16Job 16

1Wasephendula uJobe wathi:Select Job 16:1

2Ngizwile izinto ezinengi ezinje; lingabaduduzi abakhathazayo lina lonke.Select Job 16:2

3Kuzakuba lesiphetho yini emazwini angumoya? Kumbe kuyini okulicunulayo ukuthi liphendule?Select Job 16:3

4Lami bengingakhuluma njengani uba umphefumulo wenu ubusendaweni yomphefumulo wami; bengingabuthelela amazwi phezu kwenu, ngilinikinele ikhanda lami.Select Job 16:4

5Bengingaliqinisa ngomlomo wami, lokunyikinyeka kwendebe zami bekungadedisaubuhlungu benu.Select Job 16:5

6Uba ngikhuluma, ubuhlungu bami kabudedi; uba ngiyekela, kuyini okusuka kimi?Select Job 16:6

7Kodwa khathesi ungidinisile yena, wena uchithile yonke inhlangano yami.Select Job 16:7

8Ungitshwabhanisile, kube yibufakazi, lokucaka kwami kungivukele, kuyafakaza ebusweni bami.Select Job 16:8

9Ulaka lwakhe luyangidwengula, njalo uyangizonda; ungigedlela amazinyo akhe; isitha sami singicijisela amehlo aso.Select Job 16:9

10Bangikhamisela umlomo wabo, bangiwakala esihlathini ngokuyangisa, bengihlanganyela ndawonye.Select Job 16:10

11UNkulunkulu unginikele kokhohlakeleyo, wangiphosela ezandleni zababi.Select Job 16:11

12Ngangonwabile, kodwa wangichoboza, wangidumela ngentamo, wangiphahlaza, wangimisa ngaba yinto yakhe yokunenjwa.Select Job 16:12

13Abatshoki bakhe bangigombolozela; uqhekeze izinso zami, engayekeli, wachithela emhlabathini inyongo yami.Select Job 16:13

14Wangivodloza ngokuvodlovodloza, wagijimela kimi njengeqhawe.Select Job 16:14

15Ngathunga isaka phezu kwesikhumba sami, ngathukuza uphondo lwami othulini.Select Job 16:15

16Ubuso bami bubomvu ngokukhala, lenkotsheni zami kulethunzi lokufa,Select Job 16:16

17lanxa kungekho isihluku ezandleni zami, lomkhuleko wami uhlanzekile.Select Job 16:17

18Mhlaba, ungaligqibeli igazi lami, lokukhala kwami kakungabi landawo.Select Job 16:18

19Lakhathesi, khangelani, ubufakazi bami busemazulwini, lomfakazi wami usezindaweni eziphakemeyo.Select Job 16:19

20Abangane bami bayangiklolodela; ilihlo lami liyathonta kuNkulunkulu.Select Job 16:20

21Kungathi kungaba khona ongamlamulela umuntu kuNkulunkulu, njengendodana yomuntu kumngane wayo.Select Job 16:21

22Ngoba iminyaka emilutshwana izafika, njalo ngizahamba ngendlela engingayikubuya ngayo.Select Job 16:22