24Job 24

1Kungani izikhathi zingafihlelwanga uSomandla, labamaziyo bengaboni insuku zakhe?Select Job 24:1

2Bathuthukisa imingcele, baphange imihlambi bayeluse.Select Job 24:2

3Baxotsha ubabhemi wezintandane, bathathe inkabi yomfelokazi ibe yisibambiso.Select Job 24:3

4Baphambula abaswelayo emigwaqweni; abayanga bomhlaba bacatsha ndawonye.Select Job 24:4

5Khangelani, bangobabhemi beganga enkangala, baphumela emsebenzini wabo, badinge impango ngovivi; inkangala ibe yikudla kwakhe lokwabantwana.Select Job 24:5

6Emasimini bavuna ukudla kwakhe, bakhothoze esivinini somubi.Select Job 24:6

7Balala beze ebusuku bengelasembatho, bengelasigubuzelo emqandweni.Select Job 24:7

8Bamanzi ngezihlambo zezintaba, babambelela edwaleni ngoba bengelasiphephelo.Select Job 24:8

9Bahluthuna intandane ebeleni, bathathe lesibambiso kumyanga.Select Job 24:9

10Bahamba beze bengelasigqoko, labalambileyo bathwala isithungo.Select Job 24:10

11Phakathi kwemiduli yabo bahluza amafutha, banyathela izikhamelo zewayini, kodwa bomile.Select Job 24:11

12Abantu bayabubula besemzini, lomphefumulo wabalimeleyo uyakhala; kodwa uNkulunkulu kababaleli ukungalungi.Select Job 24:12

13Bona baphakathi kwabavukela ukukhanya; kabazazi indlela zakhe, kabahlali emikhondweni yakhe.Select Job 24:13

14Umbulali uyavuka ngovivi, abulale umyanga loswelayo; lebusuku unjengesela.Select Job 24:14

15Lelihlo lesiphingi lilindela ukuhlwa, sisithi: Kakulalihlo elizangibona; sifake isimbombozo ebusweni baso.Select Job 24:15

16Emnyameni ugebha aphutshele ezindlini abaziphawulele zona emini; kabakwazi ukukhanya.Select Job 24:16

17Ngoba ikuseni kanyekanye ilithunzi lokufa kubo; uba besaziwa bakuzesabiso zethunzi lokufa.Select Job 24:17

18Ulula phezu kobuso bamanzi; isabelo sabo siqalekisiwe emhlabeni; kaphendukeli endleleni yezivini.Select Job 24:18

19Imbalela lokutshisa kuqeda amanzi eliqhwa elikhithikileyo, ngokunjalo ingcwaba abonileyo.Select Job 24:19

20Isizalo sizamkhohlwa, impethu izammunya, engabe esakhunjulwa, lenkohlakalo izakwephulwa njengesihlahla.Select Job 24:20

21Udla ngokuminza inyumba engazaliyo, kamenzeli okuhle umfelokazi.Select Job 24:21

22Njalo udonsa abalamandla ngamandla akhe, uyavuka, njalo kungabi lolethemba lempilo.Select Job 24:22

23Uyamnika ukuze alondolozeke, eseyama kukho, kodwa amehlo akhe aphezu kwendlela zabo.Select Job 24:23

24Bayaphakanyiswa okwesikhatshana, babesebengasekho, behliselwa phansi, bavalelwe njengaye wonke, bayaqunywa njengesihloko sesikhwebu.Select Job 24:24

25Uba-ke kungenjalo, ngubani ongangenza umqambimanga, enze inkulumo yami ibe yize?Select Job 24:25