11Job 11

1Wasephendula uZofari umNahama wathi:Select Job 11:1

2Kambe kabuphendulwa yini ubunengi bamazwi? Njalo isilawuli singalungisiswa yini?Select Job 11:2

3Ukulawula kwakho kuzathulisa abantu yini? Lapho ukloloda, kakho ongakuyangisa yini?Select Job 11:3

4Ngoba uthe: Imfundiso yami ihlanzekile, ngihlambulukile emehlweni akho.Select Job 11:4

5Kodwa-ke kungathi uNkulunkulu angakhuluma, avule indebe zakhe kuwe,Select Job 11:5

6ukuze akwazise imfihlakalo zenhlakanipho, ukuthi ziphindwe kabili ngenhlakanipho eqotho. Yazi-ke ukuthi uNkulunkulu ubiza kuwe okulutshwana kulecala lakho.Select Job 11:6

7Ungafumana ukujula kukaNkulunkulu na? Ungamfumana yini uSomandla kuze kube sekupheleleni?Select Job 11:7

8Kuphakeme njengamazulu, ungenzani? Kutshonile kulesihogo, ungazini?Select Job 11:8

9Isilinganiso sakho side kulomhlaba, sibanzi kulolwandle.Select Job 11:9

10Uba esedlula avalele kumbe abuthanise, ngubani-ke ongamnqanda?Select Job 11:10

11Ngoba yena uyabazi abantu abayize, uyabona ububi; ngakho kayikukuqaphelisa yini?Select Job 11:11

12Ngoba umuntu oyisiphukuphuku angaba lokuqedisisa, lanxa umuntu engazalwa njengethole likababhemi weganga.Select Job 11:12

13Uba wena ulungisa inhliziyo yakho, welulele izandla zakho kuye,Select Job 11:13

14uba ububi busesandleni sakho, bubeke khatshana, lobubi kabungahlali emathenteni akho.Select Job 11:14

15Ngoba lapho uzaphakamisa ubuso bakho ungelasici, njalo uqine, ungesabi.Select Job 11:15

16Ngoba wena uzakhohlwa usizi lwakho, ulukhumbule njengamanzi asedlulile.Select Job 11:16

17Lobude bempilo yakho buzakhanya kulemini enkulu; loba kulomnyama kuzakuba njengekuseni.Select Job 11:17

18Njalo uzakuba lethemba ngoba kulethemba; uzagebha, uzalala ngokuvikeleka.Select Job 11:18

19Uzalala, njalo kakho ozakwethusa, labanengi bazancenga phambi kwakho.Select Job 11:19

20Kodwa amehlo ababi azafiphala, lesiphephelo sizachitheka kubo, lethemba labo lizakuba yikuphela komphefumulo.Select Job 11:20