18Job 18

1Wasephendula uBilidadi umShuhi wathi:Select Job 18:1

2Koze kube nini libekela amazwi imigibe? Nanzelelani, lemva kwalokho sikhulume.Select Job 18:2

3Kungani sithiwa sizinyamazana, singcolile emehlweni enu?Select Job 18:3

4Udwengula umphefumulo wakhe ngokuthukuthela kwakhe. Umhlaba uzatshiywa ngenxa yakho yini, loba idwala lisuswe endaweni yalo?Select Job 18:4

5Yebo, ukukhanya kwabakhohlakeleyo kuzacitshwa, lenhlansi yomlilo wakhe kayiyikukhanya.Select Job 18:5

6Ukukhanya kuzafiphala ethenteni lakhe, lesibane sakhe ngaphezu kwakhe sizacitshwa.Select Job 18:6

7Izinyathelo zamandla akhe zizafinyezwa, lecebo lakhe lizamwisela phansi.Select Job 18:7

8Ngoba uzaphoselwa embuleni zinyawo zakhe, ahambe phezu kwembule.Select Job 18:8

9Umjibila uzambamba isithende, isihitshela sizamkhulela.Select Job 18:9

10Igoda lakhe lifihlwe emhlabathini, lomjibila wakhe endleleni.Select Job 18:10

11Izesabiso zizamethusa inhlangothi zonke, zixotshane laye enyaweni zakhe.Select Job 18:11

12Amandla akhe azaqedwa yindlala, lengozi ilindele ukukhubeka kwakhe.Select Job 18:12

13Kuzakudla ingxenye zesikhumba sakhe; izibulo lokufa lidle ingxenye zakhe.Select Job 18:13

14Ithemba lakhe lizahluthunwa ethenteni lakhe, njalo kumenze aye enkosini yezesabiso.Select Job 18:14

15Kuzahlala ethenteni lakhe elingeyisilo lakhe; isolufa izavuvuzelwa phezu kwendawo yakhe yokuhlala.Select Job 18:15

16Impande zakhe zizakoma ngaphansi, logatsha lwakhe lubune ngaphezulu.Select Job 18:16

17Ukukhunjulwa kwakhe kuzabhubha emhlabeni, angabi labizo ezitaladeni.Select Job 18:17

18Bazamfuqa bamsuse ekukhanyeni bamuse emnyameni, bamxotshe emhlabeni.Select Job 18:18

19Kayikuba lenzalo lasizukulwana ebantwini bakibo; kakuyikuba lansali endaweni zakhe zokuhlala.Select Job 18:19

20Abalandelayo bazakwethuswa lusuku lwakhe, labokuqala bazabanjwa yisesabiso.Select Job 18:20

21Isibili zinjalo indawo zokuhlala zomubi, njalo yiyo le indawo yongamaziyo uNkulunkulu.Select Job 18:21