetshiya inkonxa yakhe, wasesuka waya emzini, wathi ebantwini:Select John 4:28

29Wozani, libone umuntu, ongitshele konke engakwenzayo; kambe kayisuye yini uKristu lo?Select John 4:29

30Ngakho baphuma emzini, beza kuye.Select John 4:30

31Kusenjalo abafundi bamncenga besithi: Rabi*, dlana.Select John 4:31

32Kodwa wathi kubo: Mina ngilokudla engikudlayo lina elingakwaziyo.Select John 4:32

33Basebekhulumisana abafundi besithi: Kambe ukhona omlethele ukudla?Select John 4:33

34UJesu wathi kubo: Ukudla kwami kuyikuthi ngenze intando yongithumileyo, lokuthi ngiqede umsebenzi wakhe.Select John 4:34

35Kalitsho yini ukuthi: Kuseselenyanga ezine ukuthi kufike ukuvuna? Khangelani, ngithi kini: Phakamisani amehlo enu, libone amasimu, ngoba asehle emhlophe elungele isivuno.Select John 4:35

36Njalo ovunayo wemukela umvuzo, njalo abuthe isithelo empilweni elaphakade; ukuze bobabili ohlanyelayo lovunayo bathokoze bendawonye.Select John 4:36

37Ngoba kulokhu ilizwi liqinisile elokuthi: Omunye ngohlanyelayo, lomunye ngovunayo.Select John 4:37

38Mina ngalithuma ukuvuna lokho elingakusebenzelanga; abanye basebenzile, lina-ke selingenile emsebenzini wabo.Select John 4:38

39Njalo amaSamariya amanengi akulowomuzi akholwa kuye ngenxa yelizwi lowesifazana, owafakaza esithi: Ungitshele konke engikwenzileyo.Select John 4:39

40Kwathi esefikile kuye amaSamariya, amncenga ukuthi ahlale lawo; wasehlala khona insuku ezimbili.Select John 4:40

41Abanengi bengezelelwa bakholwa ngenxa yelizwi lakhe.Select John 4:41

42Basebesithi kowesifazana: Kasisakholwa ngenxa yokutsho kwakho; ngoba sesizizwele thina, siyazi ukuthi oqotho lo unguMsindisi womhlaba, uKristu.Select John 4:42

43Kwathi emva kwensuku ezimbili wasuka lapho, waya eGalili;Select John 4:43

44ngoba uJesu ngokwakhe wafakaza ukuthi umprofethi kaladumo elizweni lakibo.Select John 4:44

45Wathi esefikile eGalili, amaGalili amemukela, ebonile konke akwenzayo eJerusalema emkhosini; ngoba lawo ayeyile emkhosini.Select John 4:45

46UJesu wafika-ke futhi eKana yeGalili, lapho enza khona amanzi aba liwayini. Kwakukhona othile owesikhosini, ondodana yakhe yayigula eKapenawume.Select John 4:46

47Esezwile ukuthi uJesu usefikile eGalili evela eJudiya, waya kuye, wamncenga ukuthi ehle, asilise indodana yakhe, ngoba yayisizaphela.Select John 4:47

48Ngakho uJesu wathi kuye: Ngaphandle kokuthi libone izibonakaliso lezimangaliso, kalisoze likholwe.Select John 4:48

49Owesikhosini wathi kuye: Nkosi, yehla engakafi umntanami.Select John 4:49

50UJesu wathi kuye: Hamba; indodana yakho iyaphila. Umuntu wasekholwa ilizwi uJesu alikhuluma laye, wasuka wahamba.Select John 4:50

51Kwathi esesehla, inceku zakhe zamhlangabeza, zabika zathi: Umntanakho uyaphila.Select John 4:51

52Wasezibuza ihola aqale ngalo ukuba ngcono. Zasezisithi kuye: Izolo ngehola lesikhombisa uqhuqho lumyekele.Select John 4:52

53Ngakho uyise wazi ukuthi kwakungalelohola uJesu athi ngalo kuye: Indodana yakho iyaphila; wasekholwa yena lendlu yakhe yonke.Select John 4:53

54UJesu waphinda wakwenza lokhu kwaba yisibonakaliso sesibili, efikile eGalili evela eJudiya.Select John 4:54