22Job 22

1Wasephendula uElifazi umThemani wathi:Select Job 22:1

2Umuntu angaba losizo kuNkulunkulu yini, ngoba ohlakaniphileyo elusizo kuye ngokwakhe?Select Job 22:2

3Kuyintokozo yini kuSomandla ukuthi ulungile? Kumbe inzuzo kuye ukuthi uphelelise indlela zakho?Select Job 22:3

4Uzakusola yini ngenxa yokwesaba kwakho? Uzangena lawe kusahlulelo.Select Job 22:4

5Ububi bakho kabubukhulu yini, lezono zakho kazilakuphela?Select Job 22:5

6Ngoba uthethe isibambiso kubafowenu kungelasizatho, wahlubula abanqunu izigqoko.Select Job 22:6

7Kawumnathisanga amanzi odiniweyo, lolambileyo umgodlele ukudla.Select Job 22:7

8Kodwa umuntu olengalo, umhlaba ungowakhe, lowemukeleka ebusweni wahlala kuwo.Select Job 22:8

9Uxotshile abafelokazi bengelalutho, lengalo zezintandane zichotshoziwe.Select Job 22:9

10Ngakho-ke imijibila ikuhanqile, lovalo luhle lwakwesabisa,Select Job 22:10

11kumbe ubumnyama ukuze ungaboni, lesikhukhula samanzi sikusibekele.Select Job 22:11

12UNkulunkulu kakho yini engqongeni yamazulu? Bona-ke ingqonga yezinkanyezi, ukuthi ziphakeme kangakanani.Select Job 22:12

13Kanti uthi: UNkulunkulu wazini? Angahlulela yini engemuva komnyama onzima?Select Job 22:13

14Amayezi amnyama ayisisibekelo sakhe ukuze angaboni, uhamba esigombolozini samazulu.Select Job 22:14

15Usunanzelele indlela endala yini abantu ababi abanyathela kuyo?Select Job 22:15

16Abahluthunwa kungakabi yisikhathi; uzamcolo wathululwa phezu kwesisekelo sabo.Select Job 22:16

17Abathi kuNkulunkulu: Suka kithi. LoSomandla wayenzeni kubo?Select Job 22:17

18Kanti yena wayegcwalise izindlu zabo ngokuhle; kodwa icebo labakhohlakeleyo likhatshana lami.Select Job 22:18

19Abalungileyo bayakubona bathokoze, lomsulwa ubahleka usulu.Select Job 22:19

20Isibili isitha sethu sichithiwe, lomlilo uqede insali yabo.Select Job 22:20

21Ake wejwayelane laye, ube lokuthula, ngalokho okuhle kuzakuza kuwe.Select Job 22:21

22Ake wemukele umlayo ovela emlonyeni wakhe, ubeke amazwi akhe enhliziyweni yakho.Select Job 22:22

23Uba ubuyela kuSomandla, uzakwakhiwa, ususe okubi khatshana lamathente akho.Select Job 22:23

24Ubusubeka igolide lakho othulini, legolide leOfiri elitsheni lezifula.Select Job 22:24

25Ngakho uSomandla uzakuba ligolide lakho, lesiliva sakho esinengi.Select Job 22:25

26Ngoba ngalesosikhathi uzazithokozisa ngoSomandla, uphakamisele ubuso bakho kuNkulunkulu.Select Job 22:26

27Uzakhuleka kuye, akuzwe, ukhokhe izifungo zakho.Select Job 22:27

28Uzaquma-ke udaba, luqiniseke kuwe, lokukhanya kukhanye endleleni zakho.Select Job 22:28

29Nxa behliselwe phansi, ubususithi: Phezulu! Abesesindisa othobekileyo ngamehlo.Select Job 22:29

30Uzamkhulula ongemsulwa; njalo ukhululwa ngokuhlanzeka kwezandla zakho.Select Job 22:30