14Job 14

1Umuntu, ozelwe ngowesifazana ulensuku ezimfitshane, ezigcwele inhlupheko.Select Job 14:1

2Uyavela njengeluba, abune, abaleke njengesithunzi, akemi.Select Job 14:2

3Kambe onjalo umvulela amehlo akho, ungingenise ekwahlulelweni kanye lawe.Select Job 14:3

4Ngubani ongaveza okuhlambulukileyo kokungcolileyo? Kakho loyedwa.Select Job 14:4

5Lokhu insuku zakhe zimisiwe, inani lenyanga zakhe likuwe, ummisele imingcele yakhe angeyedlule;Select Job 14:5

6ungamkhangeli, ukuze aphumule, aze athokoze ngosuku lwakhe njengesiqatshwa.Select Job 14:6

7Ngoba kukhona ithemba esihlahleni uba siganyulwa ukuthi sizabuya sihlume, lokuthi ihlumela laso kaliyikuphela.Select Job 14:7

8Lanxa impande yaso isiba ndala emhlabeni, lesiphunzi saso sifele emhlabathini,Select Job 14:8

9ngephunga lamanzi sizahluma, senze ingatsha njengesithombo.Select Job 14:9

10Kodwa umuntu uyafa alaliswe phansi, yebo, umuntu uyaphela, ungaphi-ke?Select Job 14:10

11Amanzi ayemuka elwandle, lomfula uyoma utshe,Select Job 14:11

12ngokunjalo umuntu uyalala phansi angavuki; kuze kuthi amazulu angabikho, bangavuki, kumbe bangaphatshanyiswa ebuthongweni babo.Select Job 14:12

13Kungathi ungangifihla engcwabeni, ungithukuze, ize iphenduke intukuthelo yakho, ungimisele isikhathi esimisiweyo, ungikhumbule!Select Job 14:13

14Uba umuntu esifa, uzabuya aphile yini? Zonke insuku zemfazo yami ngizalinda, kuze kufike ukukhululwa kwami.Select Job 14:14

15Uzabiza, mina-ke ngizasabela, uzalangatha umsebenzi wezandla zakho.Select Job 14:15

16Kanti khathesi uyazibala izinyathelo zami; kawuyikuqaphelisa ngesono sami yini?Select Job 14:16

17Isiphambeko sami sinanyekwe esikhwameni, wasusibekela isono sami.Select Job 14:17

18Isibili-ke intaba ewayo iyabhidlika, ledwala liyasuswa endaweni yalo.Select Job 14:18

19Amanzi ayaguguda amatshe, impophoma zawo ziyakhukhula ubhuqu lomhlaba. Uyachitha-ke ithemba lomuntu.Select Job 14:19

20Uyamehlula phakade, adlule; uyaguqula ubuso bakhe, umxotshe.Select Job 14:20

21Amadodana akhe ayadunyiswa, kodwa engakwazi; kumbe ayehliselwa phansi, kodwa angakunanzeleli.Select Job 14:21

22Kodwa inyama yakhe kuye isebuhlungwini, lomphefumulo wakhe kuye uyalila.Select Job 14:22